સરકારની આ સ્કીમથી હવે તમે ઉપાડી શકશો 5 લાખ રૂપિયા સુધીની રકમ, જાણો શું છે નવો નિયમ

પ્રતિકાત્મક તસવીર

National Pension Scheme: દેશમાં કોરોના વાયરસની બીજી લહેરની વચ્ચે 5 લાખ રૂપિયાની રકમ ઉપાડવા પર કેટલાક ગ્રાહકોને રાહત મળશે

  • Share this:
    નવી દિલ્હી. પેન્શન ફંડ નિયામક અને વિકાસ પ્રાધિકરણ (PFRDA)એ નેશનલ પેન્શન સિસ્ટમ (National Pension System- NPS)ને લઈને ડેટા જાહેર કર્યો છે. તેમાં કહેવામાં આવ્યું છે કે NPS યોજનામાં સબ્સક્રાઇબર્સની સંખ્યા વધીને 4.35 કરોડ સુધી પહોંચી ગઈ છે. એક વર્ષ પહેલા આ અવધિમાં બંને યોજનાઓ સાથે જોડાયેલા સબ્સક્રાઇબર્સની સંખ્યા 3.59 કરોડ હતી. તમે પણ નેશનલ પેન્શન સિસ્ટમ સાથે જોડાઈને આ સ્કીમનો ફાયદો ઉઠાવી શકો છો. ટૂંક સમયમાં આ સ્કીમમાં ગ્રાહકોને તમામ ફંડ ઉપાડવાની મંજૂરી મળી જશે.

    હાલમાં જ ન્યૂઝ આવ્યા છે કે પેન્શન ફંડ રેગ્યૂલેટરી એન્ડ ડેવલપમેન્ટ ઓથોરિટી (Pension Fund Regulatory and Development Authority - PFRDA) પેન્શન મેળવનારા કર્મચારીઓ માટે એક નવો વિકલ્પ પૂરો પાડવાની યોજના બનાવી છે. આ યોજના હેઠળ તેઓ 5 લાખ રૂપિયા સુધીની રકમને એક વારમાં ઉપાડવાની મંજૂરી આપવામાં આવી શકે છે.

    આ પણ વાંચો, Sarkari Naukri 2021: પ્રોજેક્ટ એન્જિનિયરની નોકરી કરવાની સુવર્ણ તક, 70 હજાર સુધી મળશે સેલરી

    5 લાખ રૂપિયા સુધી ઉપાડી શકશો રકમ

    દેશમાં કોરોના વાયરસની બીજી લહેરની વચ્ચે 5 લાખ રૂપિયાની રકમ ઉપાડવા પર કેટલાક ગ્રાહકોને રાહત મળશે. હાલના નિયમો હેઠળ NPS હોલ્ડર્સ 2 લાખ રૂપિયા સુધી ઉપાડી શકે છે. આ ઉપરાંત પેન્શનર્સ પોતાના કોન્ટ્રીબ્યૂશનના 60 ટકા રકમ ઉપાડી શકે છે જ્યારે 40 ટકા તેમને જમા રાખવા પડશે.

    આ પણ વાંચો, EPFO: નોકરિયાતો માટે મહત્ત્વના સમાચાર, નોકરી બદલ્યા બાદ તરત ન ઉપાડો PFના પૈસા, બેલેન્સ પર 3 વર્ષ સુધી મળે છે વ્યાજ


    NPS એકાઉન્ટ બે પ્રકારના હોય છે

    NPS એકાઉન્ટ બે પ્રકારના હોય છે. એક ટિયર-1 અને બીજું ટિયર-2. જેમાં ટિયર-1 પૂરી રીતે પેન્શન એકાઉન્ટ છે અને ટિયર-2 એક ઇન્વેસ્ટમેન્ટ એકાઉન્ટ છે. હાલના એન્યૂટીઝ પર એવરેજ રિટર્ન લગભગ 5.5 ટકા છે. ઇનફ્લેશન અને પેન્શનની રકમ પર ઇન્કમ ટેક્સની સાથે સબ્સક્રાઇબર્સ માટે વાસ્તવિક રિટર્ન અનેકવાર ઓછું થઈ જાય છે. નવા નિયમોમાં NPS હોલ્ડર્સ પોતાના પૈસાને ત્યાં રોકાણ કરી શકે છે જ્યાં તેને સારું રિટર્ન મળે.
    Published by:Mrunal Bhojak
    First published: