વાહન ચાલકો માટે Big New! પેટ્રોલના ભાવમાં રેકોર્ડ બ્રેક વધારા માટે રહો તૈયાર, ક્રૂડ ઓઇલના ભાવમાં મોટો વધારો

પ્રતિકાત્મક તસવીર

ઉલ્લેખનીય છે કે, કોરોના વાયરસ મહામારીએ વૈશ્વિક સ્તરે ઉર્જાની માંગને અસર કરી છે. ઘણા દેશોમાં રસીકરણની રજૂઆતને કારણે આંતરરાષ્ટ્રીય બજારમાં ક્રૂડ ઓઇલના ભાવમાં વધારો થયો છે

  • Share this:
    નવી દિલ્હી : પેટ્રોલના ભાવ ફરી એકવાર નવી ઊંચાઈએ પહોંચી શકે છે. રાજધાની દિલ્હીમાં જ બુધવારે પેટ્રોલની કિંમત પ્રતિ લીટર 83.97 રૂપિયા પર પહોંચી ગઈ છે. સતત 29 દિવસ સ્થિર થયા બાદ બુધવારે પેટ્રોલના ભાવમાં 26 પૈસા પ્રતિ લીટરનો વધારો થયો છે, જ્યારે ડીઝલ પણ 25 પૈસા મોંઘુ થઈ ગયું છે. રાષ્ટ્રીય રાજધાનીમાં આજે એક લિટર ડીઝલની કિંમત રૂપિયા 74.12 છે. ઉલ્લેખનીય છે કે, કોરોના વાયરસ મહામારીએ વૈશ્વિક સ્તરે ઉર્જાની માંગને અસર કરી છે. ઘણા દેશોમાં રસીકરણની રજૂઆતને કારણે આંતરરાષ્ટ્રીય બજારમાં ક્રૂડ ઓઇલના ભાવમાં વધારો થયો છે. બ્રેન્ટ ક્રૂડ ઓઈલ પ્રતિ બેરલ 53.86 અને વેસ્ટ ટેક્સાસ ઇન્ટરમીડિયેટ (ડબ્લ્યુટીઆઇ) $ 50 ની નજીક ટ્રેડ કરી રહ્યું છે.

    છેલ્લે ક્યારે પેટ્રોલ અને ડીઝલની કિંમતો રેકોર્ડ બ્રેક ઉંચી સપાટીએ પહોંચી હતી?
    બેરલ દીઠ એક ડોલરના વધારાથી ભારતના ક્રૂડ ઓઇલ આયાત બિલને વાર્ષિક 10,700 કરોડ રૂપિયાનો બોજો આવે છે. એક લાઈવમીંટના અહેવાલમાં એક સરકારી અધિકારીના હવાલાથી કહેવામાં આવ્યું છે કે, તેલ કંપનીઓએ પાછલા કેટલાક વર્ષોમાં છૂટક દરો સ્થિર રાખ્યા છે. હવે કિંમતોમાં ઘણો વધારો થયો છે. પેટ્રોલની સૌથી વધુ કિંમત છેલ્લે 4 ઓક્ટોબર 2018ના રોજ દિલ્હીમાં 84 રૂપિયા પ્રતિ લિટર પર જોવા મળી હતી. જ્યારે ગયા વર્ષે ડીઝલનો ભાવ પ્રતિ લીટર રૂ. 81.94 સાથે ઉચ્ચતમ સ્તરે પહોંચ્યો હતો.

    દેશમાં પરિવહન અને બળતણ દરમાં સતત વધારો જોવા મળી રહ્યો છે. તેના કારણે સરકાર પર વેરા દર ઘટાડવા માટેનું દબાણ પણ વધ્યું છે. તમને જણાવી દઈએ કે, રિફાઇનરી કિંમત સિવાય, કેન્દ્ર સરકાર અને રાજ્ય સરકારો દ્વારા બળતણ પર લાદવામાં આવતા ટેક્સ અને ડીલરોના કમિશનમાં પણ બળતણના ભાવમાં ઉમેરો કરવામાં આવે છે.

