એક સમયે હોટેલ રિસેપ્શનિસ્ટ હતા, ચપ્પલની ફેક્ટરીમાં કામ કર્યું, પછી 12,700 કરોડ રૂપિયાનો હોટેલ બિઝનેસ પાથર્યો

એક માણસની કલ્પના કરો જે પોતે વર્ષોથી હોટલના રિસેપ્શન પર કામ કરે છે. પછી એક દિવસ તે પોતાની હોટેલ ખોલે છે અને પોતાની મહેનત અને સમર્પણથી તેણે દેશભરમાં 5 સ્ટાર હોટેલ્સની આખી ચેઈન ઊભી કરી છે અને આજે તે 12,700 કરોડ રૂપિયાનું હોટેલ ગ્રુપ ચલાવી રહ્યા છે. પહેલી નજરે તમને પણ લાગ્યું હશે કે આ કોઈ ફિલ્મની સ્ક્રિપ્ટ છે. પરંતુ, આ કોઈ વાર્તા નથી પરંતુ સંઘર્ષ અને સફળતાનું જીવંત ઉદાહરણ છે. આ હોટલના પાયાની દરેક ઈંટ મહેનતના પરસેવાથી બનાવામાં આવી છે.

વાસ્તવમાં, અમે મોહન સિંહ ઓબેરોયની વાત કરી રહ્યા છીએ જેઓ ઓબેરોય ગ્રુપ ઓફ હોટેલ્સના માલિક છે. તેમણે તેની કારકિર્દીની શરૂઆત શિમલાની સેસિલ હોટેલમાં કરી, જ્યાં તેણે ડેસ્ક ક્લાર્ક તરીકે કામ કર્યું. તેમનો જન્મ ભારતના ભાગલા પહેલા જેલમ જિલ્લામાં (હાલમાં પાકિસ્તાનમાં) થયો હતો. પિતાના વહેલા અવસાનને કારણે પરિવારની જવાબદારીઓનો બોજ તેમના પર આવી ગયો.

ચપ્પલની ફેક્ટરીમાં કામ કર્યું

મોહન ઓબેરોયે પરિવારનું ભરણપોષણ કરવા માટે તેના કાકાની જૂતાની ફેક્ટરીમાં કામ કરવાનું શરૂ કર્યું. થોડા દિવસો પછી, ભારત-પાકિસ્તાનના ભાગલા વખતે થયેલા રમખાણોને કારણે ફેક્ટરી બંધ થઈ ગઈ. ત્યારબાદ તે શિમલા આવ્યા અને અહીંની સેસિલ હોટલમાં ક્લાર્ક તરીકે કામ કરવા લાગ્યા. તેને બહુ ઓછી ખબર હતી કે આ કૌશલ્ય એક દિવસ તેને દેશની સૌથી સફળ હોટેલ ચેઇન બનાવવામાં મદદ કરશે.

આ પણ વાંચો: ભારતના લોકો આ દેશમાં બની જાય છે અમીર, રૂપિયાની કિંમત એટલી વધુ કે લાખો લઈને જશો તો કરોડો થઇ જશે

કંઈક મોટું કામ કર્યું

મોહન સિંહ ઓબેરોયે સેસિલ હોટેલમાંથી પૈસા અને પ્રતિભા બંને કમાયા અને વર્ષ 1934માં 'ધ ક્લાર્ક્સ હોટેલ' તરીકે તેમની પ્રથમ હોટલ બનાવી. આ પ્રોપર્ટી ખરીદવા માટે તેણે તેની પત્નીના ઘરેણાં સહિતની તમામ મિલકતો ગીરવે મૂકી હતી. તેની મહેનતનું પરિણામ ટૂંક સમયમાં દેખાવા લાગ્યું. 5 વર્ષમાં તેણે હોટેલમાંથી કમાણી કરીને આખી લોન ચૂકવી દીધી.

આ પણ વાંચો: ઝિમ્બાબ્વે વિશ્વનો સૌથી કંગાળ દેશ, શ્રીલંકા-પાકિસ્તાનની પણ હાલત ખરાબ, જાણો ભારત કેટલામાં ક્રમે

આ પછી તેઓ અટક્યા નહીં

ત્યાં સુધી મોહન સિંહ ઓબેરોયને ખબર પડી ગઈ હતી કે તેમનું નસીબ તેમને યોગ્ય સ્થાને લઈ આવ્યું છે. આ પછી, તે કોલકાતામાં ગ્રાન્ડ હોટેલ ખરીદવા તરફ આગળ વધ્યો. તે સમય દરમિયાન, મોહન સિંહે કોલકાતામાં કોલેરા રોગચાળો ફેલાતો હોવા છતાં આ સોદો પૂર્ણ કર્યો અને અંતે તેમનું નામ એક સ્વપ્નદ્રષ્ટા હોટેલિયર તરીકે પ્રખ્યાત થયું.

સામ્રાજ્ય ફરી વધ્યું

આ પછી જાણે ઓબેરોયની દ્રષ્ટિને પાંખો મળી ગઈ. તેણે ભારત અને વિશ્વના અનેક દેશોમાં એક પછી એક હોટલ ખરીદવાનું શરૂ કર્યું. હાલમાં ઓબેરોય ગ્રૂપ પાસે કુલ 31 લક્ઝરી હોટેલ્સ અને રિસોર્ટ્સ છે. આ તમામ વૈશ્વિક માનક સુવિધાઓ અને સેવાઓ પૂરી પાડે છે. ભારતીય હોટેલ ઉદ્યોગમાં તેમના યોગદાનને ધ્યાનમાં રાખીને, ભારત સરકારે વર્ષ 2001માં તેમને પદ્મ ભૂષણથી સન્માનિત કર્યા. તેમને ભારતીય હોટેલ ઉદ્યોગના પિતા કહેવામાં આવે છે. અત્યારે ઓબેરોય ગ્રૂપની બજાર કિંમત 12,700 કરોડ રૂપિયા છે. ભારત ઉપરાંત આ ગ્રુપની હોટેલો ચીન, UAE, UK, દક્ષિણ આફ્રિકા અને અન્ય ઘણા દેશોમાં ફેલાયેલી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Money18, Motivation, Success story