Home /News /business /

Mutual Fund: મ્યુચ્યુઅલ ફંડ એટલે શું? તેમાં રોકાણ કરતા પહેલા કઈ કઈ બાબતોનું ધ્યાન રાખવું જરૂરી છે?

Mutual Fund: મ્યુચ્યુઅલ ફંડ એટલે શું? તેમાં રોકાણ કરતા પહેલા કઈ કઈ બાબતોનું ધ્યાન રાખવું જરૂરી છે?

મ્યુચ્યુઅલ ફંડ

Mutual funds વિશે મૂંઝવતા દરેક સવાલના જવાબ : લોકોના મનમાં ઘણી વખત સવાલ ઉઠે કે મ્યુચ્યુઅલ ફંડ એટલે શું? (What Is a Mutual Fund?) મ્યુચ્યુઅલ ફંડની પસંદગી કઈ રીતે કરવી?

    મુંબઈ: હાલના સમયમાં મ્યુચ્યુઅલ ફંડ મૂડીરોકાણ (Invest in Mutual funds)ને અસરકારક સાધન તરીકે સૌથી યોગ્ય વિકલ્પ ગણવામાં આવે છે. મ્યુચ્યુઅલ ફંડ અન્ય લિક્વિડ રોકાણ કરતા વધુ સુરક્ષિત માનવામાં આવી રહ્યું છે. દર વર્ષે લાખો લોકો મ્યુચ્યુઅલ ફંડમાં પૈસા રોકી વળતર મેળવી રહ્યા છે. અલબત્ત, આ વિકલ્પમાં આંખ બંધ કરીને કૂદી પડવું યોગ્ય નથી. મ્યુચ્યુઅલ ફંડની પસંદગી (Choose mutual funds) કરવા માટે ઘણા પાસાઓની સમીક્ષા કરવી પડે છે. લોકોના મનમાં ઘણી વખત સવાલ ઉઠે કે મ્યુચ્યુઅલ ફંડ એટલે શું? (What Is a Mutual Fund?) મ્યુચ્યુઅલ ફંડની પસંદગી કઈ રીતે કરવી? (How do I choose a Mutual Fund?) આવા પ્રશ્નનું નિરાકરણ અહીં આપવામાં આવ્યું છે.

    મ્યુચ્યુઅલ ફંડ એટલે શું? (What Is a Mutual Fund?)

    મ્યુચ્યુઅલ ફંડ થકી નાના મોટા મૂડીરોકાણકરો પાસેથી પૈસા એકઠા કરીને સ્ટોકસ, બોન્ડસ, મની માર્કેટ સહિતના વિકલ્પોમાં રોકાણ કરવામાં આવે છે. આવા રોકાણનું સંચાલન પ્રોફેશનલ મેનેજર્સ દ્વારા થાય છે. આ મેનેજર્સ ફંડને અલગ-અલગ વિકલ્પોમાં રોકે છે અને વળતર મેળવવાનો પ્રયાસ કરે છે. આ વળતર જે તે રોકાણકારો પાસે જાય છે. સરળ શબ્દોમાં કહીએ તો, મ્યુચ્યુઅલ ફંડ્સ એ સામાન્ય માણસ માટે સૌથી વ્યવહારુ વિકલ્પ છે. જે વિવિધ વ્યવસાય સંચાલિત સિક્યોરિટીઝમાં રોકાણ કરવાની તક આપે છે.

    હાલમાં, મોટાભાગના રિટેલ રોકાણકારો બ્રોકર મારફતે મ્યુચ્યુઅલ ફંડમાં રોકાણ કરે છે અને રોકાણ કરતી વખતે નિષ્ણાંતની સલાહ લેતા હોય છે. જેઓ અલગ અલગ કેટેગરીની સલાહ આપે છે. આ કેટેગરીમાં ઇક્વિટી ફંડ, ડેબ ફંડ, મની માર્કેટ ફંડ, હાઈબ્રીડ ફંડનો સમાવેશ થાય છે. મ્યુચ્યુઅલ ફંડની પસંદગી કરતી વખતે આ વિકલ્પો સમજવા જરૂરી છે.

    આ પણ વાંચો: Personal Loan vs Car Loan: કારની ખરીદી માટે પર્સનલ લોન અને કાર લોનમાંથી કયો વિકલ્પ વધારે સારો? શા માટે?

    • ઈક્વિટી ફંડ: આ વિકલ્પમાં સ્ટોક અને ઇક્વિટી આધારિત અન્ય સાધનોમાં ફંડનું રોકાણ થાય છે.

    • ડેટ ફંડ: ફિક્સ આવક હોય તેવા વિકલ્પમાં રોકાણ થાય છે.

    • મની માર્કેટ ફંડ: ટૂંકા ગાળા મની માર્કેટના વિકલ્પમાં રોકાણ થાય છે

    • હાઈબ્રીડ ફંડ: આ પ્રકારના ફંડનું ઈક્વિટી અને ડેટ એમ બંને વિકલ્પમાં રોકાણ થાય છે.

    ઓપન એન્ડેડ ફંડ્સ અને ક્લોઝ એન્ડેડ ફંડ્સ

    ઓપન એન્ડેડ ફંડ્સમાં તમે કોઈપણ સમયે રોકાણ કરી શકો છો અને ગમે ત્યારે વેચી શકો છો. જ્યારે ક્લોઝ એન્ડેડ ફંડ્સ ફક્ત AMC પાસેથી ન્યૂ ફંડ ઓફર (NFO) દરમિયાન જ ખરીદી શકાય છે.

    શું ધ્યાનમાં રાખવું?

    મ્યુચ્યુઅલ ફંડની પસંદગી કરવા સમય, જોખમ લેવાની ક્ષમતા અને વળતરના ટાર્ગેટને ધ્યાનમાં લેવું પડે છે. અમુક મ્યુચ્યુઅલ ફંડ ટૂંકા ગાળાના રોકાણ માટે વધુ અનુકૂળ હોય છે, અમુકમાં લાંબા ગાળાના લક્ષ્યો ધ્યાનમાં રાખવામાં આવે છે. તમે લાંબા ગાળાની જરૂરિયાતને પહોંચી વળવા માટે રોકાણ કરવાનું વિચારી રહ્યા હોવ અને જોખમ તથા વોલેટિલિટીની યોગ્ય રીતે સંભાળી શકો તો લાંબા ગાળાનું રોકાણ સારી પસંદગી હોઈ શકે છે.

    કોઈપણ વ્યક્તિ કરી શકે છે રોકાણ

    મ્યુચ્યુઅલ ફંડમાં કોઈપણ વ્યક્તિ રોકાણ કરી શકે છે. તમે ઓછામાં ઓછું રૂ. 500 સુધીનું રોકાણ કરી શકો છો. ભારતીય નાગરિક અને NRI બંને મ્યુચ્યુઅલ ફંડમાં રોકાણ કરી શકે છે. તમે જીવનસાથી કે બાળકોના નામે પણ રોકાણ કરી શકો છો. તમારું બાળક 18 વર્ષથી ઓછી ઉંમરનું હોય તો તમારે તેના નામે રોકાણ કરતી વખતે તમારી વિગતો આપવી પડશે. તે 18 વર્ષનું થાય ત્યાં સુધી તમે તે એકાઉન્ટનું સંચાલન કરશો. ભાગીદારી કંપનીઓ, એલએલપી, ટ્રસ્ટ અને કંપનીઓ પણ મ્યુચ્યુઅલ ફંડમાં રોકાણ કરી શકે છે.

    આ પણ વાંચો: Mutual funds: શ્રેષ્ઠ મ્યુચ્યુઅલ ફંડની પસંદગી કેવી રીતે કરવી? આ પરીબળોને ધ્યાનમાં રાખીને કરો પસંદગી

    મ્યુચ્યુઅલ ફંડમાં સેબીની ભૂમિકા

    મ્યુચ્યુઅલ ફંડ્સને SEBI (સિક્યોરિટીઝ એન્ડ એક્સચેન્જ બોર્ડ ઓફ ઇન્ડિયા) નિયંત્રિત કરે છે. રોકાણકારોના નાણાંને બજારમાં સુરક્ષિત રાખવાનું કામ SEBI દ્વારા કરવામાં આવે છે.

    કેટલી ફી લેવાય છે?

    મ્યુચ્યુઅલ ફંડમાં વાર્ષિક ધોરણે ફી લેવામાં આવે છે. જેને એક્પેન્સ રેશિયો તરીકે ઓળખવામાં આવે છે. કેટલાક કિસ્સામાં કમિશન પણ લેવાય છે.

    મ્યુચ્યુઅલ ફંડ્સના ફાયદા (Benefits of Mutual funds)

    1. પ્રોફેશનલ વ્યવસ્થાપન

    તમે મ્યુચ્યુઅલ ફંડ્સમાં રોકેલા પૈસાનું વ્યવસ્થાપન મ્યુચ્યુઅલ ફંડના નિષ્ણાંતો દ્વારા કરવામાં આવે છે. તેઓ આ માટે અનુભવી અને તેમની કુશળ હોય છે. તેઓ તમારા નાણાં રોકાતા પહેલા સંપૂર્ણ સંશોધન કરે છે.

    આ પણ વાંચો: Personal Loan vs Car Loan: કારની ખરીદી માટે પર્સનલ લોન અને કાર લોનમાંથી કયો વિકલ્પ વધારે સારો? શા માટે?

    2. વિવિધતા (Diversification)

    યોગ્ય અને સુરક્ષિત રોકાણનો મૂળ મંત્ર તમારા રોકાણને કોઈ એક સ્થાને રોકવાની જગ્યાએ અલગ અલગ સ્થાનમાં રોકવાનો છે. આવી રીતે મ્યુચ્યુઅલ ફંડ પણ તમારા પૈસાનું અલગ અલગ સ્થાને રોકાણ કરે છે.

    3) સરળતા

    મ્યુચ્યુઅલ ફંડમાં સરળતાથી રોકાણ કરી શકો છો અને સરળતાથી તમે ભંડોળમાંથી પૈસા ઉપાડી શકો છો. રોકાણ કરવા માટે તમારે એક ફોર્મ ભરવાની જરૂર પડે છે. આ ફોર્મ ઓનલાઇન અથવા ઓફલાઇન અથવા ગમે ત્યાંથી ભરી શકાય છે.

    રોકાણ કરતા પહેલા રેટિંગ તપાસવું જરૂરી

    મ્યુચ્યુઅલ ફંડના રેટિંગને સ્ટાર રેટિંગ કહેવામાં આવે છે. આ રેટિંગ મ્યુચ્યુઅલ ફંડ મોનિટરિંગ એજન્સીઓ દ્વારા આપવામાં આવે છે. આ જ સ્ટાર રેટિંગના આધારે લોકો નક્કી કરે છે કે મ્યુચ્યુઅલ ફંડ ખરીદવું કે નહીં.
    Published by:Vinod Zankhaliya
    First published:

    Tags: Investment, Mutual funds, Personal finance, Share market

    આગામી સમાચાર

    विज्ञापन
    विज्ञापन
    विज्ञापन