Silicon valley bankના ગ્રાહકો માટે રાહતના સમાચાર, સ્ટાર્ટઅપ્સ તેમના એકાઉન્ટ્સ એક્સેસ કરી શકશે

સિલિકોન વેલી બેંક બંધ થવાથી માત્ર અમેરિકી સરકારની જ નહીં પરંતુ ભારત સહિત અન્ય દેશોની સરકારોની પણ આંખ ખુલી ગઈ છે. આવી સ્થિતિ સામે આવે ત્યારે 'શું કરવું જોઈએ' તે અંગે દરેક વ્યક્તિ વિચારવા લાગ્યા છે. જોકે, ભારતમાં સ્થિતિ હજુ સામાન્ય છે અને આઈટી મંત્રી અશ્વિની વૈષ્ણવે કહ્યું છે કે અમેરિકાનું આ પગલું થાપણદારોને રાહત આપવા જઈ રહ્યું છે.

હકીકતમાં, યુએસ સરકારે જાહેરાત કરી છે કે સિલિકોન વેલી બેંકના થાપણદારોને સોમવારથી તેમના નાણાંની ઍક્સેસ મળશે. વૈષ્ણવે કહ્યું કે અમેરિકાનું પગલું આશ્વાસનજનક છે, જેના કારણે સ્ટાર્ટઅપ્સને રાહત મળશે.

થાપણદારોને સંપૂર્ણ એક્સેસ મળશે

યુએસ પ્રમુખ જો બાઈડન સોમવારે ખાતરી આપી હતી કે યુએસ બેંકિંગ સિસ્ટમ સુરક્ષિત છે. તેમણે વધુમાં કહ્યું કે ભવિષ્યમાં આને રોકવા માટે કડક નિયમનકારી નિયમો તૈયાર કરવામાં આવશે. ફેડરલ ડિપોઝિટ ઇન્સ્યોરન્સ કોર્પોરેશન (FDIC) અને ફેડરલ રિઝર્વના બોર્ડ તરફથી ભલામણો પ્રાપ્ત કર્યા પછી અને રાષ્ટ્રપતિ સાથે પરામર્શ કર્યા પછી, યુએસ ટ્રેઝરી સેક્રેટરી જેનેટ યેલેને રવિવારે FDIC ને બેંક થાપણો સાથે સંકળાયેલી કામગીરી હાથ ધરવા મંજૂરી આપી. થાપણદારોને સિલિકોન વેલી બેંકમાં જમા કરવામાં આવેલા તેમના નાણાંની સંપૂર્ણ ઍક્સેસ મળશે.

આ પણ વાંચો: Business Idea: થોડા રૂપિયામાં ઘરે જ શરુ થઇ જશે આ બિઝનેશ, નાના હોય કે મોટા દરેકની છે ફેવરિટ

સ્ટાર્ટઅપ્સ માટે નવી આશા

જો કે, સિલિકોન વેલી બેંકના પતન બાદ વૈશ્વિક બેંક શેરોમાં ઉથલપાથલ ચાલુ છે. આ દરમિયાન, રાષ્ટ્રપતિ અને નિયમનકારો તેને તેમના દાવાઓથી શાંત કરવા માટે શ્રેષ્ઠ પ્રયાસ કરી રહ્યા છે. યુએસ એડમિનિસ્ટ્રેશનના સ્ટેન્ડે સ્ટાર્ટઅપ્સ માટે આશાનું કિરણ આપ્યું છે, જેઓ SVB સાથે તેમની થાપણો પુનઃપ્રાપ્ત કરવાના માર્ગો શોધવા માટે સંઘર્ષ કરી રહ્યા છે. યુએસ રેગ્યુલેટર્સે થાપણદારો માટે ખાતાઓને સુલભ બનાવ્યા પછી, સ્ટાર્ટઅપ ભારતીય અને આંતરરાષ્ટ્રીય બેંકો સાથે તેમના ભંડોળના સ્થાનાંતરણના માર્ગો શોધવા માટે કામ કરી રહ્યું છે.

આ પણ વાંચો: Inflation: જનતાને થોડી રાહત મળી, WPI ફુગાવો 25 મહિનાના નીચલા સ્તરે પહોંચ્યો

ગિફ્ટ સિટી, ગુજરાતમાં ઇન્ટરનેશનલ ફાઇનાન્શિયલ સર્વિસિસ સેન્ટર ખાતે બેંક શાખાઓમાં એકાઉન્ટ ખોલવાની ગતિ વધારવા માટે બેંકો સ્ટાર્ટઅપ્સ સાથે વાતચીત કરી રહી છે. SVB અથવા અન્ય અમેરિકન બેંકોમાં ખાતા ધરાવતા સ્ટાર્ટઅપ્સ હવે ફંડ શિફ્ટ કરવાનો પ્રયાસ કરી રહ્યા છે. ગયા અઠવાડિયે સિલિકોન વેલી બેંક બંધ થયા બાદ અનેક સ્ટાર્ટઅપ્સ, ટેક કંપનીઓ, સાહસિકો અને વેન્ચર કેપિટલિસ્ટને અસર થઈ છે. SVB યુએસની 16મી સૌથી મોટી બેંક હતી, જેને કેલિફોર્નિયા ડિપાર્ટમેન્ટ ઓફ ફાઇનાન્સિયલ પ્રોટેક્શન એન્ડ ઇનોવેશન દ્વારા શુક્રવારે બંધ કરવામાં આવી છે. FDIC પાસે આ બેંકનું નિયંત્રણ છે.

2008 પછી સૌથી મોટી બેંક નિષ્ફળતા

SVBને સ્ટાર્ટઅપ્સની બેંક માનવામાં આવતી હતી અને તે 2008 પછી યુએસમાં સૌથી મોટી બેંક નિષ્ફળતા હોવાનું કહેવાય છે. જો કે આ બધાની વચ્ચે યુકે સરકારે રાહતની જાહેરાત કરી છે. તેણે લંડન સ્થિત બેંકિંગ મેજર HSBC ને સિલિકોન વેલી બેંકની મુશ્કેલીગ્રસ્ત યુકે શાખાને 1 પાઉન્ડમાં ખરીદવાની સુવિધા આપી. જેનાથી લગભગ 6.7 બિલિયન પાઉન્ડના મૂલ્યના 3,000 થી વધુ ગ્રાહકોની ડિપોઝિટ સુરક્ષિત થઇ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: American President, Bank account, Business news, Crisis, Silicon Valley