Gold Silver Price Today: સોનું ચાંદી સતત ત્રીજા દિવસે સસ્તા થયાં, જુઓ ક્યાં પહોંચ્યો ભાવ

નવી દિલ્હી: સોના-ચાંદીની કિંમત (Gold Silver rate today)માં વૈશ્વિક બજારમાં સતત ઉતાર ચઢાવના સંકેતો બાદ ભારતમાં સ્થાનિક બજારોમાં પણ સોનું ચાંદી ફરી એકવાર ઘટાડાની ચાલ પકડી છે. આજે સવારના કારોબારમાં બંને કિંમતી ધાતુની કિંમતોમાં ફરી ઘટાડો નોંધાયો છે. આજે શરુઆતના કારોબારમાં 55 હજાર તરફ સરકતું સોનું ઘટીને 54 હજાર નીચે તરફ જઈ રહ્યું છે. તો બીજી તરફ ચાંદીના ભાવ પણ 67 હજાર આસપાસ પહોંચી ગયા છે. આજે સવારે 10.30 વાગ્યે મલ્ટી કોમોડિટી એક્સચેન્જ (MCX) પર સોનું 0.01 ટકાના ઘટાડા સાથે 54,112 રૂપિયા પ્રતિ 10 ગ્રામ અને ચાંદી 0.44 ટકા ઘટીને 67,521 રૂપિયા પ્રતિ કિલોગ્રામ પર ટ્રેડ થઈ રહ્યું છે. વૈશ્વિક નેગેટિવ સંકેતો વચ્ચે સોનામાં ફરી ઘટાડો જોવા મળ્યો છે. જોકે આજના ઘટાડા સાથે સોનું તેની રેકોર્ડ કિંમત (Gold record price)થી હજુ પણ પ્રમાણમાં સસ્તું થઈ ગયું છે. આથી જો તમારે સોનાની ખરીદી કરવી હોય તો અત્યારે પણ તમારા માટે સારો મોકો છે.

આ પણ વાંચોઃ આ સરકારી સંસ્થા રિટેલ ગ્રીન બોન્ડ બહાર પાડશે, રૂ. 244 કરોડ એકત્ર કરવાનું લક્ષ્ય; રોકાણ કરાય કે નહીં?

સોના-ચાંદીની કિંમત (Gold-Silver Rate)

આજે સવારે 10.30 વાગ્યે એમસીએક્સ પર ફેબ્રુઆરીના વાયદાનું સોનું 0.01 ટકાના ઘટાડા સાથે 54,112 રૂપિયા પ્રતિ 10 ગ્રામ લેખે ટ્રેડ કરી રહ્યું હતું. બીજી તરફ માર્ચના વાયદાનું ચાંદી 0.44 ટકાના ઘટાડા સાથે 67,521 રૂપિયા પ્રતિ કિલોગ્રામ લેખે ટ્રેડ કરી રહ્યું હતું.

સોનાની રેકોર્ડ કિંમત (Gold Record Price)

ઓગસ્ટ 2020 દરમિયાન સોનાની કિંમત એમસીએક્સ પર પ્રતિ 10 ગ્રામ 57,191 રૂપિયા સુધી પહોંચી હતી. આજે સવારે એમસીએક્સ પર સોનું પ્રતિ 10 ગ્રામ 54,112 રૂપિયા જોવા મળ્યું હતું. એટલે કે સોનું હજુ રેકોર્ડ કિંમતથી 3079 રૂપિયા સસ્તું મળી રહ્યું છે.

