Petrol-Diesel Price Today: સતત મોંઘું થઈ રહ્યું છે પેટ્રોલ, દિલ્હીમાં પણ 100 રૂપિયાની નજીક પહોંચ્યો ભાવ

દેશના 730 જિલ્લામાંથી 322 જિલ્લા એવા છે જ્યાં પેટ્રોલ 100 રૂપિયાથી મોંઘું વેચાઈ રહ્યું છે, ફટાફટ ચેક કરો આપના શહેરના ભાવ

દેશના 730 જિલ્લામાંથી 322 જિલ્લા એવા છે જ્યાં પેટ્રોલ 100 રૂપિયાથી મોંઘું વેચાઈ રહ્યું છે, ફટાફટ ચેક કરો આપના શહેરના ભાવ

  • Share this:
    Petrol-Diesel Price Today on 5 July 2021: પેટ્રોલ ભરાવનાર વાહન ચાલકોને આજે વધુ નાણા ચૂકવવા પડશે. સરકારી ઓઇલ કંપનીઓએ (Government Oil Companies) પેટ્રોલની કિંમત (Petrol Price Today)માં આજે ફરી વધારો કરી દીધો છે. બીજી તરફ, ડીઝલની કિંમત (Diesel Price Today) સ્થિર છે. પેટ્રોલની કિંમતમાં આજે 35 પૈસા પ્રતિ લીટરનો વધારો કરવામાં આવ્યો છે. આ વધારા બાદ રાજધાની દિલ્હીમાં એક લીટર પેટ્રોલનો ભાવ 99.86 રૂપિયા પ્રતિ લીટર પર પહોંચી ગયો છે. દિલ્હીમાં પણ ટૂંક સમયમાં પેટ્રોલની કિંમત 100 રૂપિયાને પાર થઈ જશે. નોંધનીય છે કે, જુલાઈ મહિનામાં આ ત્રીજી વાર ભાવવધારો થયો છે. દેશના 730 જિલ્લામાંથી 322 જિલ્લા એવા છે જ્યાં પેટ્રોલ 100 રૂપિયાથી મોંઘું વેચાઈ રહ્યું છે.

    આંતરરાષ્ટ્રીય માર્કેટમાં કાચું તેલ 76 ડૉલર પ્રતિ બેરલથી પણ મોંઘું થઈ ગયું છે. સ્થાનિક ઇંધણના ભાવ હજુ પણ વધવાની શક્યતા લાગી રહી છે. આ વર્ષે પેટ્રોલ અને ડીઝલની કિંમતોમાં સતત તેજી જોવા મળી રહી છે, જ્યારે ઘટાડો માત્ર ચાર વાર જોવા મળ્યો છે.

    આ પણ વાંચો, રાતોરાત લખપતિ બનાવી શકે છે આ 50 પૈસાનો સિક્કો, જાણો કેવી રીતે અને ક્યાં વેચશો

    આ વર્ષે કિંમતોમાં થયો 15 ટકાનો વધારો

    વર્ષ 2021માં પેટ્રોલની કિંમતો અત્યાર સુધીમાં 15 ટકા વધી છે. માર્ચ અને એપ્રિલમાં જ્યારે પાંચ રાજ્યોની વિધાનસભા ચૂંટણી દરમિયાન કિંમતોમાં સ્થિરતા જોવા મળી હતી. ત્યારબાદથી સતત તેજી ચાલુ છે. પેટ્રોલના ભાવ એક વર્ષમાં 19.43 રૂપિયા સુધી વધી ચૂક્યા છે.

    દેશના મુખ્ય શહેરોમાં પેટ્રોલ-ડીઝલના નવા ભાવ (Petrol-Diesel Price on 5 July 2021)

    >> દિલ્હી- પેટ્રોલ 99.86 રૂપિયા અને ડીઝલ 89.36 રૂપિયા પ્રતિ લીટર છે.
    >> મુંબઈ- પેટ્રોલ 105.92 રૂપિયા અને ડીઝલ 96.91 રૂપિયા પ્રતિ લીટર છે.
    >> ચેન્નઈ- પેટ્રોલ 100.75 રૂપિયા અને ડીઝલ 93.91 રૂપિયા પ્રતિ લીટર છે.
    >> કોલકાતા- પેટ્રોલ 99.84 રૂપિયા અને ડીઝલ 92.27 રૂપિયા પ્રતિ લીટર છે.

    આ પણ વાંચો, આપની પાસે 20 રૂપિયાની આ નોટ છે તો પરત કરીને મેળવો હજારો રૂપિયા, આવી રીતે મેળવો નફો


    આપના શહેરમાં શું છે પેટ્રોલ અને ડીઝલનો ભાવ, આવી રીતે જાણો

    પેટ્રોલ-ડીઝલના ભાવ રોજેરોજ બદલાતા રહે છે અને સવારે 6 વાગ્યે અપડેટ થઈ જાય છે. પેટ્રોલ-ડીઝલના રોજના ભાવ SMS કરીને પણ જાણી શકાય છે (How to check diesel petrol price daily). ઈન્ડિયન ઓઇલના ગ્રાહક RSP સાથે શહેરનો કોડ લખીને 9224992249 નંબર પર અને બીપીસીએલ ગ્રાહક RSP લખીને 9223112222 નંબર પર મોકલીને જાણકારી મેળવી શકે છે. એચપીસી ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.
    Published by:Mrunal Bhojak
    First published: