Petrol Price Today: પેટ્રોલમાં બે અઠવાડિયામાં પ્રતિ લીટર 8.40 રૂપિયાનો વધારો, ફટાફટ જાણો આજનો ભાવ

નવી દિલ્હી. Petrol-Diesel price today, April 4, 2022: પેટ્રોલ અને ડીઝલમાં ભાવ વધારો અટકવાનું નામ નથી લઈ રહ્યો. એક અંદાજ પ્રમાણે છેલ્લા બે અઠવાડિયામાં પેટ્રોલમા લીટરે 8.40 રૂપિયાનો વધારો (Petrol price hike) થયો છે. બે અઠવાડિયામાં સરકારી ઓઇલ કંપનીઓ તરફથી આ 12મી વખત ભાવ વધારો કરવામાં આવ્યો છે. આજે પેટ્રોલ અને ડીઝલમાં 40 પૈસાનો વધારો કરવામાં આવ્યો છે. દિલ્હીમાં પેટ્રોલની કિંમત (Delhi petrol price) 103.41માંથી વધીને 103.81 રૂપિયા પ્રતિ લીટર થઈ છે. દિલ્હીમાં ડીઝલની કિંમત (Diesel price today) 95.07 રૂપિયા પ્રતિ લીટર થઈ છે. ઉલ્લેખનીય છે કે સ્થાનિક ટેક્સને ધ્યાનમાં લઈને એક રાજ્યથી બીજા રાજ્યમાં પેટ્રોલની કિંમતમાં ફેરફાર જોવા મળે છે. મુંબઈમાં પેટ્રોલની કિંમત 118.83 રૂપિયા પ્રતિ લીટર તો ડીઝલની કિંમત 103.07 રૂપિયા પ્રતિ લીટર છે.

22મી માર્ચથી ભાવ વધવાની શરૂઆત

પાંચ રાજ્યોની ચૂંટણીઓને ધ્યાનમાં રાખીને છેલ્લા સાડા ચાર મહિનાથી દેશમાં સ્થિર રાખવામાં આવ્યા હતા. જોકે, ચૂંટણી પૂર્ણ થયા બાદ દેશમા 22મી માર્ચથી પેટ્રોલ અને ડીઝલની કિંમતમાં વધારો થવાની શરૂઆત થઈ છે. બીજી તરફ પેટ્રોલ-ડીઝલના વધવા ભાવોનો વિપક્ષ પાર્ટી વિરોધ કરી રહી છે. 'મોંધવારી મુક્ત ભારત અભિયાન' અંતર્ગત કૉંગ્રેસ દેશમાં ભાવ વધારાનો વિરોધ કરી રહી છે. રવિવારે પંજાબની આમ આદમી પાર્ટી સરકારે પણ પેટ્રોલ-ડીઝલના વધેલા ભાવને લઈને કેન્દ્ર સરકારને લૂટેરી સરકાર ગણાવી હતી.

દેશના ચાર મહાનગરોમાં પેટ્રોલ-ડીઝલની કિંમત

– દિલ્હી પેટ્રોલ 103.81 રૂપિયા અને ડીઝલ 95.07 રૂપિયા પ્રતિ લીટર
– મુંબઈ પેટ્રોલ 118.83 રૂપિયા અને ડીઝલ 103.07 રૂપિયા પ્રતિ લીટર
– ચેન્નાઈ પેટ્રોલ 109.34 રૂપિયા અને ડીઝલ 99.42 રૂપિયા પ્રતિ લીટર
– કોલકાતા પેટ્રોલ 113.45 રૂપિયા અને ડીઝલ 98.22 રૂપિયા પ્રતિ લીટર

આ શહેરમાં પણ ભાવ વધારો

– નોઇડા પેટ્રોલ 103.87 રૂપિયા અને ડીઝલ 95.42 રૂપિયા પ્રતિ લીટર
– લખનઉ પેટ્રોલ 103.65 રૂપિયા અને ડીઝલ 95.23 રૂપિયા પ્રતિ લીટર
– પોર્ટબ્લેર પેટ્રોલ 89.04 રૂપિયા અને ડીઝલ 84.40 રૂપિયા પ્રતિ લીટર
– પટના પેટ્રોલ 114.57 રૂપિયા અને ડીઝલ 99.47 રૂપિયા પ્રતિ લીટર

ગુજરાતમાં પેટ્રોલ-ડીઝલની કિંમત (Petrol-Diesel price in Gujarat)

– અમદાવાદ પેટ્રોલ 103.43 રૂપિયા અને ડીઝલ 97.75 રૂપિયા પ્રતિ લીટર
– સુરત પેટ્રોલ 103.27 રૂપિયા અને ડીઝલ 97.63 રૂપિયા પ્રતિ લીટર
– વડોદરા પેટ્રોલ 102.95 રૂપિયા અને ડીઝલ 97.29 રૂપિયા પ્રતિ લીટર
– રાજકોટ પેટ્રોલ 103.12 રૂપિયા અને ડીઝલ 97.48 રૂપિયા પ્રતિ લીટર

દરરોજ બદલાય છે કિંમત

તમને જણાવી દઈએ કે પેટ્રોલ અને ડીઝલની કિંમત દરરોજ સવાર છ વાગ્યે બદલાય છે. HPCL, BPCL અને IOC સવારે છ વાગ્યે નવો ભાવ લાગૂ કરે છે. તમે આ ભાવ તેમની વેબસાઇટ પર જઈને પણ જાણી શકો છો. પેટ્રોલ-ડીઝલની કિંમતમાં એક્સાઇઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ ભાવ લગભગ ડબલ થઈ જાય છે. વિદેશી મુદ્રાના ભાવ, આંતરરાષ્ટ્રીય બજારમાં ક્રૂડની કિંમતોના આધારે દરરોજ કિંમતમાં ફેરફાર થાય છે.

આપના શહેરમાં શું છે પેટ્રોલ અને ડીઝલનો ભાવ, આવી રીતે જાણો

પેટ્રોલ-ડીઝલના ભાવ રોજેરોજ બદલાતા રહે છે અને સવારે 6 વાગ્યે અપડેટ થઈ જાય છે. પેટ્રોલ-ડીઝલના રોજના ભાવ SMS કરીને પણ જાણી શકાય છે (How to check diesel petrol price daily). ઈન્ડિયન ઓઇલના ગ્રાહક RSP સાથે શહેરનો કોડ લખીને 9224992249 નંબર પર અને બીપીસીએલ ગ્રાહક RSP લખીને 9223112222 નંબર પર મોકલીને જાણકારી મેળવી શકે છે. એચપીસી ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crude oil, Diesel, Petrol