Home /News /business /

મ્યુચ્યુઅલ ફંડોએ આ 10 કંપનીમાં વધારી ભાગીદારી, ITC સહિતની કંપનીઓમાં ઘટાડ્યો હિસ્સો

મ્યુચ્યુઅલ ફંડોએ આ 10 કંપનીમાં વધારી ભાગીદારી, ITC સહિતની કંપનીઓમાં ઘટાડ્યો હિસ્સો

મ્યુચ્યુઅલ ફંડ

Mutual Funds: મ્યુચ્યુઅલ ફંડ્સે સૌથી વધારે ખરીદી કોટક મહિન્દ્રા બેંકમાં કરી છે, જેના 2722 કરોડ રૂપિયાથી વધારેના શેરની ખરીદી કરી છે. 31 માર્ચ સુધીના આંકડા પ્રમાણે કોટક મહિન્દ્રા બેંકના 17.36 કરોડ શેર મ્યુચ્યુઅલ ફંડ્સ પાસે છે, જ્યારે ફેબ્રુઆરી 28 સુધી આ આંકડો 15.81 કરોડ શેર હતો.

વધુ જુઓ ...
    મુંબઈ. Mutual Funds: મ્યુચ્યુઅલ ફંડ મેનેજરોએ માર્ચ મહિનામાં ઓછામાં ઓછી 10 કંપનીઓના શેરમાં 1,000 કરોડ રૂપિયાથી વધારેની ખરીદી કરી છે. બીજી તરફ આઈટીસી (ITC), હિન્દાલ્કો ઇન્ડસ્ટ્રીઝ (Hindalco Industries), સન ફાર્મા, (Sun Pharma) અને ટીસીએસ (TCS) સહિત અમુક કંપનીઓમાં પોતાનો હિસ્સો ઓછો કર્યો છે. એક રિપોર્ટ પ્રમાણે મ્યુચ્યુઅલ ફંડ્સે માર્ચ મહિનામાં કોટક મહિન્દ્રા, આઈસીઆઈસીઆઈ બેંક (ICICI Bank) અને એચડીએફસી (HDFC) જેવા બેન્કિંગ શેર્સ, ONCG, રિલાયન્સ ઇન્ડસ્ટ્રીઝ (RIL) અને ગેઇલ (GAIL) જેવી ઑઇલ-ગેસ કંપનીઓના શેરમાં અને અલ્ટ્રાટેક તેમજ અંબુજા સીમેન્ટ્સ જેવી સીમેન્ટ્સ કંપનીઓના શેરની ખરીદી કરી છે.

    કોટક મહિન્દ્રા બેંકમાં સૌથી વધારે ખરીદી


    મ્યુચ્યુઅલ ફંડ્સે સૌથી વધારે ખરીદી કોટક મહિન્દ્રા બેંકમાં કરી છે, જેના 2,722 કરોડ રૂપિયાથી વધારેના શેરની ખરીદી કરી છે. 31 માર્ચ સુધીના આંકડા પ્રમાણે કોટક મહિન્દ્રા બેંકના 17.36 કરોડ શેર મ્યુચ્યુઅલ ફંડ્સ પાસે છે, જ્યારે ફેબ્રુઆરી 28 સુધી આ આંકડો 15.81 કરોડ શેર હતો.

    કયા શેરમાં મ્યુચ્યુઅલ ફંડ્સે કરી ખરીદી?


    મ્યુચ્યુઅલ ફંડ્સે માર્ચમાં HDFCના 2,128 કરોડ શેર ખરીદ્યા હતા. ONGCના 2,027 કરોડ રૂપિયાના શેર, મારુતિ સુઝુકીના 1,927 કરોડ રૂપિયાના શેર, હિન્દુસ્તાન યૂનિલીવરના 1,496 કરોડ રૂપિયાના શેર, રિલાયન્સ ઇન્ડસ્ટ્રીઝના 1,395 કરોડ રૂપિયાના શેર, કોફોર્ઝના 1,339 કરોડ રૂપિયાના શેર અને ઇન્ડિન હોટેલ્સના 1,322 કરોડ રૂપિયાના શેર ખરીદ્યા છે. મ્યુચ્યુઅલ ફંડ્સ મેનેજરોએ વેદાંતાના 1,306 કરોડ રૂપિયા અને આઈસીઆઈસીઆઈ બેંકના 1,187 કરોડ રૂપિયાના શેર ખરીદ્યા છે.

    આ પણ વાંચો: આ કારણે આજે શિવા ટેક્સયાર્નના સ્ટોકમાં આવ્યો 20 ટકાનો વધારો

    ITCમાં ઘટાડ્યો હિસ્સો


    બીજી તરફ મ્યુચ્યુઅલ ફંડ્સે માર્ચ મહિનામાં અનેક શેર્સમાં વેચવાલી કરી છે. જેમાં સૌથી ઉપર આઈટીસી લિમિટેડ છે. મ્યુચ્યુઅલ ફંડ્સે આશરે 3,005 કરોડ રૂપિયાના આઈટીસીના શેરની વેચવાલી કરી છે. 31 માર્ચના આંકડા પ્રમાણે આઈટીસીના આશરે 118.90 કરોડ શેર મ્યુચ્યુઅલ ફંડ્સ પાસે હતા, જ્યારે 28 ફેબ્રુઆરી સુધી આ આંકડો 130.8 કરોડ શેર હતો.

    આ પણ વાંચો: મહામારી બાદ આ ટોપ 10 યૂલિપ મિડ કેપ ફંડ્સે આપ્યું 208 ટકા Return

    આ શેર્સમાં મ્યુચ્યુઅલ ફંડ્સ મેનેજરોએ કરી વેચવાલી


    ફંડ મેનેજરોએ હિન્દાલ્કો ઇન્ડસ્ટ્રીઝમાં 1,535 કરોડ રૂપિયા, સન ફાર્મામાં 1,069 કરોડ રૂપિયાની ભાગીદારી વેચી છે. આ ઉપરાંત UPL, ભારતી એરટેલ, જેએસડબ્લ્યૂ સ્ટીલ, સિપ્લા, ટીસીએસ, પાવર ગ્રીડ, ટેક મહિન્દ્રા, IOC અને ટાટા મોટર્સ જેવી કંપનીઓમાં પોતાની ભાગીદારી ઘટાડી છે. બ્રોકરેજ અને રિસર્ચ ફર્મ એડલવાઇઝ સિક્યોરિટીઝ તરફથી મેળવાયેલા આંકડામાં આ માહિતી મળી છે.
    Published by:Vinod Zankhaliya
    First published:

    Tags: Investment, Mutual funds, Share market, Stock market, TCS

    આગામી સમાચાર