    આ પણ વાંચો - હવે LPG સિલિન્ડરનું બુકિંગ માત્ર મિસ્ડ callથી કરી શકાશે, નંબર જાહેર કર્યો - નોંધીલો

    ઓપેક દેશોએ ક્રૂડ તેલનું ઉત્પાદન ઘટાડવાનો નિર્ણય કર્યો

    પેટ્રોલિયમ નિકાસ કરનાર દેશો (ઓપેક) પ્લસની બેઠક બાદ બુધવારે કિંમતોમાં આ વધારો થયો છે. આ બેઠકમાં ફેબ્રુઆરી અને માર્ચ 2021ના ​​ઉત્પાદન અંગે નિર્ણય લેવામાં આવ્યો છે. ડિસેમ્બરમાં, ઓપેક પ્લસે નિર્ણય લીધો હતો કે, જાન્યુઆરીથી ક્રૂડ તેલના ઉત્પાદનમાં રોજ 5 લાખ બેરલનો ઘટાડો થશે. ઓપેકે પોતાના નિવેદનમાં કહ્યું, 'મીટિંગમાં નિર્ણય લેવામાં આવ્યો કે ઉત્પાદન ધીમે ધીમે 2 એમબી / ડી પર લઈ જવાનું છે. બજારની સ્થિતિને આધારે તેની ગતિ નક્કી કરવામાં આવશે.'

    ભારત માટે ઓપેકના નિર્ણયનો અર્થ શું છે?

    ઓપેક પ્લસનો આ નિર્ણય ભારત માટે મહત્ત્વ ધરાવે છે, કારણ કે વૈશ્વિક તેલ ઉત્પાદનમાં ઓપેકનો હિસ્સો 40% જેટલો છે. ભારત પોતાની જરૂરિયાતનું 83 ટકા ક્રૂડ તેલ ઓપેક દેશોમાંથી આયાત કરે છે. ક્રૂડ ઓઇલના યુગથી આંતરરાષ્ટ્રીય બજારને ફાયદો થયો છે. ભારતે પોતાનો વ્યૂહાત્મક ઓઈલ રિઝર્વને ભરવા માટે બેરલ દીઠ સરેરાશ $ 19 ના દરે ક્રૂડ તેલ ખરીદ્યું છે.

    આ પણ વાંચો - ખુશખબર! સરકારનો નવો પ્લાન, 8 કલાકથી વધુ કામ કરવા પર મળશે હવે એકસ્ટ્રા સેલરી

    ઓપેક દેશો નબળી માંગ અને રિફાઇનિંગ માર્જિન વિશે સાવધાન છે

    તેની બેઠકમાં ઓપેકે ચર્ચા કરી હતી કે, 2021માં કોરોના વાયરસના ચેપના વધતા જતા કેસો, સખત લોકડાઉનનો સમયગાળો અને અર્થવ્યવસ્થા વિશેની અનિશ્ચિતતા જોવા મળશે. જોકે, બેઠકમાં એવી ચર્ચા કરવામાં આવી હતી કે, વેક્સીન ડેવલપમેન્ટના સમાચારોને કારણે બજારમાં પણ ઉત્સાહ જોવા મળી રહ્યો છે. પરંતુ, આ બધાની વચ્ચે, નબળી માંગ અને ઓછા રિફાઇનિંગ માર્જિનને ધ્યાનમાં રાખીને સાવચેત રહેવાની જરૂર છે.

    આયાત બિલ ઘટાડવા ભારત શું કરી રહ્યું છે?

    ભારત સમગ્ર વિશ્વમાં ક્રૂડ તેલનો ત્રીજો સૌથી મોટો આયાત કરનાર છે. કેન્દ્ર સરકાર હવે સરકારી અને ખાનગી ક્ષેત્રની ઓઇલ રિફાઇનિંગ કંપનીઓ સાથે મળીને ક્રૂડ ઓઇલની આયાત કરવાના વિકલ્પની શોધ કરી રહી છે. જાહેર અને ખાનગી કંપનીઓ દ્વારા પોતાનું આ પહેલું પગલું ફક્ત આયાત બિલ ઘટાડવામાં મદદ કરશે નહીં, પણ ચીનનો સામનો કરવામાં પણ મદદ કરશે. બીજા નંબરનો સૌથી મોટો આયાત કરનાર દેશ હોવાથી ચીનને વધુ સારી શરતો પર તેલ આયાત કરવાની તક મળે છે.

    ભારત માટે મુશ્કેલી એ છે કે, વૈશ્વિક બજારમાં ક્રૂડ તેલના વધારાની સીધી અસર આયાત બિલ પર પડે છે. ઉપરાંત, તે ફુગાવા અને વેપાર ખાધમાં વધારો કરે છે. નાણાકીય વર્ષ 2019-21માં ભારતે ક્રૂડ ઓઇલની આયાત પર 101.4 અબજ ડોલરનો ખર્ચ કર્યો હતો. નાણાકીય વર્ષ 2018-19માં તે 111.9 અબજ ડોલર હતો.
    Published by:kiran mehta
    First published: