Post Office Scheme : આ સ્કીમમાં માત્ર 417 રૂપિયા જમા કરીને બનો કરોડપતિ, અહીં વાંચો સમગ્ર વિગત

PPF Scheme: પોસ્ટ ઓફિસ પબ્લિક પ્રોવિડન્ટ ફંડ (Post Office PPF Scheme) તમને કરોડપતિ બનવાની તક આપી રહી છે. આ માટે તમારે દરરોજ 417 રૂપિયાનું રોકાણ કરવું પડશે. જો કે આ એકાઉન્ટની પાકતી મુદત 15 વર્ષ છે, પરંતુ તમે તેને 5-5 વર્ષ માટે બે વખત વધારી શકો છો. આ સાથે તમને આ પ્લાનમાં ટેક્સ બેનિફિટ પણ મળે છે. જેમાં સૌથી મહત્વની બાબત એ છે કે તમને આ પ્લાનમાં વાર્ષિક 7.1 ટકા વ્યાજ મળે છે અને સાથે જ દર વર્ષે ચક્રવૃદ્ધિ વ્યાજનો લાભ પણ આપે છે. આવો અમે તમને એ પણ જણાવીએ કે આ સ્કીમ તમને કેવી રીતે કરોડપતિ બનાવી શકે છે.

પોસ્ટ ઓફિસ પીપીએફ ખાતાની વિગતો જાણો

જો તમે 15 વર્ષ સુધી એટલે કે પાકતી મુદત સુધી રોકાણ કરો છો અને વાર્ષિક મહત્તમ રૂ. 1.5 લાખ જમા કરો છો, એટલે કે એક મહિનામાં રૂ. 12500 અને એક દિવસમાં રૂ. 417, તો તમારું કુલ રોકાણ 22.50 લાખ થઈ જશે. પાકતી મુદતે તમને 7.1 ટકાના વાર્ષિક વ્યાજ સાથે ચક્રવૃદ્ધિનો લાભ પણ મળશે. આમાં, મેચ્યોરિટી સમયે તમને વ્યાજ તરીકે 18.18 લાખ રૂપિયા મળશે. એટલે કે તમને કુલ 40.68 લાખ રૂપિયા મળશે.

કેવી રીતે તમે બનશો કરોડપતિ?

બીજી તરફ જો તમે આ સ્કીમથી કરોડપતિ બનવા માંગો છો, તો તમે 15 વર્ષ પછી આ સ્કીમ દ્વારા તમારા રોકાણને 5-5 વખત બે વાર વધારી શકો છો. વાર્ષિક રૂ. 1.5 લાખનું રોકાણ કરવાથી તમારું કુલ રોકાણ રૂ. 37.50 લાખ થશે. મેચ્યોરિટી પછી તમને 7.1 ટકા વ્યાજ દર સાથે 65.58 લાખ રૂપિયા મળશે. એટલે કે 25 વર્ષ પછી તમારું કુલ ફંડ 1.03 કરોડ થઈ જશે.

આ પણ વાંચો -ITR ભરવું છે ખૂબ જ ફાયદાકારક, વીઝાથી લઇને લોન લેવા સુધી તમામ કામોમાં મહત્વપૂર્ણ

PPF ખાતું કોણ ખોલાવી શકે?

- નોકરિયાત, સ્વરોજગાર, પેન્શનરો વગેરે સહિત કોઈપણ નિવાસી પોસ્ટ ઓફિસના પીપીએફમાં ખાતું ખોલાવી શકે છે.
- આ ખાતું ફક્ત એક જ વ્યક્તિ ખોલી શકે છે.
- તમે આમાં જોઈન્ટ એકાઉન્ટ ખોલાવી શકતા નથી.
- સગીર બાળક વતી માતા-પિતા/વાલીઓ પોસ્ટ ઓફિસમાં માઇનોર PPF ખાતું ખોલાવી શકે છે.
- બિન-નિવાસી ભારતીયો તેમાં ખાતું ખોલાવી શકતા નથી. જો કોઈ નિવાસી ભારતીય PPF ખાતાની પાકતી મુદત પહેલા NRI બની જાય છે, તો તે પાકતી મુદત સુધી એકાઉન્ટનું સંચાલન ચાલુ રાખી શકે છે.

પીપીએફ એકાઉન્ટ માટે જરૂરી દસ્તાવેજો

- ઓળખનો પુરાવો - મતદાર ID, પાસપોર્ટ, ડ્રાઇવિંગ લાઇસન્સ, આધાર કાર્ડ
- સરનામાનો પુરાવો- મતદાર ID, પાસપોર્ટ, ડ્રાઇવિંગ લાઇસન્સ, આધાર કાર્ડ
- પાન કાર્ડ
- પાસપોર્ટ સાઇઝનો ફોટો
- નોંધણી ફોર્મ- ફોર્મ E

આ પણ વાંચો - આ શેર હોલ્ડર્સ બન્યાં માલામાલ, 10,000 ના બનાવી દીધા રૂ. 2.53 કરોડ

પોસ્ટ ઓફિસ પીપીએફ એકાઉન્ટની વિશેષતાઓ

1. નાણાંકીય વર્ષ દરમિયાન PPF ખાતામાં મહત્તમ થાપણની મંજૂરી રૂ. 1.5 લાખ છે.
2. પોસ્ટ ઓફિસ પીપીએફમાં થાપણોની સંખ્યા વાર્ષિક 12 સુધી મર્યાદિત છે.
3. PPFએ E-E-E રોકાણ છે, એટલે કે મૂડી રોકાણ, મેળવેલ વ્યાજ અને પાકતી મુદતની રકમ તમામ કરમુક્ત છે.
4. ખાતાને સક્રિય રાખવા માટે જરૂરી લઘુત્તમ વાર્ષિક રોકાણ રૂ. 500 છે.
5. પોસ્ટ ઓફિસ પીપીએફ એકાઉન્ટ પર વ્યાજ વાર્ષિક ચક્રવૃદ્ધિ કરવામાં આવે છે અને દર વર્ષે 31મી માર્ચે ચૂકવવામાં આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Post office, Post office, Post Office Scheme