Home /News /business /Stock To Watch: બજેટ પછી આજે પણ બજારમાં ઉથલપાથલ, જોકે આ 12 શેર્સમાં કમાણીના ચાન્સ
Stock To Watch: બજેટ પછી આજે પણ બજારમાં ઉથલપાથલ, જોકે આ 12 શેર્સમાં કમાણીના ચાન્સ
શેરબજારમાં આજે ઉથલપાથલ યથાવત પણ અહીં કમાણી થઈ શકે.
Stock To watch: બજેટના એક દિવસ પછી આજે સ્થાનિક બજાર માટે મિશ્ર સંકેતો મળી રહ્યા છે. આ તરફ યુએસ ફેડ દ્વારા પ્રમાણમાં ઓછા પરંતુ વ્યાજ દરોમાં વધારો કરવામાં આવ્યો છે.
મુંબઈઃ બેજટના દિવસે બુધવારે સ્થાનિક બજારમાં જોરદાર ઉતાર ચઢાવ જોવા મળ્યા હતા. નિફ્ટી છેલ્લા 3 વર્ષમાં પહેલીવાર બજેટના દિવસે લાલ નિશાનમાં બંધ થી હતી. અદાણી ગ્રૂપના શેરમાં આ દિવસે ફરી એકવાર ભારે વેચવાલી જોવા મળી હતી. પરંતુ સ્થાનિક બજાર માટે દિવસ સામાન્ય રીતે મિશ્ર રહ્યો હતો. ફેડરલ રિઝર્વે વ્યાજ દરોમાં 0.25 ટકાનો વધારો કર્યો છે. જોકે ફેડ દ્વારા હાલમાં જ સંકેત મળ્યા છે કે આગલ ફણ વ્યાજમાં વધારો જોવા મળી શકે છે. બજેટમાં કરવામાં આવેલી જાહેરાતો અને આગામી સપ્તાહમાં RBIની બેઠકના આધારે બજારની ચાલ નક્કી થશે.
ફુગાવાને અંકુશમાં લેવા માટે યુએસ ફેડરલ રિઝર્વે ફરી એકવાર વ્યાજદરમાં વધારો કર્યો છે. જોકે, આ વખતે ફેડ પહેલા કરતા ઓછો વધારો થયો છે. ફેડ એ પણ સંકેત આપ્યો છે કે ભવિષ્યમાં વ્યાજદરમાં વધારો થતો રહેશે. 0.25% ના વધારા સાથે, યુ.એસ.માં નીતિગત વ્યાજ દરો 4.5% - 4.75% ની વચ્ચે છે. અગાઉ ડિસેમ્બરની બેઠકમાં ફેડ 0.75% વધ્યો હતો. બજારને પણ આ વખતે આશા હતી કે ફેડ વ્યાજદરમાં મોટો વધારો નહીં કરે.
યુએસ ફેડરલ રિઝર્વના ચેરમેન જેરોપ પોવેલે જણાવ્યું હતું કે તેઓ આ વર્ષે વ્યાજદરમાં ઘટાડો થવાની અપેક્ષા રાખતા નથી. તેમણે કહ્યું કે અમે બોન્ડ માર્કેટને લઈને ચિંતિત નથી.
વિદેશી બજારોમાંથી સંકેતો
ફેડના નિર્ણય બાદ બુધવારે અમેરિકી શેરબજાર બંધ થવામાં સફળ રહ્યું. S&P ઇન્ડેક્સ લગભગ 1.05% ના વધારા સાથે બંધ થયો, જ્યારે Nasdaq માં લગભગ 2% નો વધારો જોવા મળ્યો. જોકે, ડાઉ જોન્સ 0.02% ના મામૂલી વધારા સાથે લીલા નિશાનમાં બંધ થયો હતો. મેટા શેર્સમાં ગઈકાલે અદભૂત તેજી જોવા મળી હતી. ફેડની બેઠક બાદ બુધવારે યુરોપિયન બજાર મિશ્ર સ્તરે બંધ થયું હતું.
એશિયન બજારોની વાત કરીએ તો અહીં પણ મિશ્ર કારોબાર જોવા મળી રહ્યો છે. હેંગસાંગ ઇન્ડેક્સ સિવાય નિક્કેઈ અને કોસ્પીમાં પણ ઉછાળો જોવા મળી રહ્યો છે. જ્યારે, શાંઘાઈ કમ્પોઝિટમાં થોડો ઘટાડો છે.
FIIs-DII ના આંકડા
ગઈકાલે બજેટ ભાષણ વચ્ચે વિદેશી રોકાણકારોએ સ્થાનિક શેરબજારમાં રૂ. 1,785 કરોડના શેરની ખરીદી કરી હતી. તે જ સમયે, સ્થાનિક રોકાણકારોએ રૂ. 529 કરોડના શેર ખરીદ્યા છે.
