ચાર જ્યોતિર્લિંગના દર્શન માટે સ્પેશલ ટ્રેન, IRCTCના ટૂર પેકેજની જાણો વિશેષતા અને ભાડું

અમદાવાદઃ કોરોના સંક્રમણ કાળમાં થંભી ગયેલી તીર્થયાત્રા ટ્રેનો ફરી એકવાર શરૂ થવા લાગી છે. જો તમે જ્યોતિર્લિંગોની યાત્રા (Jyotirlinga Yatra) કરવાનું વિચારી રહ્યા છો તો તમારા માટે IRCTCએ વિશેષ ટૂર પેકેજ તૈયાર કર્યું છે. આવતા મહિને ઉપડનારી આ ટ્રેનથી ચાર પ્રસિદ્ધ જ્યોતિર્લિંગ જેમાં સોમનાથ, મહાકાલેશ્વર, ઓંકારેશ્વર અને નાગેશ્વરની સાથોસાથ દ્વારકાધીશ મંદિર અને સાબરમતી આશ્રમના પણ દર્શન કરવાનો લાભ મળશે.

IRCTCએ પર્યટકોને ધ્યાનમાં લઈને ચાર જ્યોતિર્લિંગ યાત્રા (IRCTC Jyotirlinga Yatra Package)ની ઘોષણા કરી છે. 27 જાન્યુઆરીએ જાલંધરથી આ યાત્રા શરૂ થઈને લુધિયાના, ચંદીગઢ, અંબાલા, કુરુક્ષેત્ર, કરનાલ, પાણીપતના રસ્તે દિલ્હી, રેવાડી, અલવર જયપુર થઈને રવાના થશે. આ સ્ટેશનોથી યાત્રા તીર્થ યાત્રા માટે ટ્રેનમાં બેસી શકાશે. આ ટૂર પેકેજ 7 રાત 8 દિવસનું હશે. વિશેષ પર્યટક ટ્રેનમાં કુલ 10 કોચ હશે અને તેમાં પાંચ AC સ્લીપર અને પાંચ જનરલ સ્લીપર શ્રેણીના કોચ હશે.



આ પણ વાંચો, શરૂ કરો આ જોરદાર નફો આપતો બિઝનેસ, દર વર્ષે થશે 9 લાખ સુધીની આવક..!

કેટલું હશે ભાડું?

IRCTCના અધિકારીઓ મુજબ AC શ્રેણીમાં પ્રતિ વ્યક્તિ ભાડું 12600 રૂપિયા ચાર્જ કરવામાં આવશે. જનરલ સ્લીપર શ્રેણીમાં યાત્રા કરવ માટે પ્રતિ વ્યક્તિ 7560 રૂપિયા ચૂકવવા પડશે. ટૂર પેકેજમાં પર્યટકોના રહેવા તથા ખાવાની સુવિધા પણ હશે. શુદ્ધ શાકાહારી ભોજન, હોટલ, ધર્મશાળામાં રહેવાની વ્યવસ્થા કરવામાં આવશે. ફરવા માટે બસોની વ્યવસ્થા કરવામાં આવશે. અનુભવી ટૂર મેનેજર પણ પર્યટકોની સુવિધાઓનું ધ્યાન રાખવા માટે હશે.

આ પણ વાંચો, Indo-Pak 1971 War: જ્યારે માથે હાથ દઈને જનરલ નિયાજીએ પાડી હતી બૂમ, ‘રાવલપિંડી મેં બૈઠે હરામજાદો ને મરવા દીયા’

ઓનલાઇનની સાથે ટિકિટ કાઉન્ટરની પણ સુવિધા

ચાર જ્યોતિર્લિંગ ધામની યાત્રા માટે ઓનલા ઇન ટિકિટ બુકિંગની સાથે સ્ટેશનના કાઉન્ટર ઉપર પણ સુવિધા મળશે. નવી દિલ્હી રેલવે સ્ટેશનના પ્લેટફોર્મ નંબર પર તેના માટે સ્પેશલ ટિકિટ કાઉન્ટરની વ્યવસ્થા કરવામાં આવી છે. આ ઉપરાંત લખનઉ, આગ્રા, દિલ્હી, જયપુર, વારાણસી, ચંદીગઢ સહિત IRCTC ઓફિસ ઉપરથી પણ બુકિંગ કરી શકાશે.