આ પણ વાંચોઃ આ ખેડૂતો થાઈલેન્ડના જામફળ ઉગાડી કરે છે ડોલરમાં કમાણી, નફો સીધો બે છક બાર

દેશના વિવિધ શહેરમાં આજે સોનાની કિંમત (સોર્સ-goodreturns.in)

શહેર	22 કેરેટ	24 કેરેટ
Chennai	₹50,600	₹55,200
Mumbai	₹49,700	₹54,220
Delhi	₹49,850	₹54,380
Kolkata	₹49,700	₹54,220
Bangalore	₹49,750	₹54,280
Hyderabad	₹49,700	₹54,220
Kerala	₹49,700	₹54,220
Pune	₹49,700	₹54,220
Vadodara	₹49,750	₹54,280
Ahmedabad	₹49,750	₹54,280
Jaipur	₹49,850	₹54,380
Lucknow	₹49,850	₹54,380
Coimbatore	₹50,600	₹55,200
Madurai	₹50,600	₹55,200
Vijayawada	₹49,700	₹54,220
Patna	₹49,750	₹54,280
Nagpur	₹49,700	₹54,220
Chandigarh	₹49,850	₹54,380
Surat	₹49,750	₹54,280
Bhubaneswar	₹49,700	₹54,220
Mangalore	₹49,750	₹54,280
Visakhapatnam	₹49,700	₹54,220
Nashik	₹49,730	₹54,250
Mysore	₹49,750	₹54,280

સોનાની શુદ્ધતાના માપદંડ

24 કેરેટ સોનાના આભૂષણોમાં 999 લખ્યું હોય છે, જ્યારે 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 કેરેટ શુદ્ધ સોના પર 750 લખ્યું હોય છે. 24 કેરેટ સોનું લગભગ 99.9% શુદ્ધ હોય છે જ્યારે 22 કેરોટ સોનું 91 ટકા શુદ્ધ હોય છે. 22 કેરેટ સોનામાં અન્ય ધાતું જેવી કે તાંબુ, ચાંદી અને જિંક ભેળવીને આભૂષણો તૈયાર કરવામાં આવે છે. સામાન્ય રીતે 24 કેરેટ શુદ્ધ સોનાના આભૂષણો નથી બનતા. આ તમામ આભૂષણો પર કેરેટ પ્રમાણે હોલમાર્કિંગ થાય છે.

આ પણ વાંચોઃ Business Idea: હાલ ટ્રેન્ડમાં છે આ બિઝનેસ, તમે પણ કરી શકો શરૂઆત; સરકાર પણ કરશે મદદ

આ રીતે સોનાની શુદ્ધતા ચકાસો

જો તમે સોનાની શુદ્ધતા ચકાસવા માંગો છો તો સરકારે આ માટે એક એપ્લિકેશન બનાવી છે. 'BIS Care app' મારફતે ગ્રાહકો સોનાની શુદ્ધતાની ચકાસણી કરી શકે છે. આ એપ્લિકેશન મારફતે સોનાની શુદ્ધતા ઉપરાંત અન્ય અનેક માહિતી મેળવી શકાય છે. આ એપ મારફતે ફરિયાદ પણ કરી શકાય છે. આ એપમાં જો સામાનનું લાઇસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહકો તાત્કાલિક તેની ફરિયાદ કરી શકે છે. આ એપ મારફતે ફરિયાદ દાખલ થયાની માહિતી પણ ગ્રાહકને ફટાફટ મળી જાય છે.

મિસ્ડ કૉલ કરીને જાણો સોનાનો ભાવ

નોંધનીય છે કે, તમે આ રેટ્સને સરળતાથી ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કૉલ કરવો પડશે અને આપના ફોન પર મેસેજ આવી જશે જેમાં તમે લેટેસ્ટ રેટ્સ ચેક કરી શકો છો.



(Disclaimer: અહીં આપવામાં આવેલી રોકાણની સલાહ એક્સપર્ટ્સના અંગત મત રજૂ કરે છે. ન્યુઝ 18 ગુજરાતી કે તેનું મેનેજમેન્ટ તેના માટે જવાબદાર નથી. કોઈપણ રોકાણ કરતા પહેલા આપના ફાઈનાન્શિયલ એડવાઈઝરની સલાહ ચોક્કસ લો.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Gold price today, Gold silver price, Gold silver rates, Silver Price Today