Home /News /business /

Post Office Scheme: પોસ્ટ ઓફિસના બચત ખાતા ધારકો માટે ખુશખબરી, આ સુવિધાનો ઉઠાવી શકશે લાભ

Post Office Scheme: પોસ્ટ ઓફિસના બચત ખાતા ધારકો માટે ખુશખબરી, આ સુવિધાનો ઉઠાવી શકશે લાભ

જો તમારું પોસ્ટ ઓફિસમાં ખાતુ હોય તો તમારા માટે એક સારા સમાચાર છે (પ્રતિકાત્મક તસવીર)

Post Office Savings Account - સરકારે પોસ્ટ ઓફિસમાં બચત ખાતું ધરાવતા ગ્રાહકો માટે એક નવી સુવિધાની શરૂઆત કરી છે

જો તમારું પોસ્ટ ઓફિસમાં ખાતુ હોય તો તમારા માટે એક સારા સમાચાર છે. પોસ્ટ ઓફિસના ગ્રાહક ઈલેક્ટ્રોનિક ફંડ ટ્રાન્સફર (Electronic Fund Transfer) કરી શકશે. ગ્રાહકો હવે RTGS ની સુવિધાનો લાભ લઈ શકે છે. ગ્રાહકો હવે પહેલા કરતા પણ સરળતાથી ઓનલાઈન નાણાંકીય લેવડ દેવડ કરી શકશે. 31 મેથી સરકારે પોસ્ટ ઓફિસમાં બચત ખાતું ધરાવતા ગ્રાહકો (Post Office Savings Account Holders) માટે એક નવી સુવિધાની શરૂઆત કરી છે.

31 મેથી પોસ્ટ ઓફિસ (Post Office Savings Account)ના ગ્રાહકો નેશનલ ઈલેક્ટ્રોનિક ફંડ ટ્રાન્સફર (NEFT) અને રિઅલ ટાઈમ ગ્રોસ સેટલમેન્ટ (RTGS) સુવિધાનો લાભ લઈ રહ્યા છે. એટલું જ નહીં પરંતુ, પોસ્ટ ઓફિસમાં બચત ખાતુ ધરાવતા ગ્રાહકો ઈન્ટરનેટ બેન્કિંગ (Internet Banking) સુવિધાની મદદથી અન્ય બેન્કથી પોસ્ટ ઓફિસના ખાતામાં પૈસા મોકલી શકે છે.

પોસ્ટ ઓફિસે આ અંગે સૂચના જાહેર કરીને જણાવ્યું છે કે, NEFT ની સર્વિસ 18 મેથી શરૂ થઈ ગઈ છે. ગ્રાહકોને RTGS ની સર્વિસ 31 મે 2022 થી મળશે. આ સુવિધાથી પોસ્ટ ઓફિસમાં બચત ખાતુ (Post office Savings account) ધરાવતા ગ્રાહકો સરળતાથી ઓનલાઈન પૈસા ટ્રાન્સફર (Online Transfer Money) કરી શકશે.

આ પણ વાંચો - EMIની મોડી ચુકવણી પડી શકે છે ભારે! જો એક પણ હપ્તો ચુક્યા તો થશે મોટું નુક્સાન

NEFT અને RTGS માટે કેટલો ચાર્જ લાગશે (Charge for NEFT, RTGS)

રૂ. 10,000 સુધીના નાણાંકીય વ્યવહાર માટે રૂ.2.5 + GST.

રૂ. 10,000થી રૂ. 1 લાખ સુધીના નાણાંકીય વ્યવહાર માટે રૂ.5 + GST.

રૂ. 1 લાખથી રૂ. 2 લાખ સુધીના નાણાંકીય વ્યવહાર માટે રૂ.15 + GST.

રૂ. 2 લાખથી વધુ અને મહત્તમ નાણાંકીય મર્યાદા સુધીના વ્યવહાર માટે રૂ.25 + GST.

NEFT શું છે?

નેશનલ ઈલેક્ટ્રોનિક ફંડ ટ્રાન્સફર (NEFT) એક ઓનલાઈન પેમેન્ટ સિસ્ટમ છે, જેનો ઉપયોગ વર્ષના 365 દિવસ 24 કલાક ઉપયોગ કરી શકાય છે. RBI (Reserve Bank of India) દ્વારા અડધા કલાકની બેચમાં બેન્કો વચ્ચે પરસ્પર નાણાકીય લેવડ દેવડ માટે મંજૂરી આપવામાં આવે છે.

RTGS શું છે

રિઅલ ટાઈમ ગ્રોસ સેટલમેન્ટ RTGS એક ફંડ ટ્રાન્સફર સેટલમેન્ટ સિસ્ટમ છે. આ સુવિધા હેઠળ વ્યક્તિગત ફંડ ટ્રાન્સફર નિર્દેશ નક્કી કરવામાં આવે છે. તથા આ સુવિધાનો ઉપયોગ વર્ષના 365 દિવસ 24 કલાક ઉપયોગ કરી શકાય છે.
Published by:Ashish Goyal
First published:

Tags: Post office, Post Office Scheme, બિઝનેસ

આગામી સમાચાર