નવી દિલ્હી. પેટ્રોલ-ડીઝલની કિંમતો (Petrol diesel Price today)એ સામાન્ય જનતાની પરેશાની વધારી દીધી છે. સરકારી ઓઇલ કંપનીઓ (Oil Companies)એ આજે ફરી પેટ્રોલ-ડીઝલના ભાવ વધારી દીધા છે. આ વધારાથી પેટ્રોલ-ડીઝલ બંનેની કિંમત ઓલટાઇમ હાઇ પર પહોંચી ગઈ છે. નોંધનીય છે કે 4 મેથી બંને ઈંધણના ભાવમાં વધારો જોવા મળી રહ્યો છે, જેમાં માત્ર 7 દિવસના વધારાથી પેટ્રોલ (Petrol Price Hike) 1.65 રૂપિયા પ્રતિ લીટર મોંઘું થઈ ગયું છે. દેશની રાજધાની દિલ્હીમાં પેટ્રોલ 92 રૂપિયા પ્રતિ લીટરને પાર પહોંચી ગયું છે.
7 દિવસમાં પેટ્રોલ 1.65 રૂપિયા મોંઘું થયું
પેટ્રોલ-ડીઝલના ભાવમાં 4 મેથી વધારો ચાલુ થયો છે. ત્યારથી લઈને 7 દિવસની અંદર થયેલા ભાવવધારાને જોઈએ તો પેટ્રોલની કિંમતમાં 1.65 રૂપિયા પ્રતિ લીટરનો વધારો થયો છે. તો બીજી તરફ ડીઝલ (Diesel Price Hike)ની કિંમત પણ 7 દિવસમાં 1.88 રૂપિયા પ્રતિ લીટર વધી ગઈ છે.
આપના શહેરમાં શું છે પેટ્રોલ અને ડીઝલનો ભાવ, આવી રીતે જાણો
પેટ્રોલ-ડીઝલના ભાવ રોજેરોજ બદલાતા રહે છે અને સવારે 6 વાગ્યે અપડેટ થઈ જાય છે. પેટ્રોલ-ડીઝલના રોજના ભાવ SMS કરીને પણ જાણી શકાય છે (How to check diesel petrol price daily). ઈન્ડિયન ઓઇલના ગ્રાહક RSP સાથે શહેરનો કોડ લખીને 9224992249 નંબર પર અને બીપીસીએલ ગ્રાહક RSP લખીને 9223112222 નંબર પર મોકલીને જાણકારી મેળવી શકે છે. એચપીસી ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.
Published by:Mrunal Bhojak
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર