Digital payment: Gpay, Paytm જેવા ઓનલાઈન પેમેન્ટ ધડાધડા કરતાં હોય તો ખાસ વાંચી લેજો, ટ્રાન્ઝેક્શન ફી માટે RBIની તૈયારી

Digital Payment System: રિઝર્વ બેંક ઓફ ઈન્ડિયા વિવિધ પેમેન્ટ સિસ્ટમ્સ દ્વારા ગ્રાહકો પાસેથી લેવામાં આવતા શુલ્ક સંબંધિત માળખાને સરળ બનાવવાની યોજના બનાવી રહી છે. આરબીઆઈનું કહેવું છે કે તે દેશને આવી અદ્યતન પેમેન્ટ સિસ્ટમ પ્રદાન કરવા માંગે છે જે માત્ર સલામત જ નહીં પણ સરળ અને સસ્તું પણ હોય. આ સંદર્ભમાં, આરબીઆઈએ ઓગસ્ટમાં એક પત્ર બહાર પાડ્યો હતો. જેમાં ચાર્જ સંબંધિત વર્તમાન નિયમો સમજાવવામાં આવ્યા હતા. આ સાથે, નવા વિકલ્પો પણ સૂચવવામાં આવ્યા હતા જેના દ્વારા આ ચાર્જ લઈ શકાય છે.

મળેલા પ્રતિસાદ બાદ મધ્યસ્થ બેંકે કહ્યું હતું કે, તે આ સંબંધમાં નીતિઓ ઘડીને ચાર્જીસ માટેના માળખાને સરળ બનાવશે. RBI કહે છે કે વપરાશકર્તા માટે શ્રેષ્ઠ ફી અને ઑપરેટર માટે શ્રેષ્ઠ વળતરની ખાતરી કરવા માટે કાર્યક્ષમ ચુકવણી પ્રક્રિયા જરૂરી છે. નોંધનીય છે કે હાલમાં ડેબિટ કાર્ડ, ક્રેડિટ કાર્ડ, યુપીઆઈ, ઓનલાઈન પેમેન્ટ સિસ્ટમ અને પ્રીપેડ ઈન્સ્ટ્રુમેન્ટના ચાર્જ અલગ છે.

આ પણ વાંચો:Bank Holidays: જાન્યુઆરી 2023માં 11 દિવસ બેંકોમાં રજા! આ રીતે કરજો પ્લાનિંગ, નહિ તો થશે ધક્કો

UPI માટે આ મુજબ ચાર્જ

આરબીઆઈ હવે યુપીઆઈ દ્વારા કરવામાં આવતી ચુકવણીઓ માટે શ્રેણીબદ્ધ ચાર્જ વસૂલવાનું વિચારી રહી છે. એટલે કે અલગ અલગ રકમના વ્યવહારો માટે અલગ અલગ ચાર્જ લેવા જોઈએ. જો કે સરારે તરત જ તેની સામે પોતાનો વાંધો નોંધાવ્યો અને કહ્યું કે UPI પર ચાર્જ વસૂલવાનો આ યોગ્ય સમય નથી. સરકારે કહ્યું કે જે ઓપરેટરો કોસ્ટ રિકવરી અંગે ચિંતિત છે તેમણે તેની ભરપાઈ કરવા માટે અન્ય માર્ગો શોધવા પડશે. એટલા માટે હાલમાં UPI દ્વારા ટ્રાન્ઝેક્શન પર કોઈ ચાર્જ લાગતો નથી.

ડેબિટ, ક્રેડિટ કાર્ડ્સ પર ચાર્જ

ડેબિટ કાર્ડ્સ પર સામાન્ય રીતે માત્ર એક જ પ્રકારનો ચાર્જ લેવામાં આવે છે. જ્યારે તમે તેને વેપારી પાસે સ્વાઇપ કરાવો છો ત્યારે સુવિધા ખર્ચ લેવામાં આવે છે. તે વિવિધ બેંકો અનુસાર બદલાય છે. ઉપરાંત, તમે કુલ 8 વખત કોઈપણ ચાર્જ વિના ATMમાંથી પૈસા ઉપાડી શકો છો. તમારી બેંકના એટીએમમાંથી 5 વખત અને અન્ય બેંકના એટીએમમાંથી 3 વખત. આ પછી, દરેક રોકડ વ્યવહાર માટે 20 રૂપિયા અને નોન કેશ ટ્રાન્ઝેક્શન માટે 8.5 રૂપિયા લેવામાં આવે છે. ક્રેડિટ કાર્ડ પર 3 પ્રકારના ચાર્જ લેવામાં આવે છે. વાર્ષિક ફી, નવીકરણ ફી અને સુવિધા ફી. જો કે, ઘણી બેંકો કોઈપણ વાર્ષિક અને નવીકરણ ફી વિના ક્રેડિટ કાર્ડ ઓફર કરે છે.

આ પણ વાંચો:Long Weekend 2023: નવા વર્ષમાં મિત્રો અને પરિવાર સાથે રજાઓ માણવાનો ભરપૂર મોકો, લોંગ વીકેન્ડ માટે આ રીતે અત્યારથી જ કરો પ્લાન

મોબાઇલ વૉલેટ

જો તમે તેમાં પૈસા નાખો છો અથવા કોઈને મોકલો છો તો કોઈ ચાર્જ નથી. તેમજ તમારે બેંકમાં પૈસા ટ્રાન્સફર કરવા માટે ફી ચૂકવવી પડશે. Paytm આના માટે ફ્લેટ 4% ચાર્જ કરે છે. Mobikwik આ માટે 2.95 ટકા ચાર્જ કરે છે.

પેમેન્ટ્સ બેંક

આ સામાન્ય બેંકો કરતા અલગ છે અને માત્ર મર્યાદિત સેવાઓ પ્રદાન કરે છે. અહીં ખાતું ખોલાવવા કે રૂપિયા જમા કરાવવા માટે કોઈ ચાર્જ લાગતો નથી. જો કે, જ્યારે તમે પૈસા ઉપાડો છો ત્યારે તમારી પાસેથી કુલ રકમના 0.65% ચાર્જ લેવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Digital payment, Online payment