Home /News /business /

Mutual Fund Investment: મ્યુચ્યુઅલ ફંડમાં રોકાણ કરીને આ રીતે મેળવી શકો છો અધિક રિટર્ન

Mutual Fund Investment: મ્યુચ્યુઅલ ફંડમાં રોકાણ કરીને આ રીતે મેળવી શકો છો અધિક રિટર્ન

mutual funds

રોકાણકાર સ્મોલ કેપ, મિડ કેપ અને લાર્જ કેપ મ્યુચ્યુઅલ ફંડમાં રોકાણ કરી શકે છે. જો રોકાણકાર અધિક જોખમ લેવાની ક્ષમતા ધરાવે છે, તો રોકાણકારે સ્મોલ કેપ ફંડમાં અધિક મૂડીનું રોકાણ કરવું જોઈએ

Mutual Fund Investment: છેલ્લા કેટલાક વર્ષોથી લોકો મ્યુચ્યુઅલ ફંડ (Mutual Fund)માં રોકાણ કરવાનું વધુ પસંદ કરી રહ્યા છે. મ્યુચ્યુઅલ ફંડમાં ફિક્સ્ડ ડિપોઝીટ (Fixed Deposit) કરતા વધુ રિટર્ન મળી રહ્યું છે. વધુ રિટર્નની સાથે સાથે અધિક જોખમ પણ રહેલું છે. મ્યુચ્યુઅલ ફંડ કંપનીઓ ઈન્ડેક્ષની સરખામણીએ અધિક રિટર્ન મેળવવા માટે પ્રોફેશનલ્સને હાયર કરે છે.

આ પણ વાંચો-Mutual Fund Investment: મ્યુચ્યુઅલ ફંડમાં રોકાણ કરીને આ રીતે મેળવી શકો છો અધિક રિટર્ન

જો રોકાણકાર માત્ર ફંડ મેનેજર પર નિર્ભર રહે તો તે ક્યારેક ક્યારેક બેકફાયર કરી શકે છે. મ્યુચ્યુઅલ ફંડમાં રોકાણ કરીને માત્ર બેસ્ટ પરફોર્મિંગ ફંડની પસંદગી કરવાથી અધિક રિટર્ન નથી મળતું. અધિક રિટર્ન મેળવવા માટે સમયાંતરે પર્ફોમન્સનું રિવ્યૂ લેવું જરૂરી છે. તે માટે રોકાણકાર પાંચ અલગ અલગ રીતનો ઉપયોગ કરી શકે છે, જેનાથી રિટર્ન 1.5 ટકા સુધી વધારી શકાય છે.

ડાયરેક્ટ ફંડની પસંદગી કરો- ડાયરેક્ટ પ્લાન (Direct Plan) માં મૂડીને રોકવાથી રોકાણકારને 1 થી 1.5 ટકા સુધીનું અધિક રિટર્ન મળી શકે છે. રેગ્યુલર મ્યુચ્યુઅલ ફંડ ઈન્વેસ્ટમેન્ટની તુલનાએ ડાયરેક્ટ પ્લાનમાં રોકાણ કરવું તે અધિક યોગ્ય છે. જેમાં રોકાણકારે ફંડ હાઉસ બ્રોકરેજ ચૂકવવાનું રહેતું નથી, જે રોકાણ અનુસાર 1 થી 1.5 ટકા સુધી થઈ શકે છે.

શેર ખરીદવા માટે જે રકમની ચૂકવણી કરવામાં આવે છે, તે મ્યુચ્યુઅલ ફંડ લોડ ફીસ હોય છે. આ લોડ ફીસ ફંડ મેનેજર્સની સલાહ અથવા સેવાઓ તરીકે ચૂકવવામાં આવે છે. ઊદાહરણ તરીકે જો મ્યુચ્યુઅલ ફંડ ઈન્વેસ્ટમેન્ટમાં રૂ.10 હજારનું રોકાણ કરવામાં આવે તો, ફંડ ખરીદવા માટે 1 ટકા (રૂ.100) ચાર્જ આપવાનો રહે છે. જેનો અર્થ છે, કે તેમાં માત્ર રૂ.9,900નું રોકાણ થશે. જો ડાયરેક્ટ પ્લાનમાં રૂ.10 હજારનું રોકાણ કરવામાં આવે તો, આ લોડ ફીસ ચૂકવવાની રહેતી નથી.

