TRAI સાથે ટેલિકોમ કંપનીઓની બેઠકમાં OTT એપ્સ પરના નિયમનનો મુદ્દો ઉઠાવવામાં આવ્યો

ટેલિકોમ રેગ્યુલેટર ટ્રાઈ સાથેની બેઠકમાં કંપનીઓના સીઈઓએ OTT એપ્સને નિયમનના દાયરામાં લાવવાનો મુદ્દો ઉઠાવ્યો હતો. કંપનીઓ તરફથી કહેવામાં આવ્યું હતું કે વોટ્સએપ, સિગ્નલ અને ટેલિગ્રામ માટે નિયમો બનાવવા જોઈએ. આ બેઠકમાં એરટેલ, વોડાફોન, રિલાયન્સ જીઓએ ભાગ લીધો હતો.

કન્સલ્ટેશન પેપર જાહેર કરવા

ટેલિકોમ કંપનીઓ લાંબા સમયથી OTT એપ્સને નિયમનના દાયરામાં લાવવાની માંગ કરી રહી છે. જોકે, હવે ટ્રાઈએ કંપનીઓને આ અંગે ટૂંક સમયમાં કન્સલ્ટેશન પેપર જાહર કરવાની ખાતરી આપી છે. TRAI અને કંપનીઓના CEOની બેઠકમાં નેટવર્ક ઓડિટ કરવા પર કોલ ડ્રોપ્સના મુદ્દા પર પણ ચર્ચા કરવામાં આવી હતી.

આ પણ વાંચો:MTNL: શેરબજારમાંથી MTNL ને ડિલિસ્ટ કરવાની યોજના, જાણો ક્યારે અને શા માટે

2023નો રોડમેપ તૈયાર થઈ જશે

આ બેઠકમાં ભારતી એરટેલના સીઈઓ ગોપાલ વિઠ્ઠલ પણ હાજર હતા. બેઠકમાં ટેલિકોમ કંપનીઓ દ્વારા સેટેલાઇટ સ્પેક્ટ્રમ અંગે સૂચનો આપવાની માંગ કરવામાં આવી હતી. TRAI વર્ષ 2023 માટે રોડમેપ તૈયાર કરવા જઈ રહી છે. આ કિસ્સામાં, બ્રોડકાસ્ટિંગ કંપનીઓના સીઈઓ નવા ટેરિફ ઓર્ડર પર પોતાનું વલણ રજૂ કરશે.

5Gની રજૂઆતને કારણે પણ આ બેઠક મહત્વપૂર્ણ માનવામાં આવે છે. ઉપરાંત, ટેલિકોમ સેવાની ગુણવત્તા સુધારવાથી કોલ ડ્રોપ્સ અને નબળા નેટવર્કથી પરેશાન મોબાઇલ ગ્રાહકોને રાહત મળી શકે છે. ભારતના 200 થી વધુ શહેરોમાં 5G સેવાઓ શરૂ કરવામાં આવી છે.

આ પણ વાંચો: એલન મસ્કે ટ્વિટરના નવા CEOની કરી જાહેરાત, ચાર પગવાળા ફ્લોકીએ સંભાળ્યુ પદ

કોલ ડ્રોપ ઘટાડવા માંગ

પીટીઆઈના જણાવ્યા અનુસાર, ટેલિકોમ વિભાગે ટેલિકોમ રેગ્યુલેટરી ટ્રાઈને કોલ ડ્રોપ્સને રોકવા અને કૉલની ગુણવત્તા સુધારવા માટે સેવાના ધોરણોને વધુ કડક બનાવવા જણાવ્યું છે.



રિપોર્ટ અનુસાર, એક અધિકારીએ કહ્યું કે, "યુઝર્સનાં સંતુષ્ટિ માટે અને તેમના હિતોની રક્ષા માટે સેવાઓની ગુણવત્તા ખૂબ જ મહત્વપૂર્ણ છે." TRAIને સેવાઓની ગુણવત્તા સાથે સંબંધિત ધોરણોને કડક બનાવવા માટે કહેવામાં આવ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, OTT Platforms, Telecommunication, TRAI