Home /News /business /

LIC Stock : રોકાણકારોનું ચોથા ભાગનું રોકાણ ખાઈ ગયો LICનો શેર, 720 રૂપિયાની રેકોર્ડ નીચી સપાટીએ પહોંચ્યો, હવે શું કરવું?

LIC Stock : રોકાણકારોનું ચોથા ભાગનું રોકાણ ખાઈ ગયો LICનો શેર, 720 રૂપિયાની રેકોર્ડ નીચી સપાટીએ પહોંચ્યો, હવે શું કરવું?

એલઆઈસી શેરની સ્થિતિ

LIC Stock Update : એલઆઈસી (LIC) માં રોકાણ કરનારાઓને અત્યાર સુધીમાં 1.4 લાખ કરોડ રૂપિયાનું મોટું નુકસાન થયું છે. તેની માર્કેટ કેપ ઘટીને 4.6 લાખ કરોડ રૂપિયા થઈ ગઈ છે. જ્યારે તેનો આઈપીઓ લોન્ચ કરવામાં આવ્યો હતો, ત્યારે તેની કેપ 6 લાખ કરોડ રૂપિયાની હતી

વધુ જુઓ ...
    stઆજે શેરબજારો (Indian Stock Market) ઘટાડા સાથે ખૂલ્યું હતું. પરંતુ બંધ થતી વખતે જબરદસ્ત રિકવરી જોવા મળી હતી. નિફ્ટી 120 અંક અને સેન્સેક્સ 400 અંકથી વધુના વધારા સાથે બંધ થયો હતો. માર્કેટ પોઝિટિવ આવ્યા બાદ પણ એલઆઇસીના શેરના ભાવ (LIC Stock Prices) નવી નીચી સપાટીએ પહોંચ્યા હતા. નેશનલ સ્ટોક એક્સચેંજ (NSE) પર આજે તેણે 720.10 રૂપિયાની રેકોર્ડ નીચી સપાટી બનાવી છે.

    ગુરુવારના 729.90 રૂપિયાના ભાવે ખુલ્યા બાદ બજાર બંધ થવાથી દબાણમાં જોવા મળ્યું હતું. દિવસો પસાર થવાની સાથે રોકાણકારોની ખોટ વધી રહી છે. એલઆઈસીમાં રોકાણ કરનારાઓને અત્યાર સુધીમાં 1.4 લાખ કરોડ રૂપિયાનું મોટું નુકસાન થયું છે. તેની માર્કેટ કેપ ઘટીને 4.6 લાખ કરોડ રૂપિયા થઈ ગઈ છે. જ્યારે તેનો આઈપીઓ લોન્ચ કરવામાં આવ્યો હતો, ત્યારે તેની કેપ 6 લાખ કરોડ રૂપિયાની હતી. એમ પણ કહી શકાય કે તેણે તેના રોકાણકારોની મૂડીનો એક ચતુર્થાંશ હિસ્સો ધોઈ નાખ્યો છે.

    લાંબા સમયના રોકાણકારો ખરીદે

    સ્વસ્તિક ઇન્વેસ્ટમાર્ટના રિસર્ચ વડા સંતોષ મીણાએ જણાવ્યું હતું કે, ભારતમાં ઇન્સ્યોરન્સ સેક્ટરનો વિકાસ હજુ આવવાનો બાકી છે. ભારત હજુ પ્રાથમિક તબક્કામાં છે. એલઆઈસી પાસે તેના હરીફો કરતાં ઘણા વધુ ફાયદા છે. તેની બ્રાન્ડ વેલ્યૂ એકદમ મજબૂત છે. તેના એજન્ટોનું નેટવર્ક મજબૂત છે અને તેનું ડિસ્ટ્રીબ્યૂશન નેટવર્ક સારું છે. જે રોકાણકારો લાંબા સમય સુધી સ્ટોકમાં નાણાં મૂકે છે તેઓ તેને વર્તમાન ભાવે ખરીદી શકે છે અને બાય-ઓન-ડિપ (દરેક ઘટાડામાં ખરીદી) વ્યૂહરચના અપનાવી શકે છે.

    ઇશ્યૂ પ્રાઇસથી ખૂબ દૂર

    દેશનો સૌથી મોટો આઈપીઓ એલઆઈસી લગભગ 3 ગણો સબ્સક્રાઈબ થયો હતો. ઈશ્યૂ પ્રાઇસ 949 રૂપિયા હતી. પોલિસી ધારકો રિટેલ રોકાણકારો અને કંપનીના કર્મચારીઓને ખાસ ડિસ્કાઉન્ટ આપવામાં આવ્યું હતું. આ ડિસ્કાઉન્ટ પછી પણ પહેલા જ દિવસે તે તેના ઇશ્યૂ પ્રાઇસથી નીચે લિસ્ટ કરવામાં આવ્યો હતો અને પછી ઇશ્યૂ પ્રાઇસની તો છોડો તે તેની લિસ્ટિંગ કિંમતથી પણ ઉપર જઇ શક્યો ન હતો.

    આ પણ વાંચોRapo Rate Hike : હોમ અને ઓટો લોન પર હવે કેટલુ વધારાનુ વ્યાજ ચૂકવવુ પડશે? કેટલી વધશે ઈએમઆઈ? સમજો આખી ગણતરી

    એલઆઈસીએ થોડા દિવસો પહેલા માર્ચ ક્વાર્ટરના પરિણામ જાહેર કર્યા હતા. કંપનીએ અહેવાલ આપ્યો છે કે માર્ચ 2022 ના ક્વાર્ટરમાં તેનો કંસોલિડેટેડ ચોખ્ખો નફો 17 ટકા ઘટીને 2,410 કરોડ રૂપિયા થઈ ગયો છે. જોકે આ સમયગાળા દરમિયાન એલઆઇસીનું ચોખ્ખું પ્રીમિયમ 17.9 ટકા વધીને રૂ.1.4 લાખ કરોડ થયું હતું. કેટલાક લોકો તેને ઘટાડાનું કારણ પણ માની રહ્યા છે.
    Published by:kiran mehta
    First published:

    Tags: Indian Stock Market, LIC, LIC India, Stock market Tips, Stock Markets

    આગામી સમાચાર