SBI ખાતાધારકો માટે ખુશખબર! ફક્ત 342 રૂપિયામાં મેળવો 4 લાખ રૂપિયાનો બમ્પર ફાયદો

મુંબઈ: કોરોના મહામારી (Corona Pandemic) બાદ સામાન્ય લોકોમાં વીમા કવચ (Insurance cover) અંગે ખૂબ જાગૃતિ આવી છે. એટલું જ નહીં, સરકાર પર સમાજના દરેક વર્ગના લોકોને ખૂબ ઓછી કિંમતમાં વીમો પૂરો પાડી રહી છે. આ જ કડીમાં સરકાર તરફથી બે સ્કીમ પ્રધાનમંત્રી સુરક્ષા બીમા યોજના (Pradhan Mantri Suraksha Bima Yojana- PMSBY) અને પ્રધાનમંત્રી જીવન જ્યોતિ બીમા યોજના (Pradhan Mantri Jeevan Jyoti Bima Yojana- PMJJBY) શરૂ કરવામાં આવી છે. આ બંને યોજનામાં તમને ચાર લાખ રૂપિયા સુધીનું કવર મળે છે. અહીં ખાસ વાત એ છે કે આ માટે તમારે ફક્ત 342 રૂપિયા જ ચૂકવવા પડશે.

દેશની સૌથી મોટી સરકારી બેંક સ્ટેટ બેંક ઑફ ઇન્ડિયા (State bank of India)એ પોતાના અધિકૃત ટ્વીટર હેન્ડલ પરથી ટ્વીટ કરીને આ માહિતી શેર કરી છે. એસબીઆઈએ એક તસવીર શેર કરતા લખ્યું છે કે, "તમારી જરૂરિયાતને અનુરૂપ વીમો પસંદ કરો અને ચિંતામુક્ત જીવન જીવો."

આ પણ વાંચો: SBI ગ્રાહકોને થશે 2 લાખ રુપિયાનો મોટો ફાયદો, જાણો શું કરવું પડશે?

બેંક તરફથી એવી પણ માહિતી આપવામાં આવી છે કે વીમા અંગેનું પ્રીમિયમ ગ્રાહકના બચત ખાતામાંથી કાપવામાં આવશે. નિશ્ચિત સમયે આ રકમ જાતે જ ( auto-debit facility) ખાતામાંથી કટ થઈ જશે.

પ્રધાનમંત્રી સુરક્ષા બીમા યોજના:

આ કેસમાં જો કોઈ પોલિસી ધારકનું અકસ્માતમાં મોત થયા છે અથવા કાયમી વિકલાંગતા આવે છે તો તેને બે લાખ રૂપિયાનું વળતર મળવાપાત્ર છે. આ કેસમાં જો વીમા ધારક વ્યક્તિ સંપૂર્ણપણે અથવા અડધો વિકલાંગ બને છે તો તેને 1 લાખ રૂપિયાનું વળતર મળે છે. 18થી 70 વર્ષની વય વચ્ચેના લોકો આ વીમો લઈ શકે છે. આ માટે વાર્ષિક પ્રીમિયમ ફક્ત 12 રૂપિયા છે.

આ પણ વાંચો: SBIના ATM ખાતે છેતરપિંડી સામે તમને આ રીતે મળશે સુરક્ષા, બેંકે ટ્વીટ કરીને આપી માહિતી

પ્રધાનમંત્રી જીવન જ્યોતિ બીમા યોજના:

આ યોજના હેઠળ પોલિસી ધારક વ્યક્તિના મોતના કેસમાં નોમિની એટલે કે વારસદારને બે લાખ રૂપિયાનું વળતર મળે છે. 18થી 50 વર્ષની વય વચ્ચેની કોઈ પણ વ્યક્તિ આ વીમો લઈ શકે છે. આ સ્કીમ માટે તમારે વાર્ષિક 330 રૂપિયા પ્રીમિયમ ચૂકવવું પડશે. આ બંને વીમા ટર્મ ઇન્શ્યોરન્સ છે. આ વીમો એક વર્ષની મુદ્દત માટે મળે છે.

Get the insurance that suits your need and live life worry-free.#PMSBY #PMJJBY #SBI #Insurance pic.twitter.com/n7DC4eTlOV

— State Bank of India (@TheOfficialSBI) October 2, 2021

અહીં એ પણ નોંધવું રહ્યું કે આ વીમાનો સમયગાળો પ્રથમ જૂનથી બીજા 31 મે સુધી હોય છે. આ વીમો લેવા માટે બેંક ખાતું હોવું ફરજિયાત છે. જો કોઈ વ્યક્તિ બેંક ખાતું બંધ કરાવે છે તો વીમા આપોઆપ બંધ થઈ જશે. આ ઉપરાંત પ્રીમિયમ કપાવાની તારીખે જો બેંકમાં પૂરતી બેલેન્સ નહીં હોય તો પણ આ વીમો બંધ થઈ જશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bank, Insurance, Twitter, એસબીઆઇ