PM Kisan Samman Nidhi Yojana: જો લાભાર્થી ખેડૂતનું મૃત્યુ થાય તો રૂ.6000 મળશે કે નહિ? જાણો શું છે નિયમ

PM Kisan Samman Nidhi Yojana: PM કિસાન સન્માન નિધિ યોજના કેન્દ્ર સરકાર દ્વારા ખેડૂતોની આવક બમણી કરવા અને ખેડૂતોની આર્થિક સ્થિતિમાં વધુ સુધારો કરવાના ઉદ્દેશ્ય સાથે શરૂ કરવામાં આવી હતી. આ યોજના વર્ષ 2019 માં શરૂ કરવામાં આવી હતી અને ત્યારથી દર વર્ષે ખેડૂતોને 6000 રૂપિયાની આર્થિક સહાય આપવામાં આવે છે. જોકે આ 6000 રૂપિયા 3 સમાન હપ્તામાં આપવામાં આવે છે. ખેડૂતોને વર્ષમાં 3 વખત એટલે કે ચાર-ચાર મહિનાના અંતરે આ હપ્તા મળે છે.

આગામી ટૂંક સમયમાં જ ખેડૂતોને PM કિસાન સન્માન નિધિનો 13મો હપ્તો આપવામાં આવશે. અહીં 13મો હપ્તો ત્યારે જ મળશે જ્યારે રજીસ્ટ્રેશન થઈ ગયું હોય. પરંતુ શું તમે વિચાર્યું છે કે જો આ યોજનામાં લાભાર્થીનું મૃત્યુ થાય છે તો આ રૂપિયા કોને મળશે. તો ચાલો જાણીએ.

આ પણ વાંચો:Gold Price Today: સોનું 56 હજારને પાર, ચાંદીમાં પણ વધારો, જાણો 10 ગ્રામ સોનાનો ભાવ

જો ખેડૂત મૃત્યુ પામે તો ?

PM કિસાન સન્માન નિધિ હેઠળ 13મો હપ્તો ટૂંક સમયમાં ખેડૂતોને આપવામાં આવશે. જો તમે આ યોજના હેઠળ નોંધાયેલા ખેડૂત છો તો તમને આ યોજનાનો લાભ મળશે. પરંતુ જો કોઈ ખેડૂતનું આકસ્મિક રીતે મૃત્યુ થાય છે તો તેને ચોક્કસપણે આ યોજનાનો લાભ મળે છે. જો લાભાર્થીનું મૃત્યુ થાય છે તો તે ખેડૂત કે જેની પાસે ખેતીની જમીન છે તેના વારસદારને આ યોજનાનો લાભ મળે છે. જો કે ખેડૂતના તે વારસદારે અલગથી પોર્ટલમાં પોતાનું રજીસ્ટ્રેશન કરાવવું પડશે. આ ઉપરાંત એ પણ જોવામાં આવશે કે આ વારસદાર ખેડૂત સરકારની શરતો પૂરી કરે છે કે નહીં.

આ પણ વાંચો:National Saving Certificateમાં રૂપિયા ડબલ થતા વાર નહિ લાગે, આ રીતે ઉઠાવો ફાયદો

યોજના માટે કેવી રીતે નોંધણી કરવી

- સત્તાવાર વેબસાઇટ https://pmkisan.gov.in પર જાઓ.

- ‘New Farmer Registration'ના વિકલ્પ પર ક્લિક કરો.

- ખેડૂતે પોતાનો આધાર નંબર દાખલ કરવાનો રહેશે.

- કેપ્ચા કોડ દાખલ કરો અને રાજ્ય પસંદ કરો.

લાભાર્થી થવા e-KYC જરૂરી છે

તમને જણાવી દઈએ કે પીએમ કિસાન સન્માન યોજના હેઠળ યોજનાનો લાભ લેવા માટે ખેડૂતોએ ઈ-કેવાયસી કરાવવું જરૂરી છે. ઇ-કેવાયસી વિના પીએમ કિસાન સન્માન નિધિ યોજનાના પૈસા ખેડૂતોના ખાતામાં નહીં આવે.

તમે મદદ માટે અહીં સંપર્ક કરી શકો છો

પીએમ કિસાન યોજના સંબંધિત સમસ્યાના ઉકેલ માટે સરકારે ફ્રી હેલ્પલાઇન નંબર અને ઈમેલ આઈડી આપ્યા છે.

- હેલ્પલાઈન નંબર: 1555261, 1800115526, 011-23381092

- ઈમેલ આઈડી: pmkisan-ict@gov.in

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, PM Kisan Samman Nidhi Yojana, PM Kisan Scheme