Home /News /business /

Ambuja Cements: અંબુજા સિમેન્ટ્સના રિઝલ્ટ બાદ રોકાણકારોએ શું કરવું જોઈએ? જાણો શું કહે છે વિશ્લેષકો

Ambuja Cements: અંબુજા સિમેન્ટ્સના રિઝલ્ટ બાદ રોકાણકારોએ શું કરવું જોઈએ? જાણો શું કહે છે વિશ્લેષકો

અંબુજા સિમેન્ટ્સ (પ્રતીકાત્મક તસવીર)

Ambuja Cements stock: એક્સિસ સિક્યોરિટીઝના (Axis Securities) જણાવ્યા અનુસાર, વાર્ષિક ધોરણે ઊંચા ખર્ચને કારણે કંપનીના માર્જિન ક્વાર્ટર દરમિયાન થોડા દબાણ હેઠળ હતા.

નવી દિલ્હી: અંબુજા સિમેન્ટ્સ લિમિટેડનો શેર (Ambuja Cement Ltd. Stocks) શુક્રવારે અગાઉના રૂ. 383.55ના બંધ સામે 3 ટકા ઘટીને રૂ. 371.85 પર બંધ થયો હતો. કંપનીની માર્કેટ કેપ ઘટીને રૂ. 73,836.22 કરોડ થઈ હતી. અંબુજા સિમેન્ટે ગુરુવારે માર્ચ 2022ના રોજ પૂરા થયેલા ક્વાર્ટરમાં રૂ. 495.2 કરોડનો ચોખ્ખો નફો (Profit) નોંધાવ્યો હતો. જ્યારે આ જ સમયગાળામાં તેણે માર્ચ 2021માં રૂ. 664.6 કરોડનો ચોખ્ખો નફો નોંધાવ્યો હતો. માર્ચ 2022ના રોજ પૂરા થયેલા ક્વાર્ટરમાં ચોખ્ખું વેચાણ રૂ. 3,855 કરોડ થયું હતું, જે અગાઉના વર્ષના સમાન ક્વાર્ટરમાં રૂ. 3,579 કરોડ હતું.

એક્સિસ સિક્યોરિટીઝના (Axis Securities) જણાવ્યા અનુસાર, વાર્ષિક ધોરણે ઊંચા ખર્ચને કારણે કંપનીના માર્જિન ક્વાર્ટર દરમિયાન થોડા દબાણ હેઠળ હતા.

બ્રોકરેજ હાઉસનો અભિપ્રાય


એક્સિસ સિક્યોરિટીઝે વધુમાં જણાવ્યું કે, "અમે આગામી કેટલાક ત્રિમાસિક ગાળા માટે પણ કોસ્ટ ફુગાવો ટકાવી રાખવાની ચેતવણી આપીએ છીએ. જોકે, ઈન્ફ્રાસ્ટ્રક્ચર, પોસાય તેવા અને ઓછા ખર્ચે હાઉસિંગ, સુધરેલી રિયલ એસ્ટેટની માંગ અને ઉત્પાદન ક્ષેત્ર માટે PLI સ્કીમ પર ધ્યાન કેન્દ્રિત કરવા માટે ઈન્ફ્રાસ્ટ્રક્ચર પરના ઊંચા સરકારી ખર્ચ દ્વારા સમર્થિત સારી માંગનું વાતાવરણ ભાવ વધારા સાથે અમુક અંશે આગળ વધતા ખર્ચના દબાણને ઘટાડી શકે છે.”

બ્રોકરેજ હાઉસે નોંધ્યું હતું કે, સ્ટોક હાલમાં તેના CY22E અને CY23E EV/EBITDA 17x અને 14x પર ટ્રેડ થઈ રહ્યો છે. તે ACLને 13x CY23E EV/EBITDA (કોઈ હોલ્ડિંગ કંપની ડિસ્કાઉન્ટ વિના ACCમાં અંબુજા સ્ટેક સહિત) પર શેર દીઠ રૂ. 370ના લક્ષ્યાંક ભાવે પહોંચી ગયો છે.

મોતીલાલ ઓસવાલનો અભિપ્રાય


મોતીલાલ ઓસવાલ માને છે કે અંબુજા સિમેન્ટ્સ ગ્રીન એનર્જી, મિશ્રિત સિમેન્ટ, વૈકલ્પિક ઇંધણ અને કાચા માલનો હિસ્સો વધારવા જેવા કાર્યક્ષમ પગલાંથી લાભ મેળવતી રહેશે. તેમણે ઉમેર્યુ કે, "સ્ટૉક 18.8x/14.8x CY22/CY23E EV/EBITDA (v/s તેના 10-વર્ષની સરેરાશ એક-વર્ષ ફોરવર્ડ EV/EBITDA 12.8x) પર ટ્રેડ કરે છે. અમે તેનું મૂલ્ય 12.5x CY23E EV/EBITDA અને 20% પર રાખીએ છીએ. HoldCo એસીસીમાં તેના હોલ્ડિંગ માટે ડિસ્કાઉન્ટ રૂ. 350ના અમારા લક્ષ્યાંક ભાવે પહોંચે છે. અમે સ્ટોક પર અમારું ન્યુટ્રલ રેટિંગ જાળવી રાખીએ છીએ."

આ પણ વાંચો: એલઆઈસીના આઈપીઓમાં પૈસા લગાવતા પહેલા આ પાંચ વાત જાણો,

પ્રભુદાસ લીલાધર


પ્રભુદાસ લીલાધરે નોંધ્યું હતું કે, કંપનીએ છેલ્લાં બે વર્ષમાં કમાણીમાં મટીરિયલ ટર્નઅરાઉન્ડ પહોંચાડ્યું છે. આ ટર્નઅરાઉન્ડમાં મુખ્ય ફાળો એમએસએ હેઠળ વોલ્યુમમાં અનેકગણો વધારો, નિશ્ચિત ખર્ચનું ઑપ્ટિમાઇઝેશન અને ચોક્કસ ઊર્જા વપરાશમાં ઘટાડો હતો.

આ પણ વાંચો: ક્રેડિટ કાર્ડના ઉપયોગનું આ ગણિત સમજી લેશો તો ફાયદામાં રહેશો

તેઓએ આગળ જણાવ્યું કે, “વધારાના ધોરણે, અમને વધુ ખર્ચ ઘટાડવાનો કોઇ ખાસ અવકાશ દેખાતો નથી. પેરેન્ટના બહાર નીકળવાના કારણે કેપેસિટી એક્સ્પાન્સ થીમમાં વિલંબ થશે. સમૃદ્ધ પ્રદેશમાં વેલ્યુએશન વધ્યા હોવાથી અમે 14.5x CY23eની EV/EBITDA સાથે રૂ. 400ની લક્ષ્ય કિંમત સાથે હોલ્ડ કરવા માટે સ્ટોકનું રેટિંગ ડાઉનગ્રેડ કર્યું છે.”

(ખાસ નોંધ: અહીં આપવામાં આવેલી રોકાણ અંગેની સલાહ જે તે બ્રોકરેજ હાઉસની છે, ન્યૂઝ18 ગુજરાતી કે તેના મેનેજમેન્ટની નહીં. રોકાણ પહેલા સર્ટિફાઇડ નિષ્ણાતની સલાહ લેવી જરૂરી છે.)
Published by:Vinod Zankhaliya
First published:

Tags: Axis Securities, Investment, Share market, Stock market, Stock tips

આગામી સમાચાર