Home /News /business /

કાર્ડથી પેમેન્ટ કરતા વખતે આપવો પડશે આ નંબર, RBI એ જાહેર કર્યો નિયમ

કાર્ડથી પેમેન્ટ કરતા વખતે આપવો પડશે આ નંબર, RBI એ જાહેર કર્યો નિયમ

    છેલ્લા કેટલાસ સમયથી ઓનલાઇન ટ્રાંઝેક્શનને લઇને ફ્રોડની ફરિયાદો વધી ગઇ છે. એવામાં  કાર્ડથી પેમેન્ટ કરવાને લઇને રિઝર્વ બેંકે નવો નિયમ બનાવ્યો છે. જેમાં પેમેન્ટ દરમિયાન તમારે તમારો કાર્ડ નંબર જણાવવો નહીં પડે.

    એક નંબર આપવામાં આવશે

    નવા નિયમ હેઠળ કોઈપણ ટ્રાન્ઝેક્શન માટે ક્રેડિટ / ડેબિટ ટ્રાન્ઝેક્શન કરવા માટે કાર્ડની વિગતો જાહેર કરવાની આવશ્યકતા રહેશે નહીં. કોઈપણ ચુકવણી માટે, તમારો બેંક ટૉકન નંબર રજૂ કરશે અને ટોકન દ્વારા ટ્રાન્ઝેક્શનથી જશે. નવી સિસ્ટમમાં, તમારી કાર્ડ વિગતોને વિશિષ્ટ કોડ એટલે કે ટોકન દ્વારા બદલવામાં આવશે. થર્ડ પાર્ટી એપ્લિકેશન અથવા વેબસાઇટમાં કાર્ડ વિગતોને બદલે ટૉકન નંબર આપવા પડશે.

    દર વખતે નવા નંબરને રિલિઝ કરવામાં આવશે

    આ ટૉકનના કારણે એપ્લિકેશન અથવા વેબસાઇટ પર કાર્ડની વિગતો સેવ થવાનું જોખમ નહીં રહે. આ ઉપરાંત, ટૉકનનો ઉપયોગ POS અને QR કોડ દ્વારા ચૂકવણીમાં કરવામાં આવશે. દરેક ચુકવણી માટે વિવિધ ટોકન્સ જારી કરવામાં આવશે, અને આ માટે તમારે કોઈપણ પ્રકારના ચાર્જ ચૂકવવાની જરૂર રહેશે નહીં.

    તમારા પૈસા સલામત રહેશે

    ટોકન સિસ્ટમ લાગૂ થવાથી તમારા ક્રેડિટ / ડેબિટ કાર્ડના અસલી નંબરની કોઈને જાણ નહીં થાય, બેન્કના કર્મચારીને પણ નહીં. તેમજ કોઈ પણ મુશ્કેલીમાં કાર્ડ ચુકવણી માટે કંપનીઓ જવાબદાર રહેશે.

    ટોકન ટ્રાંઝેક્શન સુવિધા ફક્ત મોબાઇલ ફોન અને ટેબ્લેટ્સ દ્વારા જ ઉપલબ્ધ છે. પ્રતિસાદના આધારે, તે પછીથી અન્ય ઉપકરણ પર લાગુ કરવામાં આવશે. ટોકન સિસ્ટમ સાથે પિન સિસ્ટમ પણ લાગુ થશે.
    Published by:Bansari Shah
    First published:

    Tags: Debit card, ક્રેડિટ કાર્ડ

    આગામી સમાચાર