Home /News /business /

Rakesh Jhunjhunwala: રાકેશ ઝુનઝુનવાલાની ખરીદી બાદ આ સ્ટોકમાં આવ્યો 7 ટકાનો ઉછાળો

Rakesh Jhunjhunwala: રાકેશ ઝુનઝુનવાલાની ખરીદી બાદ આ સ્ટોકમાં આવ્યો 7 ટકાનો ઉછાળો

રાકેશ ઝુનઝુનવાલા

Wockhardt Stock Price: આ ફાર્મા સ્મોલ કેપ શેર 5 દિવસ અને 20 દિવસની મૂવિંગ એવરેજ કરતાં વધારે છે. પરંતુ 50 દિવસ, 100 દિવસ અને 200 દિવસની મૂવિંગ એવરેજ કરતાં ઓછી છે.

મુંબઇ. Rakesh Jhunjhunwala Portfolio: માર્ચ 2022ના રોજ પૂરા થયેલા ત્રિમાસિક ગાળા માટે દિગ્ગજ રોકાણકાર રાકેશ ઝુનઝુનવાલા (Rakesh Jhunjhunwala)એ વધારાના 5 લાખ શેર ખરીદ્યા બાદ બુધવારે વોકહાર્ટ લિમિટેડના શેર્સ (Shares of Wochkhardt Ltd)માં ઇન્ટ્રાડેમાં 7 ટકાનો ઉછાળો આવ્યો હતો. ઝુનઝુનવાલાએ છેલ્લા ક્વાર્ટરમાં ફાર્મા ફર્મમાં 30 લાખ શેરો રાખ્યા હતા. જ્યારે ડિસેમ્બર 2021માં પૂરા થયેલા ક્વાર્ટરમાં 25 લાખ શેર હતા. વોકહાર્ટનો સ્ટોક (Wochkhardt Ltd stocks) BSE પર અગાઉના રૂ. 292.55ના બંધ સામે 6.99 ટકા વધીને રૂ. 313ની ઇન્ટ્રા-ડે ઉચ્ચ સપાટીએ પહોંચ્યો હતો. સ્મોલ કેપ શેર (small Cap Share) 5 દિવસ અને 20 દિવસની મૂવિંગ એવરેજ કરતાં વધારે છે, પરંતુ 50 દિવસ, 100 દિવસ અને 200 દિવસની મૂવિંગ એવરેજ કરતાં ઓછી છે.

આ સ્ટોક એક વર્ષમાં 33.5 ટકા ઘટ્યો છે અને આ વર્ષની શરૂઆતથી 26.1 ટકા ઘટ્યો છે. કંપનીના કુલ 3.37 લાખ શેર રૂ. 10.30 કરોડના ટર્નઓવરમાં બદલાયા હતા. સ્મોલ કેપ શેર 5 દિવસ અને 20 દિવસની મૂવિંગ એવરેજ કરતાં વધારે છે. પરંતુ 50 દિવસ, 100 દિવસ અને 200 દિવસની મૂવિંગ એવરેજ કરતાં ઓછી છે.

માર્કેટ કેપ


BSE પર કંપનીનું માર્કેટ કેપ વધીને રૂ. 4,383.75 કરોડ થયું હતું. શેર 26,2021ના રોજ રૂ. 741.75ની 52-સપ્તાહની ઊંચી સપાટીએ અને 31મી માર્ચ, 2022ના રોજ રૂ. 253.20ની 52-સપ્તાહની નીચી સપાટીએ પહોંચ્યો હતો. ફાર્મા ફર્મે 31 ડિસેમ્બર, 2021ના ​​રોજ પૂરા થયેલા ક્વાર્ટરમાં રૂ. 6.78 કરોડની ચોખ્ખી ખોટ નોંધાવી હતી અને અગાઉના નાણાકીય વર્ષના સમાન ક્વાર્ટરમાં રૂ. 15.24 કરોડના નફા સામે નફો 144.49 ટકા ઘટ્યો હતો.

આ પણ વાંચો: આજે (7 એપ્રિલ) આ 20 શેરમાં કરો મોટી કમાણી

ડિસેમ્બર ક્વાર્ટરમાં વેચાણ


જોકે, કંપનીનું ડિસેમ્બર-ક્વાર્ટરનું વેચાણ 11.76 ટકા વધીને રૂ. 853.89 કરોડ થયું છે, જે ગયા નાણાંકીય વર્ષના ત્રીજા ક્વાર્ટરમાં એક વર્ષ અગાઉ રૂ. 764.02 કરોડ હતું. માર્ચ ક્વાર્ટરના અંતે 75 ફોરેન પોર્ટફોલિયો રોકાણકારો (FPIs) પાસે 2.90 ટકા હિસ્સો અથવા 41.81 લાખ શેર હતા. જ્યારે ડિસેમ્બર 2021 ક્વાર્ટરના અંતે 2.94 ટકા હિસ્સો ધરાવતા 76 FPIs અથવા 32.58 લાખ શેર હતા. ડિસેમ્બર 2020ના રોજ પૂરા થયેલા ક્વાર્ટરમાં પ્રથમ વખત શેરહોલ્ડિંગ ડેટામાં ઝુનઝુનવાલાનું નામ પ્રથમ વખત દેખાયું.

આ પણ વાંચો: સોના-ચાંદીના ભાવમાં વધારો થયો કે ઘટાડો? ફટાફટ જાણો આજનો ભાવ

રાકેશ ઝુનઝુનવાલાનો હિસ્સો


જાન્યુઆરી 2021ના ડેટા દર્શાવે છે કે રાકેશ રાધેશ્યામ ઝુનઝુનવાલાએ ડિસેમ્બર ક્વાર્ટરના અંતે વોકહાર્ટમાં 25,00,005 શેર અથવા 2.26 ટકા હિસ્સો ધરાવતા હતા. જોકે, તે સ્પષ્ટ નથી કે ઝુનઝુનવાલાએ કંપનીમાં પ્રથમ વખત હિસ્સો ખરીદ્યો હતો અથવા તેણે અગાઉ પણ વોકહાર્ટનો કોઈ શેર રાખ્યા હતા. કારણ કે કંપનીઓએ શેરધારકોના નામ જાહેર કરવાની જરૂર નથી જો તેમની વ્યક્તિગત હોલ્ડિંગ 1 ટકાથી ઓછી હોય.
First published:

Tags: Investment, Rakesh jhunjhunwala, Share market, Stock tips

આગામી સમાચાર