Home /News /business /

યુક્રેન પર હુમલા બાદ લંડન સ્ટોક એક્સચેન્જમાં રશિયન કંપનીઓના શેરની કિંમત કોડીની થઈ ગઈ!

યુક્રેન પર હુમલા બાદ લંડન સ્ટોક એક્સચેન્જમાં રશિયન કંપનીઓના શેરની કિંમત કોડીની થઈ ગઈ!

લંડન સ્ટૉક એક્સચેન્જ

Russia-Ukraine ware impact: ગુરુવારથી રશિયન કંપનીઓના શેરમાં કોઈ ટ્રેડિંગ નથી થયું. બુધવારે આ શેર કોડીની કિંમતે ટ્રેડ થઈ રહ્યા હતા. લંડન સ્ટોક એક્સચેન્જમાં સેકન્ડરી લિસ્ટિંગ હેઠળ આ શેરનું ટ્રેડિંગ થયું હતું.

નવી દિલ્હી: રશિયાના શેરબજાર (Russian Stock Market)માં છેલ્લા ચાર દિવસથી કારોબાર થંભી ગયો છે. લંડન સ્ટોક એક્સચેન્જ (London Stock Exchange)માં રશિયન કંપનીઓની હાલત ખૂબ જ ખરાબ છે. આ કંપનીઓના શેર પેની સ્ટોક (Penny Stocks) બની ગયા છે. કેટલીક એવી કંપનીઓ પણ છે, જેનું માર્કેટ કેપિટલાઇઝેશન થોડા દિવસો પહેલા $100 બિલિયન હતું. પરંતુ શેરમાં ઘટાડા (Stock Price Down)ને કારણે તેનું મૂલ્ય નહિવત રહ્યું છે. LSEએ ગુરુવારે રશિયન કંપનીઓના શેરના વેપાર પર પ્રતિબંધ મૂક્યો હતો.

ગુરુવારથી રશિયન કંપનીઓના શેરમાં કોઈ ટ્રેડિંગ નથી થયું. બુધવારે આ શેર કોડીની કિંમતે ટ્રેડ થઈ રહ્યા હતા. લંડન સ્ટોક એક્સચેન્જમાં સેકન્ડરી લિસ્ટિંગ હેઠળ આ શેરનું ટ્રેડિંગ થયું હતું. વાસ્તવમાં, આ શેરોનું GDR અને ADRમાં લંડન સ્ટોક એક્સચેન્જમાં વેપાર કરવામાં આવ્યા હતા. બુધવારે, રશિયાની સૌથી મોટી બેંક Sberbank નો ADR ઘટીને $0.05 થયો હતો. ફેબ્રુઆરીના મધ્યથી તેની કિંમતમાં 99 ટકાથી વધુનો ઘટાડો થયો છે. ફેબ્રુઆરીના મધ્યમાં તેની કિંમત $14 હતી.

રશિયાની સૌથી મોટી બેંકની સ્થિતિ ખરાબ

સબેર બેંક રશિયાની સૌથી મોટી બેંક છે. છ મહિના પહેલા, આ બેંકની માર્કેટ મૂડી $102 બિલિયનથી વધુ હતી. હવે તેનું માર્કેટ કેપિટલાઇઝેશન $190 મિલિયનથી ઓછું છે. આ મૂલ્ય લંડનમાં સૂચિબદ્ધ શેર્સની કુલ કિંમત પર આધારિત છે. આના પરથી અંદાજ લગાવી શકાય છે કે રશિયાને યુક્રેન પર હુમલાની ભારે કિંમત ચૂકવવી પડી રહી છે.

આ પણ વાંચો: સોનું 52,000 રૂપિયાને પાર, જાણો આજે ભાવમાં કેટલો વધારો થયો

રશિયાની દિગ્ગજ તેલ કંપની રોઝનેફ્ટની જીડીઆરની કિંમત છેલ્લા બે સપ્તાહમાં લગભગ 90 ટકા ઘટી ગઈ છે. હવે તેની કિંમત 1 ડોલરની નીચે આવી ગઈ છે. ગુરુવારે તેના જીડીઆરમાં કંઈ ટ્રેડિંગ થયું ન હતું. બુધવારે તેની જીડીઆરની કિંમત $0.60 હતી. આ વર્ષે 1 જાન્યુઆરીએ તેની કિંમત $8 કરતાં વધુ હતી. તેના પરથી આ સ્ટોકના કડાકાનો અંદાજ લગાવી શકાય છે.

લુકઓઇલમાં 99.7 ટકાનો ઘટાડો

છેલ્લા બે સપ્તાહમાં રશિયાની બીજી મોટી ઓઈલ કંપની લુકઓઈલના જીડીઆરમાં પણ આ જ સ્થિતિ છે. આ સમયગાળા દરમિયાન તેની કિંમતોમાં 99.7 ટકાનો ઘટાડો થયો છે. બુધવારે લંડન સ્ટોક એક્સચેન્જમાં તેની કિંમત ઘટીને 25 સેન્ટ થઈ ગઈ હતી. એ જ રીતે, ગેઝપ્રોમ અને નોવાટેકના જીડીઆરમાં નોંધપાત્ર ઘટાડો થયો છે. ફેબ્રુઆરીના મધ્યભાગથી તેમની કિંમતોમાં 99.8 ટકાનો ઘટાડો થયો છે.

આ પણ વાંચો: આ પાંચ સ્ટૉકે ફક્ત એક જ મહિનામાં રોકાણકારોના પૈસા ડબલ કરી દીધા

LSEનો 27 કંપનીઓ પર પ્રતિબંધ

લંડન સ્ટોક એક્સચેન્જે રશિયા સાથે જોડાયેલી 27 કંપનીઓના શેરમાં ટ્રેડિંગ પર પ્રતિબંધ મૂકવાનો નિર્ણય કર્યો છે. તેમણે ગુરુવારે આ નિર્ણય લીધો હતો. રશિયન કંપનીઓના શેરને તેના સૂચકાંકોમાંથી બાકાત કરવાના MSCIના નિર્ણય બાદ તેણે આ પગલું ભર્યું છે. ગુરુવારે બજાર ખુલતા પહેલા, LSEએ જણાવ્યું હતું કે તે બે રજીસ્ટર્ડ રશિયન કંપનીઓના શેરમાં તાત્કાલિક અસરથી ટ્રેડિંગ સ્થગિત કરી રહી છે. તેમાં Sberbank, Gazprom, LookOil અને Polyus જેવી જાયન્ટ કંપનીઓનો સમાવેશ થાય છે.
First published:

Tags: Russia, Russia Ukraine, Stock market, Ukraine, લંડન

આગામી સમાચાર