10 વર્ષમાં 1 લાખના થયા 41 લાખ, આ મલ્ટીબેગર સ્ટોકે રોકાણકારોને આપ્યું 4000 ટકા રિટર્ન

મલ્ટીબેગર સ્ટોક (Multibagger Stock)

Mindtree નામની IT કંપનીના શેરમાં રોકાણકારોને છેલ્લા 10 વર્ષમાં 4000 ટકા જેટલું બમ્બર રિટર્ન મળ્યું છે. 10 વર્ષ પહેલાં આ શેરનો ભાવ રૂ. 87.75 હતો, જે આજે રૂ.3355.40 સુધી પહોંચી ગયો છે

  • Share this:
શેરબજાર (Stock Market)માં કોરોના કાળ દરમિયાન ઐતિહાસિક ઉથલપાથલ જોવા મળી છે. ઘણા રોકાણકારોને અસહ્ય નુકસાન તો કેટલાક રોકાણકરોને બખ્ખા થઈ ગયા છે. પરંતુ 10 વર્ષમાં 1 લાખ રૂપિયા 41 લાખ થઈ ગયા હોય તેવું સાંભળ્યું છે? આવું ખૂબ ઓછા કિસ્સામાં થાય છે.

તમે મલ્ટીબેગર સ્ટોક વિશે અવારનવાર સાંભળ્યું હશે. આ મલ્ટીબેગર સ્ટોક્સ (Multibagger Stock) રોકાણકારોને એક જ વર્ષમાં માલામાલ બનાવી રહ્યા છે. 2020ના એપ્રિલ મહિનામાં NSE નિફ્ટીની જેટલી સપાટી હતી તેના કરતાં અત્યારે બમણો થયો છે. આ દરમિયાન સ્મોલકેપ, મિડકેપ શેરોમાં ભારે તેજી જોવા મળી છે.

આ પણ વાંચો- SBIની ગ્રાહકોને ભેટ: હોમ લોન, કાર, પર્સનલ અને ગોલ્ડ લોન પર આપી છે ભારે છૂટ

આ IT સ્ટોકમાં રોકાણકારોએ મેળવ્યું 4000 ટકાનું બમ્પર રિટર્ન-
Mindtree નામની IT કંપનીના શેરમાં રોકાણકારોને છેલ્લા 10 વર્ષમાં 4000 ટકા જેટલું બમ્બર રિટર્ન મળ્યું છે. 10 વર્ષ પહેલાં આ શેરનો ભાવ રૂ. 87.75 હતો, જે આજે રૂ.3355.40 સુધી પહોંચી ગયો છે.

આ પણ વાંચો- Post Office- હવે ખાતામાંથી રકમ ઉપાડવાનું કામ બન્યું વધુ સરળ, જાણો શું પ્રોસેસ કરવી પડશે

6 મહિનામાં મલ્ટીબેગર રિટર્ન-
છેલ્લા 5 ટ્રેડિંગ સેશનમાં Mindtreeના શેરની કિંમત રૂ.2930થી વધી 3355.40 સુધી પહોંચી છે. છેલ્લા એક મહિનામાં પણ તેમાં જોરદાર તેજી જોવા મળતા તેની કિંમત રૂ.2762.95થી વધી રૂ.3355.50 થઈ છે. છ મહિનામાં રોકાણકારોને આ સ્ટોકે માલામાલ કરી દીધા છે.

5 વર્ષના 486 ટકા રિટર્ન-
6 મહિના પહેલા આ કંપનીના શેરની કિંમત રૂ.1614.55 હતી. જે 107 ટકા વધીને 3355.40 સુધી પહોંચી છે. જોકે Mindtreeના શેરમાં રોકાણકારોને 1 વર્ષમાં 185 ટકા રિટર્ન મળ્યું છે અને 5 વર્ષમાં મળેલા રિટર્નની ટકાવારી 486 ટકા જેટલી તોતિંગ છે. 5 વર્ષમાં આ શેર રૂ. 569.25થી વધીને રૂ.3355.40 જેટલો થઈ ગયો હતો.

આ પણ વાંચો-Mutual Fund Investment: મ્યુચ્યુઅલ ફંડમાં રોકાણ કરીને આ રીતે મેળવી શકો છો અધિક રિટર્ન

છેલ્લા 10 વર્ષમાં આ સ્ટોકે 4000%નું રિટર્ન આપ્યું છે. એક દસકામાં Mindtreeના શેર રૂ.81.75થી વધીને રૂ.3355.40 થયા છે. આ ગણતરી મુજબ જો તમે 10 વર્ષ પહેલા માઈન્ડટ્રી શેરમાં 1 લાખ રૂપિયાનું રોકાણ કર્યું હોત તો આજે તેનું મૂલ્ય 41 લાખ રૂપિયા હોત.

(Disclaimer: માર્કેટમાં મૂડીરોકાણ બજાર રિસ્ક જોખમને આધીન હોય છે. રોકાણકારો રોકાણ કરતા પહેલા નિષ્ણાંતની સલાહ લે. News18.com તરફથી કોઈને પણ પૈસા રોકવાની સલાહ અપાતી નથી.)
Published by:Margi Pandya
First published: