ખેડૂતો માટે ખૂબ જ જરુરી છે આ કાર્ડ, આવક બમણી કરવામાં કરે છે મદદ

News18 Gujarati
Updated: November 24, 2019, 9:28 AM IST
ખેડૂતો માટે ખૂબ જ જરુરી છે આ કાર્ડ, આવક બમણી કરવામાં કરે છે મદદ
આ યોજના રાજ્ય અને કેન્દ્ર સરકારની કૃષિ વિભાગ દ્વારા પૂર્ણ થાય છે.

કેન્દ્ર સરકારે ખેડૂતોના ખેતરોમાં જમીનની ગુણવત્તા ચકાસવા માટે સૉયલ હેલ્થ કાર્ડ યોજના શરૂ કરી હતી. આ યોજનાનો લાભ લઈને ખેડૂતો જમીનમાં રહેલા પોષક તત્વો વિશે માહિતી મેળવી શકશે.

  • Share this:
કેન્દ્ર સરકાર ખેડૂતોની આવક બમણી કરવા માટે સતત અનેક પગલાં લઈ રહી છે. એનડીએ સરકારે ખેડૂતો માટે પાક વીમા યોજના, પ્રધાનમંત્રી કિસાન સન્માન યોજનામાં સિંચાઈ યોજના લાવી હતી. જે તમારા પાકની ઉપજમાં માત્ર સુધારો જ નહીં પરંતુ તમારી જમીનના સ્વાસ્થ્યને પણ સુધારશે. આ સૉયલ હેલ્થ કાર્ડ વિશેની તમામ માહિતી વિશે જાણો.

શું છે યોજના?

આ યોજના કેન્દ્ર સરકારના કૃષિ મંત્રાલય અને કૃષિ અને સહકાર વિભાગ દ્વારા ચલાવવામાં આવે છે. આ યોજના રાજ્ય અને કેન્દ્ર સરકારની કૃષિ વિભાગ દ્વારા પૂર્ણ થાય છે. ખેડૂતોને તેમના ખેતરોની માટીની પોષક સ્થિતિની જાણકારી આપવા અને ખાતરની યોગ્ય માત્રાનો ઉપયોગ કરવા અને જરૂરી સુધારણા કરવાના હેતુથી સરકારે આ યોજના લાવી હતી.

સૉયલ હેલ્થ કાર્ડ શું છે?

સૉયલ હેલ્થ કાર્ડને ટૂંકા ગાળામાં એસએચસી (SHC( પણ કહેવામાં આવે છે, જે એક પ્રકારનો અહેવાલ છે, જે ખેડૂતને આપવામાં આવે છે. તેમાં એનપીકે, સલ્ફર, ઝિંક, ફેરસ, કૉપર, મેગ્નેશિયમ વગેરે વિશેની માહિતી સામેલ છે. તેના આધારે એસએચસીમાં જમીનની જરૂરી સુધારણા અને ખેતી માટે ખાતરની ભલામણો વિશેની માહિતી છે.

ખેડૂતો આ અહેવાલનો ઉપયોગ કેવી રીતે કરી શકે?

આ અહેવાલમાં માટીના પોષક તત્વોના આધારે માહિતી આપવામાં આવી છે. ખેડૂતો વાવણી કરતા પહેલા ખેતરોમાં પૂરતા પ્રમાણમાં અને જરૂરી ખાતરનો ઉપયોગ કરી શકશે. તે દર 3 વર્ષે ઉપલબ્ધ કરવામાં આવે છે.



કોણ લેશે નમૂનાઓ?

રાજ્ય સરકારના કૃષિ વિભાગના કર્મચારીઓ અથવા આઉટસોર્સ કરેલી એજન્સી ખેડૂતો પાસેથી જમીનના નમૂના એકત્ર કરે છે. રાજ્ય સરકારમાં પ્રાદેશિક કૃષિ કોલેજો અને કોલેજોના વિદ્યાર્થીઓ પણ સામેલ છે. આ માટે જીપીએસ ડિવાઇસ અને મહેસૂલ નકશાની મદદથી 2.5 હેક્ટર અને રેઇન ફીડ વિસ્તારના ગ્રીડમાંથી નમૂના લેવામાં આવે છે.

નમૂનાઓ એકત્રિત કરવા માટે યોગ્ય સમય શું છે

રવિ અને ખરીફ પાકની લણણી પછી વર્ષમાં સામાન્ય રીતે માટીના નમૂના લેવામાં આવે છે. જ્યારે ખેતરમાં પાક ન હોય ત્યારે પણ તે લઈ શકાય છે.
First published: November 24, 2019
વધુ વાંચો
अगली ख़बर