ફક્ત 7-14 દિવસ માટે SBI, PNB સહિત 11 બેંકમાં લગાવો પૈસા, 15માં દિવસે થશે મોટો ફાયદો

નવી દિલ્હી: જો તમે પણ સાતથી 14 દિવસમાં સારી એવી કમાણી કરવા માંગો છો તો દેશની સરકારી સહિત તમામ ખાનગી બેંકો (Private banks) આવો મોકો આપી રહી છે. તમે બેંકમાં સાતથી 14 દિવસ સુધી FD (Fixed deposit)કરીને સારો નફો મેળવી શકો છો. આ એફડી પર તમામ બેંક અલગ અલગ વ્યાજદર આપી રહી છે. સ્ટેટ બેંકથી લઈને પીએનબી, આઈસીઆઈસીઆઈ (ICICI Bank) અને એસચડીએફસી (HDFC Bank) સહિત તમે કોઈ પણ બેંકમાં એફડી કરાવી શકો છો. તો અમે તમને જણાવીશું કે સાત દિવસમાં કઈ બેંક પર કેટલું વ્યાજ (Rate of interest on FDs) મળે છે.

1) સ્ટેટ બેંક ઑફ ઇન્ડિયા- State bank of India

દેશની સૌથી મોટી સરકારી બેંક સાત દિવસની એફડી કરવા પર 2.90 ટકા વ્યાજ આપે છે. આ ઉપરાંત સીનિયર સિટીઝન્સને 3.40 ટકા વ્યાજ મળે છે.

2) બેંક ઑફ બરોડા - Bank of Baroda

બેંક ઑફ બરોડામાં સાત દિવસની એફડી પર 2.80 ટકા વ્યાજ મળે છે. જ્યારે વરિષ્ઠ નાગરિકો માટે વ્યાજનો દર 3.30 ટકા છે.

3) આઈસીઆઈસીઆઈ બેંક- ICICI Bank

ICICI બેંક પોતાના ગ્રાહકોને સાત દિવસથી 14 દિવસની એફડી પર 2.50 ટકા વ્યાજ આપે છે. આ ઉપરાંત સીનિયર સિટીઝન્સને 3.0 ટકા વ્યાજ મળે છે.

આ પણ વાંચો: પેટ્રોલ-ડીઝલનો ભાવ વધારો તમારા હાથમાં નથી પરંતુ આ Tips જાણી લેશો તો ખર્ચ જરૂર ઘટાડી શકશો

4) એચડીએફસી બેંક- HDFC Bank

HDFC Bankમાં સાત દિવસથી 14 દિવસની એફડી કરવા પર 2.50 ટકા વ્યાજ મળે છે. આ ઉપરાંત વરિષ્ઠ નાગરિકોને ત્રણ ટકા વ્યાજ મળે છે.

5) બેંક ઑફ ઇન્ડિયા- Bank of India

બેંક ઑફ ઇન્ડિયામાં સામાન્ય નાગરિકો માટે સાત દિવસની એફડી પર ત્રણ ટકા વ્યાજ મળે છે. જ્યારે સીનિયર સિટીઝન્સને એફડી પર 3.50 ટકા વ્યાજ મળે છે.

6) પીએનબી અને પંજાબ એન્ડ સિંધ બેંક- PNB & Punjab & Sind Bank

આ ઉપરાંત પીએનબી અને પંજાબ એન્ડ સિંધ બેંકમાં પણ સામાન્ય નાગરિકો માટે ત્રણ ટકા વ્યાજ મળે છે. જ્યારે સિનીયર સિટીઝન્સ માટે બેંક સાત દિવસની એફડી પર 3.50 ટકા વ્યાજ ઑફર કરે છે.

આ પણ વાંચો: અમદાવાદની આ સ્માર્ટ સ્કૂલ સામે ખાનગી સ્કૂલો પણ પાણી ભરે, પ્લેનેટોરિયમની સુવિધા પણ ઊભી કરવામાં આવી

7) યૂનિયન બેંક -Union Bank

યૂનિયન બેંક ઑફ ઇન્ડિયામાં ગ્રાહકોને સાત દિવસની એફડી કરાવવા પર ત્રણ ટકા વ્યાજ મળે છે.

8) બંધન બેંક- Bandhan Bank

બંધન બેંક પોતાના ગ્રાહકોને સાત દિવસની એફડી કરાવવા પર ત્રણ ટકા વ્યાજ આપે છે. બંધન બેક સિનીયર સિટીઝન્સને આ જ મુદત માટે 3.75 ટકા વ્યાજ ઑફર કરે છે.

9) યસ બેંક- Yes Bank

યસ બેંક પોતાના ગ્રાહકોને સાત દિવસની ફિક્સ્ડ ડિપોઝિટ પર 3.25 ટકા વ્યાજની સુવિધા આપે છે. આ જ અવધિ માટે વરિષ્ઠ નાગરિકોનો 3.75 ટકા વ્યાજ મળે છે.

આ પણ વાંચો: રાજકોટ: પ્રેગ્નેન્ટ મહિલાએ એસિડ પીધું કે પતિએ પીવડાવી દીધું? ગૃહકંકાસમાં પરિણીતાનો આપઘાત

10) ડીસીબી બેંક- DCB Bank

ડીસીબી બેંક સાત દિવસની એફડી પર 4.55 ટકા વ્યાજ આપે છે. જ્યારે વરિષ્ઠ નાગરિકોને બેંક આ જ અવધિ માટે 5.05 ટકા વ્યાજ આપે છે.

11) ઇન્ડિયન ઓવરસીઝ બેંક- Indian overseas bank

આ ઉપરાંત ઇન્ડિયન ઓવરસીઝ બેંકમાં સાત દિવસની એફડી પર 3.40 ટકા વાર્ષિક વ્યાજ મળે છે. સિનીયર સિટીઝન્સ માટે બેંક 3.90 ટકા વાર્ષિક વ્યાજની સુવિધા આપે છે.