Petrol-Diesel Rates, 30th September 2021: સરકારી ઓઇલ કંપનીઓએ (Government Oil Companies) એક દિવસ બાદ આજે ફરી પેટ્રોલ (Petrol Price Today) અને ડીઝલની કિંમતમાં (Diesel Price Today) વધારો કરી દીધો છે. દેશના લગભગ તમામ શહેરોમાં આજે પેટ્રોલના રેટમાં લગભગ 25 પૈસા પ્રતિ લીટરનો વધારો કરાયો છે. તો બીજી તરફ ડીઝલના ભાવમાં પ્રતિ લીટર 30 પૈસાનો વધારો ઝીંકાયો છે. ઈન્ડિયન ઓઇલ કોર્પોરેશન (IOCL) મુજબ, દિલ્હીમાં પેટ્રોલ 101.64 રૂપિયા પ્રતિ લીટર અને ડીઝલ 89.87 રૂપિયા પ્રતિ લીટરના હિસાબથી વેચાઈ રહ્યા છે. મુંબઈમાં પેટ્રોલનો ભાવ 107.47 રૂપિયા પ્રતિ લીટર પર પહોંચી ગયું છે.
નોંધનીય છે કે, સરકારી ઓઇલ કંપનીઓએ લગભગ 22 દિવસ બાદ મંગળવારે પેટ્રોલની કિંમત વધારી છે. બીજી તરફ, ડીઝલના ભાવમાં સતત વધારાનું વલણ ચાલું છે. મંગળવારે દિલ્હીમાં પેટ્રોલની કિંમત 20 પૈસા વધારવામાં આવી હતી, ડીઝલ 25 પૈસા મોંઘું થયું હતું.
નોંધનીય છે કે, ભારતીય ઓઇલ કંપનીઓએ હાલમાં 24 સપ્ટેમ્બરે ડીઝલના ભાવમાં 20 પૈસા પ્રતિ લીટરનો વધારો કર્યો હતો. ત્યારબાદ 26 સપ્ટેમ્બરે 25 પૈસાનો વધારો ઝીંકાયો હતો. 28 સપ્ટેમ્બરે ડીઝલના ભાવમાં ફરી 25 પૈસા પ્રતિ લીટરનો વધારો થયો હતો. વિશેષજ્ઞોનું કહેવું છે કે જે રીતે આંતરરાષ્ટ્રીય સ્તરે કાચા તેલની કિંમતો વધી રહી છે તેના કારણે આવનારા દિવસોમાં પેટ્રોલ અને ડીઝલ મોંઘા થઈ શકે છે.
આપના શહેરમાં શું છે પેટ્રોલ અને ડીઝલનો ભાવ, આવી રીતે જાણો
પેટ્રોલ-ડીઝલના ભાવ (Petrol-Diesel Rates) રોજેરોજ બદલાતા રહે છે અને સવારે 6 વાગ્યે અપડેટ થઈ જાય છે. પેટ્રોલ-ડીઝલના રોજના ભાવ SMS કરીને પણ જાણી શકાય છે (How to check diesel petrol price daily). ઈન્ડિયન ઓઇલના ગ્રાહક RSP સાથે શહેરનો કોડ લખીને 9224992249 નંબર પર અને બીપીસીએલ ગ્રાહક RSP લખીને 9223112222 નંબર પર મોકલીને જાણકારી મેળવી શકે છે. એચપીસી ગ્રાહક HPPrice લખીને 9222201122 નંબર પર મોકલીને ભાવ જાણી શકે છે.
Published by:Mrunal Bhojak
First published:
ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર