Home /News /business /

Post Office Scheme: પોસ્ટ ઓફિસની આ સ્કીમમાં તમારા પૈસા થશે ડબલ, જાણો વધુ વિગત

Post Office Scheme: પોસ્ટ ઓફિસની આ સ્કીમમાં તમારા પૈસા થશે ડબલ, જાણો વધુ વિગત

પોસ્ટ ઓફિસ (પ્રતીકાત્મક તસવીર)

Post Office Time Deposit Account: આ સ્કીમ હેઠળ તમે ફક્ત 1,000 રૂપિયા સાથે ખાતું શરૂ કરી શકો છો. શરૂઆતની ચૂકવણી ચેક અથવા રોકડથી કરી શકો છો. આ સ્કીમમાં મહત્તમ રોકાણની કોઈ મર્યાદા નથી.

    નવી દિલ્હી: જો તમે સુરક્ષિત રોકાણ (Secure investment) ક્યાં કરવું તેની શોધમાં છો તો પોસ્ટ ઓફિસ (Post office) તમારા માટે ઉત્તમ વિકલ્પ છે. પોસ્ટ ઓફિસને સરકારનું સમર્થન હોવાથી તેમાં કરેલું રોકાણ ક્યારેય ડૂબવાનું જોખમ રહેતું નથી. અહીં તમને નિશ્ચિત વળતરની ખાતરી પણ મળે છે. પોસ્ટ ઓફિસ ટાઇમ ડિપોઝિટ સ્કીમ (Post Office Time Deposit scheme) રોકાણ માટે એક સારી યોજના છે. પોસ્ટ ઓફિસમાં રોકાણ માટે 1, 2, 3 કે 5 વર્ષ માટે ખાતું ખોલાવી શકાય છે. સમયગાળો પૂરો થયા બાદ જો તમે આ સ્કીમમાં ચાલુ રહેવા માંગો છો તો તમારે ફક્ત એક અરજી જ આપવાની રહેશે.

    મિનિમમ રોકાણ (Minimum deposit)

    આ સ્કીમ હેઠળ તમે ફક્ત 1,000 રૂપિયા સાથે ખાતું શરૂ કરી શકો છો. શરૂઆતની ચૂકવણી ચેક અથવા રોકડથી કરી શકો છો. આ સ્કીમમાં મહત્તમ રોકાણની કોઈ મર્યાદા નથી.

    પાકતી મુદત પહેલા ઉપાડ (Premature withdrawal)

    આ સ્કીમમાં શરૂઆતના છ મહિનામાં કોઈ ઉપાડની કોઈ છૂટ નથી. જો આ સ્કીમમાં છ મહિના પછી અને એક વર્ષ પહેલા એટલે કે પાકતી મુદત પહેલા રકમનો ઉપાડ કરવામાં આવે છે તો વ્યાજનો દર સમાન રહે છે.

    પાકતી મુદત બાદ વ્યાજ (Interest post maturity)

    જો આ સ્કીમમાં મેચ્યુરિટી પછી પણ રકમ રાખી મૂકવામાં આવે તો તેના પર કોઈ વધારાનું વ્યાજ મળતું નથી. જો પોસ્ટ ઑફિસમાં કોર બેન્કિંગ સેવા ઉપલબ્ધ હોય તો તમે જે સમયગાળો પસંદ કર્યો હોય તેટલા સમય માટે ડિપોઝિટને રિન્યૂ કરી શકો છે.

    વ્યાજદર (Interest rates)

    1થી ત્રણ વર્ષની વચ્ચે તમને 5.5 ટકા વ્યાજ મળશે. પાંચ વર્ષ માટે ડિપોઝિટ કરવા પર 6.7 ટકા વ્યાજ મળશે. જો આ જ વ્યાજદર સાથે ડિપોઝિટ કરવામાં આવે તો તમારું રોકાણ 10.75 વર્ષમાં ડબલ થઈ જશે.