એક સાથે રોકાણ કરવાની જગ્યાએ SIPની પસંદગી કરો- તમારી મૂડીને એકસાથે રોકાણ કરવાની જગ્યાએ સિસ્ટમેટીક ઈન્વેસ્ટમેન્ટ પ્લાન (SIP)માં રોકાણ કરો. નિયમિતરૂપે થોડી થોડી રકમનું રોકાણ કરીને અધિક યુનિટ એકત્ર કરી શકાય છે. SIPમાં રોકાણ કરવાથી તમારે યોગ્ય સમયની ચિંતા કરવી પડતી નથી. એકસાથે મૂડીનું રોકાણ કરવાથી રોકાણકારે અધિક રિટર્ન મેળવવા માટે શેરમાર્કેટ પર સતત નજર રાખવી પડે છે, પરંતુ તેનો અંદાજો લગાવી શકાતો નથી.

ઈન્ડેક્ષ ફંડમાં રોકાણ કરો- ડાયરેક્ટ પ્લાનની જેમ ઈન્ડેક્ષ ફંડમાં રોકાણ કરવાથી ઓછી રકમ ચૂકવવી પડે છે. ઈન્ડેક્ષ ફંડમાં રોકાણ કરવાનો એક ફાયદો છે, કે તેને માર્કેટ ઈન્ડેક્ષના પર્ફોર્મન્સ અનુસાર ડિઝાઈન કરવામાં આવ્યું છે. તેની મદદથી જોખમ ઓછું થઈ શકે છે.

રોકાણને ડાઈર્સિફાઈ કરો- તમારી મૂડીને એક એસેટ ક્લાસમાં રોકાણ ના કરો. તેની જગ્યાએ જો રોકાણકાર જોખમ લેવાની ક્ષમતાના આધાર પર અનેક એસેટ ક્લાસમાં રોકાણ કરે તો તે એક યોગ્ય નિર્ણય છે. રોકાણકાર સ્મોલ કેપ, મિડ કેપ અને લાર્જ કેપ મ્યુચ્યુઅલ ફંડમાં રોકાણ કરી શકે છે. જો રોકાણકાર અધિક જોખમ લેવાની ક્ષમતા ધરાવે છે, તો રોકાણકારે સ્મોલ કેપ ફંડમાં અધિક મૂડીનું રોકાણ કરવું જોઈએ. સ્મોલ કેપમાં રોકાણ કરવાથી અધિક રિટર્ન મળવાની સંભાવના હોય છે.

ડેટ ફંડમાં રોકાણ કરવું જોઈએ કે ઈક્વિટીમાં રોકાણ કરવું જોઈએ?- ડેટ ફંડમાં કોઈપણ પ્રકારનું જોખમ રહેલું નથી અને તેમાં રિટર્નનું અનુમાન લગાવી શકાય છે. તેનાથી વિરુદ્ધ ઈક્વિટી ફંડની મદદથી શેરમાં રોકાણ કરવામાં આવે છે અને તેમાં માર્કેટનું જોખમ પણ રહેલું હોય છે. મ્યુચ્યુઅલ ફંડની મદદથી ડેટ અને ઈક્વિટી ફંડ (Equity Fund) બંનેમાં રોકાણ કરી શકાય છે. ઉંમર વધવાની સાથે રોકાણકારની જોખમ લેવાની ક્ષમતા ઓછી થઈ જાય છે. આ કારણોસર રોકાણકારે ડેટમાં અધિક મૂડીનું રોકાણ કરવું જોઈએ. ડેટમાં રોકાણ કરવાનો એક મેજર રૂલ છે, કે 100માંથી તમારી જે પણ ઉંમર છે તે બાદ કરી લો અને જે આંકડો મળે, તેટલી રકમનું ઈક્વિટીમાં રોકાણ કરવું જોઈએ. જો રોકાણકારની જોખમ લેવાની ક્ષમતા અધિક છે, તો 100માંથી ઉંમર બાદ કર્યા બાદ જે પણ આંકડો મળે તેનાથી અધિક 10-15 ટકાનું ઈક્વિટીમાં રોકાણ કરી શકાય છે.

પર્ફોર્મન્સ રિવ્યૂ (Performance Review) કરતા રહો- રોકાણકારોએ સમયાંતરે રોકાણનું પર્ફર્મન્સ ચેક કરતા રહેવું જોઈએ અને જો જરૂર લાગે તો મૂડીનું યોગ્ય ફંડમાં રોકાણ કરવું જોઈએ. રોકાણકારો અનુસાર એક વર્ષમાં ઓછામાં ઓછું એક અથવા બે વાર પોર્ટફોલિયોનું રિવ્યૂ કરવું જોઈએ. જો ફંડનું પર્ફોર્મન્સ તમારા વિચાર્યા અનુસાર નથી તો, એક્ઝીટ કરતા પહેલા ઈન્ડસ્ટ્રીનું પર્ફોર્મન્સ જરૂરથી જોઈ લેવું જોઈએ.
Published by:Margi Pandya
First published:

Tags: Money Investment, Mutual fund, Mutual Fund market

विज्ञापन

विज्ञापन

આગામી સમાચાર

विज्ञापन
विज्ञापन