Home /News /business /નબળા CIBIL સ્કોર સાથે પણ તમે સરળતાથી મેળવી શકો છો લોન, જાણો 5 રીત

નબળા CIBIL સ્કોર સાથે પણ તમે સરળતાથી મેળવી શકો છો લોન, જાણો 5 રીત

700થી ઉપરનો CIBIL સ્કોર સામાન્ય રીતે સારો (Good CIBIL Score) માનવામાં આવે છે

CIBIL Score - 700થી ઉપરનો CIBIL સ્કોર સામાન્ય રીતે સારો માનવામાં આવે છે. તમારો સ્કોર જેટલો ઊંચો હશે તેટલી જ તમારી પર્સનલ લોનની એપ્લિકેશન (Personal Loan) સ્વીકારવાની શક્યતા વધી જશે

ક્રેડિટ સ્કોર જેને સામાન્ય ભાષામાં સિબિલ સ્કોર (CIBIL Score) પણ કહેવામાં આવે છે, તે તમારી લોન (Loan)મેળવવાની પાત્રતાને પ્રતિબિંબિત કરે છે. તે સૂચકાંક છે કે તમારી પાસે વ્યક્તિગત લોન અથવા ક્રેડિટ કાર્ડની બાકી નીકળતી રકમ જવાબદારીપૂર્વક ચૂકવવાની સંભાવના કેટલી છે. 700થી ઉપરનો CIBIL સ્કોર સામાન્ય રીતે સારો (Good CIBIL Score) માનવામાં આવે છે. તમારો સ્કોર જેટલો ઊંચો હશે તેટલી જ તમારી પર્સનલ લોનની એપ્લિકેશન (Personal Loan) સ્વીકારવાની શક્યતા વધી જશે. જ્યારે તમે લોન માટે અરજી કરો છો, ત્યારે મોટાભાગની બેંકો અને એનબીએફસી (NBFC) તમારો ક્રેડિટ સ્કોર (Credit Score) મેળવી શકે છે અને સિબિલ દ્વારા રિપોર્ટ કરી શકે છે. ધિરાણકર્તા તમારી લાયકાત નક્કી કર્યા પછી તમારી અરજીને મંજૂરી આપી શકે છે, પરંતુ નીચા સિબિલ સ્કોરના કિસ્સામાં તેઓ અરજીને રદ પણ કરી શકે છે.

પરંતુ જો તમારી પાસે નીચો/નબળો ક્રેડિટ સ્કોર હોય અને તમને કટોકટી માટે લોનની જરૂર હોય તો શું કરવું? અથવા જો તમે નવા ક્રેડિટ ગ્રાહક છો અને તમારી પાસે ક્રેડિટ સ્કોર નથી. તે કિસ્સામાં તમે લોન કેવી રીતે મેળવશો? તો ગભરાશો નહીં. કેટલીક રીતો છે જેના દ્વારા તમે ઓછા ક્રેડિટ સ્કોર સાથે પણ લોન મેળવવાનો પ્રયાસ કરી શકો છો:

NBFC અથવા ફિનટેક ધિરાણકર્તા


જો તમારો સિબિલ સ્કોર ઓછો હોય, તો તમે NBFC અથવા ફિનટેક ધિરાણકર્તાઓ પાસે લોન માટે અરજી કરી શકો છો. NBFC અને ફિનટેકએ ઓછા ક્રેડિટ સ્કોર્સવાળા ગ્રાહકો પ્રત્યેની નીતિઓ થોડી હળવી કરી છે. જો કે, તેમના દ્વારા લેવામાં આવતા વ્યાજ દર સામાન્ય રીતે બેંકો દ્વારા આપવામાં આવતા વ્યાજ દર કરતા વધારે હોય છે. ધ્યાનમાં રહે કે જો તમે કોઈ બેંકમાં અરજી કરો છો અને એપ્લિકેશન નામંજૂર થઈ જાય છે, તો તે સિબિલ સ્કોરને વધુ ડાઉનગ્રેડ કરી શકે છે.

કો-એપ્લિકન્ટ સાથે અરજી કરો


પતિ-પત્ની અથવા કુટુંબના સભ્ય જેવા કુટુંબના કમાઉ સભ્ય કે જેઓ સહ-અરજદાર તરીકે યોગ્ય ક્રેડિટ હિસ્ટ્રી ધરાવતા હોય તેમને પર્સનલ લોન એપ્લિકેશનમાં ઉમેરવાથી ધિરાણકર્તા માટે ધિરાણ જોખમ ઘટે છે. આનું કારણ એ છે કે પૈસાબજારના જણાવ્યા અનુસાર, લોનની ચુકવણી માટે સહ-અરજદાર પણ એટલો જ જવાબદાર બને છે.

આ પણ વાંચો - નાણાંકીય વર્ષ 23ના પ્રથમ ક્વાર્ટરમાં 13.5 ટકાની ગતિથી ભારતની GDP વધી

નાની લોન માટે અરજી કરો


ધિરાણકર્તા ઓછા ક્રેડિટ સ્કોરવાળી વ્યક્તિને લોન આપવા માટે અચકાતા હોઈ શકે છે, તેથી તમે થોડા સમય માટે નાની લોન પણ લઈ શકો છો. જેથી તેને ચૂકવવાનું સરળ બને અને આ પ્રક્રિયામાં તમારી વધુ લોન મેળવવાની છબીને મજબૂત બનાવી શકાય. એકવાર તમે તેની સાથે તમારી ક્રેડિટ શાખ બનાવી લો, પછી તમે બેંક અથવા કોઈપણ અન્ય નાણાકીય સંસ્થામાંથી મોટી લોનનો વિકલ્પ પસંદ કરી શકો છો.

સુરક્ષિત લોન માટે અરજી કરો


કેટલીક બેંકો અને નાણાંકીય સંસ્થાઓ એવી છે, જે ઓછા ક્રેડિટ સ્કોર ધારકોને લોન આપે છે, જો તેઓ મોર્ટગેજ-બેક્ડ લોન માટે અરજી કરે તો. જેમને ભંડોળની તાતી જરૂરિયાત હોય તેઓ ગોલ્ડ લોન, મિલકત સામે લોન અથવા સિક્યોરિટીઝ સામે લોન જેવા વિકલ્પો પર વિચાર કરી શકે છે, જ્યાં ક્રેડિટ સ્કોરની ધિરાણકર્તાના નિર્ણય પર પ્રમાણમાં ઓછી અસર પડે છે.

બાંહેધરી આપનાર


જો તમે ડિફોલ્ટ કરો છો, તો લોન ચૂકવવાની જવાબદારી બાંયધરી આપનાર પર છે. આમ, સારા ક્રેડિટ સ્કોર સાથે ગેરેન્ટર હોવું એ પણ એક ઉપાય હોઈ શકે છે.
First published:

Tags: Bank loan, Business, Home loan EMI

विज्ञापन

विज्ञापन
विज्ञापन
विज्ञापन