    આ પણ વાંચો: Post Office scheme: પોસ્ટ વિભાગની આ સ્કીમમાં 35 લાખ રૂપિયા મેળવવા કરો 1,500 રૂપિયાનું રોકાણ- જાણો વિગત

    વ્યાજની ચૂકવણી (Interest payment)

    આ સ્કીમમાં વ્યાજ તેમજ મુદલ સાથેની રકમની ચૂકવણી રોકડ અથવા ચેકમાં કરવામાં આવે છે. અહીં એક શરત એવી પણ છે કે જો ચૂકવણી 20 હજાર કે તેનાથી વધારે હોય તો તે ફરજિયાત ચેક મારફતે જ કરવામાં આવે છે.

    ટેક્સ લાભ (Tax benefits)

    આ સ્કીમમાં પાંચ વર્ષ માટે ડિપોઝિટ કરવા પર જ કર કપાતનો લાભ મળે છે. પાંચ વર્ષ માટે કરવામાં આવેલી ડિપોઝિટ આવકવેરા ધારાની કલમ 80C હેઠળ બાદ મળે છે. 80Cની મર્યાદા 1.5 લાખ રૂપિયા છે.

    એકાઉન્ટ કોણ ખોલાવી શકે? (Eligibility criteria)

    - ભારત દેશનો કોઈ પણ નાગરિક ખાતું ખોલાવી શકે છે.
    - વધુમાં વધુ ત્રણ વ્યક્તિ સાથે સંયુક્ત ખાતું પણ ખોલાવી શકાય છે.
    - 10 વર્ષ કે તેનાથી વધુ ઉંમરનો બાળક ખાતું ખોલવી શકે છે, અને વ્યવહાર પણ કરી શકે છે.
    - 10 વર્ષથી નીચેની ઉંમરના બાળકો માટે તેમના વાલી કે પિતા ખાતું ખોલાવી શકે છે.
    - NRIને પોસ્ટ ઓફિસ ટાઇમ ડિપોઝિટ એકાઉન્ટ ખોલવાની મંજૂરી નથી.

    આ પણ વાંચો: Post Office scheme: દરરોજ ફક્ત 70 રૂપિયા જમા કરો અને મેળવો 1.5 લાખ રૂપિયા- વાંચો અહેવાલ

    ઓનલાઈન ખાતું કેવી રીતે ખોલાવશે? (How to pen Post Office Time Deposit Account)

    ટાઇમ ડિપોઝિટ એકાઉન્ટ ખોલાવવા માટે તમે રૂબરૂ પોસ્ટ ઓફિસની મુલાકાત લઈ શકો છો. તમે ઓનલાઈન એકાઉન્ટ પણ ખોલાવી શકો છો. આ માટે નીચેના સ્ટેપ્સ અનુસરો.

    સ્ટેપ 1: ભારતીય પોસ્ટ ઓફિસની અધિકૃત વેબસાઈટની મુલાકાત લો. લોગીન કરો.
    સ્ટેપ 2: General Services હેઠળ ‘Service Request’ વિકલ્પની પસંદગી કરો.
    સ્ટેપ 3: પોસ્ટ ઓફિસ ટાઈમ ડિપોઝિટ એકાઉન્ટ ખોલવા માટે ‘New Request’ ટેબ પસંદ કરો.
    સ્ટેપ 4: ફોર્મમાં આપેલી તમામ વિગત ધ્યાનથી ભરો.
    સ્ટેપ 5: શરૂઆતની રકમનું પેમેન્ટ કરો અને સબમિટ ફોર્મ કરો.
    સ્ટેપ 6: તમારા અધિકૃત ઇ-મેઇલ આઈડી પર ખાતું ખુલ્યાનો સંદેશ પ્રાપ્ત થશે.
    Published by:Vinod Zankhaliya
    First published:

    Tags: FD, Fixed Deposit, Investment, Personal finance, Post office

    આગામી સમાચાર