Post Office ફ્રેન્ચાઇઝી ખોલો, 8 પાસ પણ ખોલી શકે છે, શું પ્રોસેસ કરવી પડે? કેટલી થાય કમાણી?

Post Office Schemes: ગઈકાલે આપણે વિશ્વ પોસ્ટ દિવસ (World Post Day) ઉજવ્યો. પોસ્ટલ સેવાઓના સન્માન માટે દર વર્ષે 9 ઓક્ટોબરના રોજ વિશ્વ પોસ્ટ દિવસ ઉજવવામાં આવે છે. વિશ્વ પોસ્ટ દિવસની ઉજવણી માટે 9 થી 16 ઓક્ટોબર દરમિયાન રાષ્ટ્રીય ટપાલ સપ્તાહ (national postal week)નું આયોજન કરવામાં આવ્યું છે.

પોસ્ટ ઓફિસ માત્ર સરનામા પર પત્રો પહોંચાડવાનું કામ જ નથી કરતી, પરંતુ તે લોકોના જીવન સાથે સંબંધિત છે. ટપાલ વિભાગ લોકોની ખુશી અને દુ:ખની ક્ષણોમાં સામેલ રહ્યું છે.

આ બધા સિવાય, પોસ્ટ ઓફિસ અન્ય ઘણી ભૂમિકાઓ ભજવે છે. તે લોકોની બચત સુરક્ષિત રાખે છે અને રોકાણની તકો પણ પૂરી પાડે છે. પોસ્ટ ઓફિસ પણ લાખો લોકોને રોજગારી પૂરી પાડે છે.

આજે, પોસ્ટલ સપ્તાહના પ્રસંગે, અમે પોસ્ટ ઓફિસમાંથી રોજગારી કેવી રીતે મેળવવી તે વિશે વાત કરી રહ્યા છીએ. પોસ્ટ ઓફિસ આપણી આવકનો સ્ત્રોત કેવી રીતે બની શકે?

તમે પોસ્ટ ઓફિસને તમારી કમાણીનું સાધન બનાવી શકો છો અને આ માટે ન તો વધારે મૂડીની જરૂર છે અને ન તો કોઈ ડિગ્રી-ડિપ્લોમા. માત્ર આઠમું પાસ કરનાર વ્યક્તિ પણ પોસ્ટ ઓફિસને આવકનો સ્ત્રોત બનાવી શકે છે.

અહીં અમે પોસ્ટ ઓફિસ ફ્રેન્ચાઇઝી વિશે વાત કરી રહ્યા છીએ. પોસ્ટ ઓફિસ ફ્રેન્ચાઈઝી લઈને, તમે દર મહિને 50 હજાર રૂપિયા સુધી કમાઈ શકો છો. ફ્રેન્ચાઇઝી લઈને, તમે ગામ અથવા શહેરમાં ક્યાંક પોસ્ટ ઓફિસમાં કામ કરીને કમાણી શરૂ કરી શકો છો.

તમને જણાવી દઈએ કે, દેશભરમાં એવી ઘણી જગ્યાઓ છે, જ્યાં પોસ્ટ ઓફિસ ખોલવાની જરૂર છે, પરંતુ આ સુવિધા ત્યાં પૂરી પાડી શકાતી નથી, તેથી ત્યાંના લોકોને ટપાલ સુવિધાઓ આપવા માટે ફ્રેન્ચાઈઝી આઉટલેટ ખોલવામાં આવે છે.

આ પણ વાંચો - રેશમ પાલન બિઝનેસ: ક્યાં મળશે ટ્રેનિંગ? સિલ્ક ઉત્પાદન કરી બનાવો ચમકદાર કરીયર અને કરો કમાણી

પોસ્ટ ઓફિસ ફ્રેન્ચાઇઝી કોણ લઇ શકે છે

કોઈપણ ભારતીય નાગરિક આ કામ કરી શકે છે. ફ્રેન્ચાઇઝી લેનાર વ્યક્તિની ઉંમર 18 વર્ષથી વધુ હોવી જોઇએ. ફ્રેન્ચાઇઝી લેવા ઇચ્છુક વ્યક્તિ આઠ પાસ હોવી જોઇએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Post office, Investment in Post Office, Post office, Post Office Scheme, Post office small savings scheme