આ દેશોમાં જુગાર રમવો એ ગુનો નથી, પરંતુ તેના પરિણામો ખૂબ ગંભીર, લાખો કંગાળ બન્યા અને ઘણા મૃત્યુ પણ પામ્યા

જુગાર એ એક ખરાબ વ્યસન છે. પરંતુ મોબાઈલ અને ઈન્ટરનેટના આ યુગમાં ઓનલાઈન જુગારની ખરાબ આદતનો ક્રેઝ વધી રહ્યો છે. ક્રિકેટની ડ્રીમ ઈલેવન સહિત આવી ઘણી મોબાઈલ એપ્સ છે જ્યાં યુઝર્સ ઓનલાઈન જુગાર રમી શકે છે. બ્રિટન અને અમેરિકા જુગારના મામલામાં વિશ્વમાં સૌથી આગળ છે. જ્યાં ઓનલાઈન જુગારનો કારોબાર અનુક્રમે 12.5 અને 11 અબજ ડોલરનો છે. કડક કાયદાઓને કારણે ભારત આ યાદીમાં ઘણું દૂર છે.

એક અહેવાલ અનુસાર, 2021માં વૈશ્વિક ઓનલાઈન જુગાર બજારનું કદ આશરે 57.54 બિલિયન યુએસ ડોલર હોવાનો અંદાજ છે અને 2022 થી 2030 સુધી 11.7% ના CAGR પર વૃદ્ધિ થવાની ધારણા છે. જાહેર સ્થળોએ તેમજ ઘરોમાં ઓનલાઈન ગેમ રમવા માટે મોબાઈલ ફોનનો વધતો ઉપયોગ, ઈન્ટરનેટનો વધતો પ્રવેશ આ બજારને પ્રોત્સાહિત કરી રહી છે.

આ પણ વાંચો:એટલી સુંદર કેક કે જેને જોઈને લોકો હક્કા-બક્કા રહી ગયા, વજન જાણશો તો હોશ ઉડી જશે

ઓનલાઈન જુગારમાં બ્રિટન અને અમેરિકા ટોચ પર છે

યુનાઇટેડ કિંગડમ એ વિશ્વનું સૌથી મોટું ઓનલાઈન જુગાર બજાર છે. એટલે કે અહીં જુગારને કાયદેસર રીતે માન્યતા આપવામાં આવી છે. યુકેમાં ઓનલાઈન જુગાર માર્કેટમાંથી આવતી આવક લગભગ 12 બિલિયન યુએસ ડોલર છે. આ પછી, અમેરિકા બીજા સ્થાને છે જ્યાં આ બજારનું કદ 11 અબજ ડોલર છે. તે પછી ઓસ્ટ્રેલિયા- 6.5, ઇટાલી 4.5, ફ્રાન્સ- 3.8, જર્મની- 3.6, કેનેડા- 2.6 અને સ્વીડન- 2.1 બિલિયન ડોલરની ઓનલાઇન જુગાર બજાર છે.

આ પણ વાંચો:Railway Ticket: જો ટ્રેનની ટિકિટ કેન્સલ થાય તો ટેક્સ રિફંડ મળશે કે નહીં? મોટાભાગના લોકો આ નિયમ જાણતા નથી

વિશ્વવ્યાપી સમસ્યા

લોકોમાં ઓનલાઈન જુગારની લત ઝડપથી વધી રહી છે. આ ખરાબ આદતના કારણે કરોડો લોકો ઓછા સમયમાં ઘરે બેઠા મોબાઈલ પર કરોડપતિ બની ગયા છે. એક અંદાજ મુજબ, માત્ર બ્રિટનમાં જ ઓનલાઈન જુગારની આ લતને કારણે લોકોએ 1.5 લાખ કરોડ ગુમાવ્યા છે અને 400 થી વધુ લોકોએ આત્મહત્યા કરી છે. ઘણા મનોચિકિત્સકો તેને કોરોના કરતા પણ મોટી બીમારી માની રહ્યાં છે.

કોરોના મહામારી દરમિયાન ઓનલાઈન જુગારનો ક્રેઝ ઘણો વધી ગયો છે. ભારતમાં પણ આ બજાર ઝડપથી વિકસી રહ્યું છે. ફૅન્ટેસી ક્રિકેટ, ઑનલાઇન રમી, પોકર, તીન પત્તી, ફેયર પ્લે જેવા જુગારના અનેક પ્લેટફોર્મ સક્રિય છે.



આશ્ચર્યની વાત એ છે કે આ બધું જાણવા છતાં પણ ઘણા દેશોમાં ઓનલાઈન જુગારને કાનૂની માન્યતા આપવામાં આવી છે. આ વધુ રોજગારીની તકો ઊભી કરવા અને સરકારોને મળતા ટેક્સ માટે કરવામાં આવ્યું છે. જો કે ભારતમાં કેટલાક રાજ્યોએ ઓનલાઈન જુગાર પર નિયંત્રણો લાદ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Online Gaming, Playing gambling