જોર કા ઝટકા! પેટ્રોલ 120 રૂપિયે લીટર, ડીઝલ 112 રૂપિયા નજીક, જાણો તમારા શહેરનો ભાવ

નવી દિલ્હી: પેટ્રોલ ડીઝલના ભાવમાં (Petrol Diesel Price) સતત વધારો ઝીંકાઇ રહ્યો છે. સરકારી તેલ કંપનીઓએ ગુરુવારે પણ પેટ્રોલ અને ડીઝલના ભાવમાં વધારો કર્યો છે. ઈંધણના દરમાં ( fuel price) સતત વધારાને કારણે પેટ્રોલ 120 રૂપિયા પ્રતિ લીટરને પાર પહોંચી ગયું છે. આ સાથે ડીઝલની વાત કરીએ, તો તે 112 રૂપિયા પ્રતિ લીટરની નજીક પહોંચી ગયું છે.

મધ્યપ્રદેશના લગભગ તમામ જિલ્લાઓમાં પેટ્રોલ 120 રૂપિયા પ્રતિ લીટર 

IOCL દ્વારા જાહેર કરવામાં આવેલા નવા દર મુજબ આજે પેટ્રોલ અને ડીઝલના ભાવમાં પ્રતિ લિટર 35-35 પૈસાનો વધારો કરવામાં આવ્યો છે. આજે દિલ્હીમાં પેટ્રોલ 108.29 રૂપિયા પ્રતિ લિટર પર પહોંચી ગયું છે. આ સાથે, ડીઝલનો ભાવ 97.02 રૂપિયા પ્રતિ લિટર થઈ ગયો છે. રાજસ્થાનના શ્રીગંગા નગરમાં પેટ્રોલ 120.52 રૂપિયા અને ડીઝલ 111.39 રૂપિયા પ્રતિ લીટરના ભાવે વેચાઈ રહ્યું છે. આ સિવાય મધ્યપ્રદેશના લગભગ તમામ જિલ્લાઓમાં પેટ્રોલ 120 રૂપિયા પ્રતિ લીટર છે.

ભોપાલમાં પણ પેટ્રોલનો ભાવ વધીને બુધવારે 116.62 રૂપિયા અને ડીઝલનો ભાવ વધીને 106.01 રૂપિયા થઇ ગયો છે. મધ્યપ્રદેશના સરહદી વિસ્તારોના પેટ્રોલ પંપ માલિકોના જણાવ્યા અનુસાર છત્તીસગઢ અને મહારાષ્ટ્રમાં પેટ્રોલ અને ડીઝલ સસ્તુ હોવાથી મોટા ભાગના વાહનાચાલકો આ રાજ્યોમાં જ જઇને પેટ્રોલ અને ડીઝલ પુરાવી રહ્યાં છે. જેના કારણે અહીંના પેટ્રોલ પંપોનો બિઝનેસ ઘટી ગયો છે.

ચાર મહાનગરોમાં પેટ્રોલ ડીઝલની કિંમત (Petrol Diesel Price on 28 October 2021)

>> દિલ્હીમાં પેટ્રોલ રૂ. 108.29 અને ડીઝલ રૂ. 97.02 પ્રતિ લીટર
>> મુંબઈમાં પેટ્રોલ રૂ. 114.14 અને ડીઝલ રૂ. 105.12 પ્રતિ લીટર
>> ચેન્નાઈ પેટ્રોલ રૂ. 105.13 અને ડીઝલ રૂ. 101.25 પ્રતિ લીટર
>> કોલકાતા પેટ્રોલ રૂ. 108.78 અને ડીઝલ રૂ. 100.14 પ્રતિ લીટર
>>  અમદાવાદમાં પેટ્રોલ 104.88 અને ડીઝલ ડીઝલ 104.53 પ્રતિ લીટર



આ પણ વાંચો- દેશમાં પેટ્રોલ-ડીઝલના ભાવ રેકોર્ડ ઊંચાઈએ પહોંચ્યાં, આવતા વર્ષે ભાવ 150 રૂપિયા પ્રતિ લીટર પહોંચવાનો અંદાજ!

આપના શહેરમાં શું છે પેટ્રોલ અને ડીઝલનો ભાવ, આવી રીતે જાણો

પેટ્રોલ-ડીઝલના ભાવ રોજેરોજ બદલાતા રહે છે અને સવારે 6 વાગ્યે અપડેટ થઈ જાય છે. પેટ્રોલ-ડીઝલના રોજના ભાવ SMS કરીને પણ જાણી શકાય છે (How to check diesel petrol price daily). ઈન્ડિયન ઓઇલના ગ્રાહક RSP સાથે શહેરનો કોડ લખીને 9224992249 નંબર પર અને બીપીસીએલ ગ્રાહક RSP લખીને 9223112222 નંબર પર મોકલીને જાણકારી મેળવી શકે છે. એચપીસી ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Diesel, Oil, Petrol, Petrol Diese price