NPS : જો કરોડપતિ બનીને થવા માંગતા હોવ નિવૃત્ત તો અહીં કરો રોકાણ, ખાતામાં દર મહિને આવશે 50,000 રૂપિયા

NPS Retirement Scheme: જો તમે પણ વૃદ્ધાવસ્થામાં સુરક્ષિત રહી પૈસાની અગવડતાથી બચવા માંગતાં હોવ, તો તમારે અગાઉથી પ્લાનિંગ શરૂ કરી દેવું જોઈએ. તમારી નોકરી શરૂ થાય તે દિવસ થી જ તમારે નિવૃત્તિ માટે નાણાં બચાવવાનું શરૂ કરવું જોઈએ. વાસ્તવમાં તમે જેટલી જલ્દી બચત કરવાનું શરૂ કરશો, એટલી જલ્દી નિવૃત્તિ સુધી તમને વધુ પૈસા મળશે. ઇપીએફ, એનપીએસ, શેરબજાર, મ્યુચ્યુઅલ ફંડ, રિયલ એસ્ટેટ વગેરે જેવા નિવૃત્તિ ભંડોળ એકઠું કરવા માટે તમારા માટે ઘણા રોકાણ વિકલ્પો ઉપલબ્ધ છે.

NPSની સાથે નિવૃત્તિનું આયોજન

આ બધા પૈકી NPS એક એવો વિકલ્પ છે, જે સલામત છે અને સાથે સાથે સારું વળતર પણ આપે છે. અમે તમને જણાવવા જઈ રહ્યા છીએ કે તમે કેવી રીતે ન્યૂ પેન્શન સિસ્ટમ એટલે કે NPS દ્વારા દર મહિને 50,000 રૂપિયા પેન્શનની વ્યવસ્થા કરી શકો છો.

નિવૃત્તિમાં મળશે 50,000 રૂપિયા પેન્શન

ધારો કે તમે અત્યારે 30 વર્ષના છો. આજે જો તમે NPSમાં દર મહિને 10 હજાર રૂપિયાનું રોકાણ કરો છો, તો નિવૃત્તિ સુધી એટલે કે 30 વર્ષ પછી જ્યારે તમે 60 વર્ષના થશો, ત્યારે તમારા હાથમાં એક કરોડ રૂપિયાથી વધુ રકમ હશે અને દર મહિને 52 હજાર રૂપિયા પેન્શન આવશે. એટલે કે તમારી વૃદ્ધાવસ્થા કોઈપણ પ્રકારના ટેન્શન વિના પસાર થશે અને કોઈના પર નિર્ભર રહેશે નહીં.

આ પણ વાંચો -પુરુષની સરખામણીમાં મહિલાઓને કેમ મળે છે સસ્તી હોમ લોન, જાણો અહીં

એનપીએસમાં રોકાણ

તમારી ઉંમર -  30 વર્ષ

નિવૃત્તિ વય -  60 વર્ષ

NPSમાં દર મહિને રોકાણ - 10,000

અપેક્ષિત વળતર - 9%

વાર્ષિકી અવધિ - 20 વર્ષ

વાર્ષિકી યોજનામાં રોકાણ  - 40%

વાર્ષિકી પર અપેક્ષિત વળતર - 6%

કરોડપતિ તરીકે નિવૃત્ત થશો

એનપીએસમાં સરકાર દ્વારા ખાતરી આપવામાં આવે છે, એટલે કે તમને વાર્ષિક 9થી 12 ટકા વળતર મળે છે. પરિપક્વતા પર તમારે વાર્ષિકી સ્કીમમાં 40% રોકાણ કરવું પડશે. જેથી તમે નિયમિત પેન્શન મેળવી શકો. એન્યુટીનું વળતર પણ 6%ની નજીક છે. હવે NPS કેલ્ક્યુલેટરની મદદથી જાણો 30 વર્ષ પછી તમને કેટલી રકમ મળશે. NPS કેલ્ક્યુલેટર મુજબ, નિવૃત્તિ પછી,

તમારી કુલ સંપત્તિ રૂ. 1.84 કરોડ

રકમ રૂ. 1.10 કરોડ

પેન્શન દર મહિને રૂ. 52,857

NPS વળતર ઘણા પરિબળો પર આધારિત છે

યાદ રાખો કે આ બધી ગણતરીઓ અંદાજિત છે. આંકડા અને વળતર અલગ-અલગ હોઈ શકે છે. જો તમે તમારું માસિક પેન્શન વધારવા અથવા ઘટાડવા માંગો છો, તો તમારે તે મુજબ NPSમાં રોકાણ વધારવું અથવા ઘટાડવું પડશે. NPSમાંથી કુલ સંપત્તિ અને પેન્શન ઘણા પરિબળો પર આધાર રાખે છે, જેમ કે તમારી ઉંમર અને ઇક્વિટી માર્કેટની કામગીરી. 18 વર્ષથી 65 વર્ષની વચ્ચેની કોઈપણ વ્યક્તિ NPSમાં રોકાણ કરી શકે છે.

આ પણ વાંચો -અહીં જાણો સિનિયર સિટીઝનને મળતા વિશિષ્ટ ટેક્સ બેનિફિટ વિશે

NPSમાં કરના લાભ

NPS દ્વારા તમે વાર્ષિક 2 લાખ રૂપિયા સુધીનો ટેક્સ બચાવી શકો છો. આવકવેરાની કલમ 80C હેઠળ, તમે વધુમાં વધુ રૂ. 1.5 લાખ સુધીનો ટેક્સ બચાવી શકો છો, પરંતુ જો તમે NPSમાં રોકાણ કરો છો, તો 50,000 રૂપિયાની વધારાની કર મુક્તિ છે.

NPS ના બે પ્રકાર છે.

NPS ટિયર 1 અને NPS ટિયર 2.

ટિયર-1માં ન્યૂનતમ રોકાણ 500 રૂપિયા છે, જ્યારે ટિયર-2માં તે 1000 રૂપિયા છે. જો કે, રોકાણ માટે કોઈ મહત્તમ મર્યાદા નથી. NPSમાં રોકાણના ત્રણ વિકલ્પો ઉપલબ્ધ છે, જેમાં રોકાણકારે તેના પૈસા ક્યાં રોકાણ કરવામાં આવશે તે પસંદ કરવાનું હોય છે. ઇક્વિટી, કોર્પોરેટ દેવું અને સરકારી બોન્ડ. ઇક્વિટીમાં વધુ એક્સપોઝર સાથે ઊંચું વળતર પણ આપે છે. ધ્યાનમાં રાખો કે તમારે તમારા રોકાણ સલાહકાર સાથે વાત કર્યા પછી જ કોઈપણ રોકાણ કરવા જોઈએ.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Investment રોકાણ, Nps, Retirement, Retirement savings