Shark Tank India 2: કોલેજમાં હતા ત્યારે ડ્રોન કંપની બનાવી, દર મહિને 85 લાખ કમાણી, ફંડની માંગ સાંભળીને શાર્ક ટીમ આશ્ચર્યચકિત

Shark Tank India 2: શાર્ક્સ ટેન્ક ઈન્ડિયાની બીજી સીઝનમાં વિવિધ પ્રકારના સાહસિકોના વિચારો જોવા મળી રહ્યા છે. જેમાના  ઘણા વ્યવસાયિક વિચારો આકર્ષક છે, ત્યારે ઘણા શાર્ક્સને આકર્ષવામાં પણ નિષ્ફળ રહ્યા છે. તેના આગામી એપિસોડ માટે રિલીઝ કરવામાં આવેલા ટ્રેલરમાં, 3 લોકોની ટીમને શોમાં ડ્રોન કંપની માટે વિચાર રજૂ કરતી બતાવવામાં આવી છે. જેમાં 2 પુરુષ અને એક મહિલા છે. બંને છોકરાઓએ હમણાં જ કોલેજ છોડી છે, જ્યારે છોકરી કોલેજના ચોથા વર્ષમાં છે.

શાર્ક્સે આ ટીમની ખૂબ પ્રશંસા કરી અને નમિતા થાપરે કહ્યું કે ટીમમાં એક છોકરીને જોવી એ અદ્ભુત છે. આ સાહસિકોએ શાર્ક પાસેથી 4 ટકા ઈક્વિટીના બદલામાં 75 લાખ રૂપિયાની માંગણી કરી છે. જ્યારે કંપનીની નાણાકીય સ્થિતિ વિશે પૂછવામાં આવ્યું ત્યારે ઉદ્યોગસાહસિકોએ કહ્યું કે ગયા મહિને તેમને 85 લાખ રૂપિયાની કમાણી થઈ હતી. તેમજ તેને આશા છે કે આ વર્ષે તે 4 કરોડ રૂપિયાની કમાણી કરશે.

આ પણ વાંચો:ANANT RADHIKA ENGAGEMENT: અંબાણી પરિવારમાં ગોળધાણાની રસમ, જાણો ક્યાં ક્યારે થશે અનંત-રાધિકાની સગાઈ

શાર્ક્સ દ્વારા પ્રશંસા

તેમની આર્થિક સ્થિતિ વિશે સાંભળીને CarDekho.Comના અમિત જૈને કહ્યું, "ક્યા બાત હૈ." લેન્સકાર્ટના પિયુષ બંસલે કહ્યું, "મને ઓ હજુ ઓછું લાગતું હતું." વાસ્તવમાં, શાર્ક ટેન્કમાં ઘણીવાર એવું જોવા મળે છે કે ઉદ્યોગસાહસિકો આવક જનરેશનની સરખામણીમાં ખૂબ વધારે ભંડોળની માંગ કરે છે અને ખૂબ ઓછી ઇક્વિટી ઓફર કરે છે. આવી સ્થિતિમાં, આ લોકોને 85 લાખની કમાણી પર 75 લાખનું ભંડોળ માંગવું શાર્ક્સને ગમ્યું હોય તેવું લાગે છે. હવે જોવાનું એ રહેશે કે શાર્ક્સ અને આ સાહસિકો વચ્ચે ડીલ ફાઈનલ થઈ શકે છે કે નહીં.

શાર્ક ટેન્ક ઇન્ડિયા

શાર્ક ટેન્ક નામના અમેરિકન શોનું આ ભારતીય સંસ્કરણ છે. તેની છેલ્લી સિઝન ખૂબ ચર્ચામાં રહી હતી અને તેને સારી સફળતા મળી હતી. તે સીઝનમાં BharatPeના સ્થાપક અશનિર ગ્રોવરને ઘણી ખ્યાતિ મળી અને આજે તે સોશિયલ મીડિયા પર ખૂબ જ લોકપ્રિય છે. જોકે, અશનિર આ સિઝનમાં શોનો ભાગ નથી. અશનિર ગ્રોવરે પોડકાસ્ટમાં જણાવ્યું હતું કે તેણે પ્રથમ સિઝનમાં પ્રભુત્વ મેળવ્યું હતું અને તે પણ નિર્દેશ કર્યો હતો કે તે આ સિઝન માટે શોના નિર્માતાઓ સાથે શા માટે કરાર કરી શક્યો નથી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business Ideas, Business news, Innovation, Students