Sovereign Gold Bond: ઓફર ચૂકશો નહીં! સસ્તું સોનું ખરીદવાની તક, ઓનલાઈન ખરીદી પર મળશે ડિસ્કાઉન્ટ

Sovereign Gold Bond: સરકાર લોકોને સસ્તા દરે સોનું ખરીદવાની તક આપી રહી છે. 19 ડિસેમ્બર 2022 થી, સોવરિન ગોલ્ડ બોન્ડ 2022-23 ની ત્રીજી શ્રેણીનું વેચાણ શરૂ થઈ રહ્યું છે. આ સ્કીમ માત્ર 5 દિવસ (19 થી 23 ડિસેમ્બર) માટે ખુલ્લી છે. આ દરમિયાન રોકાણકારોને બજાર કરતાં ઓછા દરે સોનું ખરીદવાની તક મળશે. તમને જણાવી દઈએ કે સરકાર વતી આરબીઆઈ દ્વારા સોવરિન ગોલ્ડ બોન્ડ જારી કરવામાં આવે છે. સોવરિન ગોલ્ડ બોન્ડ 2022-23 ની ત્રીજી શ્રેણી માટે ઇશ્યૂ કિંમત 5,409 રૂપિયા પ્રતિ ગ્રામ નક્કી કરવામાં આવી છે.

આ પણ વાંચો:ચાંદીની કિંમતમાં ફરીથી ઉછાળો, સોનામાં પણ થોડી તેજી: જાણો તમારા શહેરનો આજનો ભાવ

ઓનલાઈન ખરીદી પર 50 રૂપિયા પ્રતિ ગ્રામનું ડિસ્કાઉન્ટ

ઓનલાઈન અરજી કરનારા રોકાણકારોને પ્રતિ ગ્રામ 50 રૂપિયાની છૂટ આપવાનો નિર્ણય લેવામાં આવ્યો છે. આ માટે, તેઓએ ડિજિટલ માધ્યમથી ચૂકવણી કરવી પડશે. આનો અર્થ એ થયો કે ઓનલાઈન પેમેન્ટ કરતા રોકાણકારો માટે ગોલ્ડ બોન્ડની ઈશ્યુ કિંમત 5,359 રૂપિયા પ્રતિ ગ્રામ હશે.

ક્યાંથી ખરીદી શકાય

સોવરિન ગોલ્ડ બોન્ડ્સનું વેચાણ અનુસૂચિત વાણિજ્યિક બેંકો (સ્મોલ ફાઇનાન્સ બેંકો, પેમેન્ટ બેંકો અને પ્રાદેશિક ગ્રામીણ બેંકો સિવાય), સ્ટોક હોલ્ડિંગ કોર્પોરેશન ઓફ ઇન્ડિયા લિ., ક્લિયરિંગ કોર્પોરેશન ઓફ ઇન્ડિયા લિ., નિયુક્ત પોસ્ટ ઓફિસો, NSE અને BSE દ્વારા કરવામાં આવશે.

આ પણ વાંચો:આ કંપનીના IPOમાં રોકાણકારોએ દિલ ખોલીને લગાવ્યા રૂપિયા, બીજા દિવસે 70% સબસ્ક્રાઈબ થયો

સોવરિન ગોલ્ડ બોન્ડ પર ગ્રાહકોને 2.50 ટકા વ્યાજ

સોવરિન ગોલ્ડ બોન્ડની પાકતી મુદત 8 વર્ષ છે. આ સાથે, તમને આગામી વ્યાજની ચુકવણીની તારીખો પર 5મા વર્ષ પછી બહાર નીકળવાનો વિકલ્પ પણ મળે છે. નિવેદન અનુસાર, રોકાણકારોને અર્ધવાર્ષિક ધોરણે ફેસ વેલ્યુ પર 2.50 ટકા વાર્ષિક વ્યાજ મળશે.

બોન્ડ ખરીદીની મર્યાદા

સોવરિન ગોલ્ડ બોન્ડ સ્કીમમાં વ્યક્તિ નાણાકીય વર્ષમાં વધુમાં વધુ 4 કિલો સોનાના બોન્ડ ખરીદી શકે છે. એક ગ્રામનું લઘુત્તમ રોકાણ જરૂરી છે. ટ્રસ્ટ અથવા તેના જેવી સંસ્થાઓ 20 કિલો સુધીના બોન્ડ ખરીદી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold Investment, Sovereign Gold Bond