RBI એ જાહેર કર્યા સુરક્ષિત બેંકોના નામ, નહિ ડૂબે તમારા રૂપિયા, 2 ખાનગી અને 1 સરકારી બેંકોનો સમાવેશ

RBI declared Bank's Name: રિઝર્વ બેંક દેશની સૌથી સુરક્ષિત અને ભરોસાપાત્ર બેંકોના નામ જાહેર કર્યા છે. આ બેંકો ગ્રાહક અને ભારતીય અર્થવ્યવસ્થા માટે એટલી મહત્વની છે કે જો આ બેંકોને કોઈ નુકશાન થશે તો તેનો માર સમગ્ર દેશને ભોગવવો પડશે. RBI એ ડોમેસ્ટિક સિસ્ટમીકલી ઈમ્પોર્ટન્ટ બેંક્સ 2022 ની યાદી બહાર પાડી છે. જેમાં એક સરકારી અને બે ખાનગી ક્ષેત્રની બેંકોના નામ દર્શાવવામાં આવ્યા છે. વર્ષ 2022ની યાદીમાં પાછલા વર્ષ (2021)માં સામેલ બેંકોના નામ પણ છે.

રિઝર્વ બેંકે જણાવ્યું છે કે 2022ની આ યાદીમાં દેશની સૌથી મોટી સરકારી બેંક SBI ઉપરાંત ખાનગી ક્ષેત્રની HDFC અને ICICI બેંકના નામ પણ ઉમેરાયેલા  છે. આવા નામો સ્થાનિક પ્રણાલીગત રીતે મહત્વપૂર્ણ બેંકોની આ યાદીમાં છે. જેમના ડૂબી જવા અથવા નિષ્ફળતા પર સમગ્ર નાણાકીય સિસ્ટમ પર ગંભીર અસર થઇ શકે છે. આરબીઆઈ આવી બેંકો પર ખાસ નજર રાખે છે.

આ પણ વાંચો:Gold Silver Price Today: નવા વર્ષમાં સોનું ચાંદી નવો રેકોર્ડ બનાવવાના મૂડમાં છે કે શું?

આ બેંકો માટે કડક નિયમો

રિઝર્વ બેંક આ યાદીમાં આવનારી બેંકો પર કડક નિયમો લાગુ કરે છે. આવી બેંકોએ રિસ્ક વેઇટેડ એસેટનો અમુક હિસ્સો ટિયર-1 ઇક્વિટી તરીકે રાખવો જરૂરી છે. આરબીઆઈ અનુસાર, એસબીઆઈએ તેની રિસ્ક વેઈટેડ એસેટ્સના 0.60 ટકા ટિયર-1 ઈક્વિટી તરીકે રાખવો જરૂરી છે. જ્યારે એચડીએફસી અને આઈસીઆઈસીઆઈ બેંક તેમના રિસ્ક વેઈટેડ એસેટ્સના 0.20 ટકા રાખવા જરૂરી છે.

આ પણ વાંચો:પહેલા દિવસે ઉછળ્યા પછી આજે બજાર દબાણમાં, Maruti, Zomato, Infosys, NTPC પર રહેશે નજર

આ યાદી શા માટે મહત્વપૂર્ણ

વર્ષ 2015 થી આરબીઆઈ એવી બેંકોની યાદી બહાર પાડે છે જે દેશની નાણાકીય વ્યવસ્થા અને અર્થવ્યવસ્થા માટે ખૂબ જ મહત્વપૂર્ણ છે. તેમજ આરબીઆઇ તેના પર નજીકથી નજર પણ રાખે છે. દર વર્ષે ઓગસ્ટમાં રિઝર્વ બેંક બેંકોની ક્ષમતા અને તેમના વ્યવસાય અનુસાર રેટિંગ આપે છે અને પછી સૌથી મહત્વપૂર્ણ બેંકોની યાદી તૈયાર કરે છે. આ યાદીમાં અત્યાર સુધી માત્ર ત્રણ બેંકોનો સમાવેશ કરવામાં આવ્યો છે. યાદીમાં સામેલ બેંકોના ડૂબી જવાનો ડર રહેતો નથી અને જરૂર પડ્યે સરકાર તેમને મદદ કરવા પણ તૈયાર રહે છે.

માર્ચ 2022 સુધીની કામગીરીનો સમાવેશ

આરબીઆઈની આ યાદીમાં સામેલ બેંકોની પસંદગી માર્ચ 2022 સુધીની કામગીરીના આધારે કરવામાં આવી છે. વર્ષ 2015 અને 2016માં RBIએ આ યાદીમાં માત્ર SBI અને ICICI બેંકનો સમાવેશ કર્યો હતો. બાદમાં માર્ચ 2017 સુધીના ડેટાને જોતા HDFC બેંકને પણ સામેલ કરવામાં આવી છે. ગ્લોબલ રેટિંગ એજન્સી મૂડીઝે 2015માં જાહેર કરેલી પ્રથમ યાદીમાં માત્ર બે જ નામ હોવાના કારણે પ્રશ્નો ઉભા કર્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, HDFC Bank, ICICI Banks, SBI bank