Adani Group: કંપનીએ બુધવારે મોડી રાત્રે બંને એક્સચેન્જોને FPO પાછી ખેંચી લેવા અંગે જાણ કરી છે. છેલ્લા કેટલાક દિવસોમાં ગ્રૂપના શેરમાં ભારે ઘટાડો જોવા મળ્યો છે.
Britannia Industries: કંપનીએ ઓક્ટોબર-ડિસેમ્બર ક્વાર્ટરમાં રૂ. 931 કરોડનો નફો કર્યો છે. ગયા વર્ષના સમાન ક્વાર્ટરની સરખામણીએ તેમાં 150%નો વધારો થયો છે. જ્યારે, આ બિઝનેસ વર્ષ 2021ના ડિસેમ્બર ક્વાર્ટરની સરખામણીમાં, વેચાણ 16% વધીને રૂ. 4,101 કરોડ સુધી પહોંચી ગયું છે.
Tata Chemicals: કંપનીએ ડિસેમ્બર ક્વાર્ટરમાં રૂ. 391 કરોડનો નફો કર્યો છે. વાર્ષિક ધોરણે તેમાં 26%નો વધારો થયો છે. જ્યારે ગયા વર્ષની સરખામણીમાં કંપનીની આવક પણ 32% વધીને રૂ. 4,148 કરોડ થઈ છે.
Jubilant FoodWorks: ડિસેમ્બર ક્વાર્ટરમાં આ કંપનીનો નફો 36% ઘટીને રૂ. 88 કરોડ થયો છે. જ્યારે આવક લગભગ 10% વધીને રૂ. 1,316 કરોડ થઈ છે.
Mahindra Logistics: ડિસેમ્બર ક્વાર્ટરમાં કંપનીનો નફો 22% ઘટીને રૂ. 1.39 કરોડ થયો છે. જ્યારે, આવકમાં 17%નો ઘટાડો થયો છે અને તે 1,330 કરોડ રૂપિયા પર પહોંચી ગયો છે.
Ashok Leyland:જાન્યુઆરીમાં આ કંપનીનું કુલ વેચાણ 23% વધીને રૂ. 17,200 કરોડ થયું છે. કંપનીએ કહ્યું કે વેચાણમાં વધારો મજબૂત સ્થાનિક માંગને કારણે થયો છે. જોકે નિકાસમાં ઘટાડો જોવા મળ્યો છે.
Eicher Motors: જાન્યુઆરી 2023માં કંપનીનું વેચાણ 32% વધીને રૂ. 7,181 કરોડ થયું હતું. ટ્રક અને બસોના વેચાણમાં 50%નો વધારો થયો છે. જ્યારે, રોયલ એનફિલ્ડના વેચાણમાં પણ 27%નો વધારો થયો છે. જાન્યુઆરીમાં કંપનીએ રોયલ એનફિલ્ડના કુલ 74,746 યુનિટ્સનું વેચાણ કર્યું હતું.
IDFC: ત્રીજા ક્વાર્ટરમાં કંપનીનો નફો વધીને રૂ. 272 કરોડ થયો છે. જે ગયા વર્ષના સમાન ગાળામાં રૂ. 18.2 કરોડ હતો. જ્યારે, આવક 45% ઘટીને રૂ. 29.7 કરોડ થઈ છે.
CDSL: ડિસેમ્બર મહિનામાં કંપનીનો નફો વાર્ષિક ધોરણે 11% વધીને રૂ. 74.6 કરોડ પર પહોંચ્યો છે. જ્યારે આવક 7% ઘટીને રૂ.141 કરોડ થઈ છે.
RVNL: આંધ્ર પ્રદેશના ચિત્તૂરમાં રેલવે ઈન્ફ્રાસ્ટ્રક્ચર બનાવવા માટે કંપની સધર્ન રેલવે પાસેથી રૂ. 41.8 કરોડ મળ્યા છે. રેમન્ડ: ડિસેમ્બર ક્વાર્ટરમાં નફો ત્રિમાસિક ધોરણે 5.4% ઘટીને રૂ. 94.8 કરોડ થયો છે. જ્યારે આવક 18% ઘટીને રૂ. 2,168 કરોડ થઈ છે.
Tata Motors: જાન્યુઆરી 2023 માં, કંપનીનું કુલ વેચાણ વાર્ષિક ધોરણે 10% ઘટીને 79,681 યુનિટ થયું હતું. પેસેન્જર વ્હીકલ સેગમેન્ટમાં જોરદાર માંગ જોવા મળી રહી છે. સ્થાનિક પીવી સેગમેન્ટમાં વાર્ષિક ધોરણે 18%નો વધારો થયો છે.
(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર