ઘરે-ઘરે ચાકુ વેચતી છોકરી હવે કમાય છે કરોડો, 15 વર્ષની ઉંમરે છોડ્યું હતું પિતાનું ઘર

જો વ્યક્તિ હિંમત ન હારે તો દુનિયાની સૌથી મુશ્કેલ પરિસ્થિતિઓ પણ તેને હરાવી શકતી નથી. તેનું જીવંત ઉદાહરણ સ્ટાર્ટઅપ રુબન્સ એસેસરીઝના સ્થાપક ચિનુ કાલા છે. તેને 15 વર્ષની ઉંમરે ઘર છોડવું પડ્યું. તે રેલ્વે સ્ટેશન પર સુતી હતી. તેણીએ ઘરે ઘરે જઈને ચાકુ અને છરીઓ વેચી. આવા કપરા સંજોગોમાં પણ તેણે હિંમત રાખી. તેનું પરિણામ એ છે કે આજે તે 40 કરોડ રૂપિયાનું વાર્ષિક ટર્નઓવર ધરાવતી કંપનીની માલિક છે. ચિનુ હજુ પણ દિવસમાં 15 કલાક કામ કરે છે. તેનું સ્વપ્ન ભારતીય જ્વેલરી માર્કેટમાં તેની બ્રાન્ડનો 25 ટકા હિસ્સો બનાવવાનું છે.

તાજેતરમાં જ ચિનુ કાલા પણ તેના પતિ સાથે શાર્ક ટેન્ક ઈન્ડિયામાં જોવા મળી હતી. ચિનુના સંઘર્ષની કહાણીથી જજો પ્રભાવિત થયા હતા. ચિનુ તેના સ્ટાર્ટઅપ માટે શાર્ક પાસેથી રૂ. 1.5 કરોડનું ભંડોળ મેળવવામાં સફળ રહી હતી. શાર્કની નમિતા થાપરે ચિનુના વખાણ કરતા કહ્યું, "અમે માસ્ટર્સ પાસેથી કૌશલ્ય શીખ્યા છે, તમે સંજોગોમાંથી શીખ્યા છો."

આ પણ વાંચો: FD Rates: તમને ખ્યાલ છે કે નહીં? આ ત્રણ બેંકોના FD વ્યાજ દર આસમાને, મોકો ચૂકાય ન જાય

15 વર્ષની ઉંમરે ઘર છોડી દીધું

ચિનુ કાલા કહે છે કે ઘરનું વાતાવરણ તેના માટે ઘણું ખરાબ હતું. તેનાથી કંટાળીને તેણે 15 વર્ષની ઉંમરે ઘર છોડી દીધું હતું. તેણે સ્ટેશન પર થોડી રાતો વિતાવી. જ્યારે તે ઘરેથી નીકળી ત્યારે તેની પાસે માત્ર 300 રૂપિયા અને થોડા કપડા હતા. પછી તેને ધર્મશાળામાં રહેવાની જગ્યા મળી. તેને ઘરે ઘરે છરીઓ વેચવાનું કામ મળ્યું. તે રોજના માત્ર 20 રૂપિયા કમાઈ શકતી હતી. આ કામ ઘણું અઘરું હતું. 100 દરવાજા ખટખટાવવા પર, તેમનો માલ ફક્ત 2 અથવા 3 જગ્યાએ વેચાતો. ત્યાર બાદ તેણીએ સાંજે 6 થી 11 વાગ્યા સુધી જોબ કરી. જેમાં તે રેસ્ટોરન્ટમાં વેઇટર હતી. તેણીએ કોઈપણ કામને નાનું ન માન્યું અને આગળ વધવાનું ચાલુ રાખ્યું.

આ પણ વાંચો: Global Surfaces IPO: પહેલા જ દિવસે ગ્રેમાર્કેટમાંથી મજબૂત સંકેત, તમારે શું કરવું?

મિસિસ ઈન્ડિયા સ્પર્ધાએ જીવન બદલી નાખ્યું

2004માં તેના લગ્ન અમિત કાલા સાથે થયા. બે વર્ષ પછી, તેણીએ મિસિસ ઈન્ડિયા સ્પર્ધામાં ભાગ લીધો. તે મિસિસ ઈન્ડિયાના છેલ્લા રાઉન્ડમાં પહોંચી હતી. તે પછી તેના માટે જીવન સરળ બની ગયું. જ્યારે તે મોડલ બની હતી ત્યારે તે ફેશન ઈન્ડસ્ટ્રીમાં જાણીતી બની ગઈ હતી. પરંતુ, તેણે ક્યારેય મોડલિંગને પોતાનું કરિયર નથી માન્યું. તેણે ફેશન જ્વેલરીના મામલે કંઈક કરવાનું વિચાર્યું.

2014માં રૂબન્સ એસેસરીઝ લોન્ચ કરવામાં આવી હતી

ચિનુ કાલાએ કામ કરીને જે પણ પૈસા બચાવ્યા હતા તે તેણે ધંધામાં લગાવ્યા. તેણે બેંગ્લોરના એક મોલમાં માત્ર 6*6ની જગ્યામાં પોતાનો સ્ટોલ શરૂ કર્યો. થોડા જ સમયમાં તેનું વેચાણ વધવા લાગ્યું. બે વર્ષમાં તેનું વેચાણ વધીને 56 લાખ થઈ ગયું. કોરોનાના સમયગાળા દરમિયાન તેણે પોતાની જ્વેલરી ઓનલાઈન વેચવાનું શરૂ કર્યું. આનાથી તેની બ્રાન્ડ ખૂબ પ્રખ્યાત થઈ. આજે, રૂબેન્સ એસેસરીઝનું વાર્ષિક ટર્નઓવર 40 કરોડને પાર કરી ગયું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Business Planning, Business Startup