Home /News /business /

Salary Protection Insurance : નોકરી ગુમાવ્યા બાદ પણ દર મહિને મળતો રહેશે પગાર, વાંચો વિગત

Salary Protection Insurance : નોકરી ગુમાવ્યા બાદ પણ દર મહિને મળતો રહેશે પગાર, વાંચો વિગત

પ્રતિકાત્મક તસવીર

કોરોના મહામારી દરમિયાન ઘણા લોકોએ પોતાની નોકરી (Jobs) પણ ગુમાવી હતી. આવી સ્થિતિમાં પગારવાળા લોકો માટે આર્થિક સુરક્ષાના દ્રષ્ટિકોણથી 'સેલરી પ્રોટેક્શન ઇન્શ્યોરન્સ' (Salary Protection Insurance) એક ઉત્તમ વિકલ્પ છે.

    નોકરીયાત વ્યક્તિને આર્થિક સુરક્ષાનો (Financial Safety) હંમેશા ડર રહે છે. કોરોના કાળ બાદ લોકોમાં આ ડર વધુ વધ્યો છે, વાસ્તવમાં કોરોના મહામારી દરમિયાન ઘણા લોકોએ પોતાની નોકરી (Jobs) પણ ગુમાવી હતી. આવી સ્થિતિમાં પગારવાળા લોકો માટે આર્થિક સુરક્ષાના દ્રષ્ટિકોણથી 'સેલરી પ્રોટેક્શન ઇન્શ્યોરન્સ' (Salary Protection Insurance) એક ઉત્તમ વિકલ્પ છે. તો ચાલો જાણીએ તેના વિશે.

    આજકાલ મોટાભાગની લાઈફ ઈન્શ્યોરન્સ કંપનીઓ આ પ્લાન્સ આપી રહી છે. તે એક ટર્મ ઇન્શ્યોરન્સ પોલિસી છે, જે નિયમિત ઇન્કમ પે આઉટ (Income Pay out) ઓફર કરે છે.

    બે પ્રકારે મળે છે લાભ


    આવી ટર્મ ઈન્શ્યોરન્સ પોલિસીમાં ગ્રાહકો પોતે જ વીમાની રકમ પોતાની પાસે કઇ રીતે લઇ જવી તેનો વિકલ્પ પસંદ કરે છે. તમે તમારી રકમને બે રીતે લઈ શકો છો - એક નિયમિત ઇન્કમ અને બીજી એકમુશ્ત રકમ. જે લોકોને રોકાણ કરવા વિશે જાણકારી નથી અથવા સુરક્ષિત વળતરમાં માને છે, અને જેમની પાસે જોખમ લેવાની ક્ષમતા ઓછી છે, તેઓ નિયમિત આવક ચુકવણીના વિકલ્પ સાથે ટર્મ પોલિસી પસંદ કરી શકે છે.

    તમને જણાવી દઈએ કે આ કોઈ પણ મેચ્યોરિટી બેનિફિટ વિનાની ટર્મ પોલિસી છે. પોલિસીધારકના મૃત્યુના કિસ્સામાં ફક્ત નોમિનીને જ ખાતરીપૂર્વકના મૃત્યુ લાભ તરીકે એકમુશ્ત રકમ મળે છે. પગાર વીમા પોલિસીની શરતો મુજબ, વીમાકૃત્ત વ્યક્તિના મૃત્યુ પછી ચોક્કસ સમયગાળા સુધી નિયમિત ચુકવણી કરવામાં આવે છે. એટલે કે, તમે જાણો છો કે તે મૂળભૂત રીતે નિયમિત ચુકવણી સાથેનો ટર્મ પ્લાન છે.

    આ પણ વાંચો -આજે ફરી પોઝિટીવ મૂડમાં હશે બજાર, જાણો કયા ફેક્ટર કરશે અસર

    કેટલી થઇ શકે છે ઇનકમ?


    આ અંતર્ગત તમારે માસિક આવક પસંદ કરવાની હોય જે તમે તમારા પરિવારને આપવા માંગો છો. આ રકમ તમારી વર્તમાન માસિક ટેક-હોમ આવક કરતા ઓછી અથવા બરાબર હોઈ શકે છે. તે પછી તમારે પોલિસી અને પ્રીમિયમ ચુકવણીનો સમયગાળો પસંદ કરવો પડશે. ઉદાહરણ તરીકે, 30 વર્ષની ઉંમરે (ધૂમ્રપાન ન કરનાર માટે) તમે નિયમિત પ્રીમિયમ ચુકવણી સમયગાળા માટે 15 વર્ષ માટે પોલિસી ખરીદી શકો છો.

    આ પોલિસીની ગણતરી સમજો


    વીમા કંપની તમારી માસિક આવક પર તમારી વાર્ષિક ટકાવારી પણ વધારી શકે છે. ઉદાહરણ તરીકે જો વીમાકંપની તમને આવક પર વાર્ષિક 6 ટકાનો કમ્પાઉન્ડ વધારો આપી શકે છે, તો એવું નથી કે તે હંમેશાં આવું જ રહેશે. એટલે કે દરેક પોલિસી વર્ષમાં માસિક રકમ પાછલા વર્ષની માસિક આવકના 106 ટકા રહેશે. એટલે કે તે દર વર્ષે વધતો રહેશે.

    આ પણ વાંચો -સોનાના ભાવમાં ફરી એકવાર વધારો, જાણો તમારા શહેરમાં સોના-ચાંદીની કિંમત

    ઉદાહરણ તરીકે, માની લો કે તમે પોલિસી ખરીદતી વખતે 50,000 રૂપિયાની માસિક આવકનો વિકલ્પ પસંદ કર્યો છે. હવે પોલિસીના બીજા વર્ષમાં આ માસિક આવક વધીને 53,000 રૂપિયા થઈ જશે. આવતા વર્ષે 56,180 રૂપિયા થશે. હવે, જો આપણે પાંચમા પોલિસી વર્ષની શરૂઆતમાં પોલિસીધારકના કમનસીબ મૃત્યુનું ઉદાહરણ લઈએ, તો નોમિનીને રૂ. 7.6 લાખનો ખાતરીપૂર્વકનો મૃત્યુ લાભ અને રૂ. 63,124ની વધેલી માસિક આવકનો લાભ મળશે.
    First published:

    Tags: Insurance, Salary

    विज्ञापन

    विज्ञापन

    આગામી સમાચાર

    विज्ञापन
    विज्ञापन