2021માં આ મલ્ટીબેગર સ્ટૉકે આપ્યું 2,000% વળતર, 33 રૂપિયાથી ઉછળીને 721 રૂપિયા પર પહોંચ્યો

મુંબઈ. સેન્સેક્સ અને નિફ્ટી સર્વોચ્ચ સપાટી પર પહોંચવાની સાથે સાથે 2021ના વર્ષમાં અનેક શેર મલ્ટીબેગર સાબિત થયા છે. Xpro India આવો જ એક શેર છે. આ એક પૉલિમર પ્રોસેસિંગ કંપની છે. 2021માં અત્યારસુધી આ શેર 33.75 રૂપિયાથી ઉછળીને 721.65 રૂપિયા પ્રતિ શેરના સ્તર પર પહોંચ્યો છે. આ દરમિયાન આ શેરમાં રોકાણકારોને 2000% વળતર મળ્યું છે. શેર બજાર દિગ્ગજો આ શેરને લઈને હજુ પણ બુલિશ છે. તેમનું માનવું છે કે આ શેરમાં જો કોઈ ઘટાડો આવે છે તો તેને ખરીદીનો સારો મોકા તરીકે જોવો જોઈએ.

દિગ્ગજોનું કહેવું છે કે આ સ્ટૉકમાં હવે નફા વસૂલીની રાહ જોવાઈ રહી છે. પરંતુ એક વખત નફા વસૂલીનો તબક્કો પૂર્ણ થયા બાદ આ શેરમાં ફરીથી જોરદાર તેજી આવશે. આથી આ શેરમાં ઘટાડા પર ખરીદી કરવાની રણનીતિ અપનાવો. આ શેરમાં 650 રૂપિયાના સ્તર પર મજબૂત સપોર્ટ નજરે પડી રહ્યો છે.

શેરની કિંમત પર એક નજર

આ શેરની કિંમતના ઇતિહાસ પર નજર કરીએ તો એક મહિનામાં આ શેર 669 રૂપિયાથી વધીને 721.65 રૂપિયાના સ્તર પર પહોંચ્યો છે. આ દરમિયાન શેરની કિંમતમાં 7% વધારો જોવા મળ્યો છે.

આ જ રીતે છ મહિનામાં આ શેર ₹118.70થી વધીને 721.65 રૂપિયાના સ્તર પર પહોંચ્યો છે. આ દરમિયાન રોકાણકારોને 500%થી વધારે વળતર મળ્યું છે.

આ વર્ષે આ શેર અત્યારસુધી 33.75 રૂપિયાથી વધીને 721.65 રૂપિયાના સ્તર પર પહોંચ્યો છે. આ દરમિયાન રોકાણકારોને 21.38 ગણું વળતર મળ્યું છે.

રોકાણ પર અસર

ઉપરના આંકડાઓ પર વિશ્લેષણ કરીએ તો જો કોઈ રોકાણકારે એક મહિના પહેલા આ શેરમાં 1 લાખ રૂપિયાનું રોકાણ કર્યું હોય તો આજે તેની કિંમત 1.08 લાખ રૂપિયા હોય.

જો કોઈ રોકાણકારે 6 મહિના પહેલા આ શેરમાં 1 લાખ રૂપિયાનું રોકાણ કર્યું હોય તો આજે તેની કિંમત 6 લાખ રૂપિયા હોય.

આવી જ રીતે જો કોઈ રોકાણકારે વર્ષની શરૂઆતમાં આ શેરમાં 1 લાખ રૂપિયાનું રોકાણ કર્યું હોય તો આજે તેની કિંમત 21.38 લાખ રૂપિયા હોય.

નિષ્ણાતોનો અભિપ્રાય

આ સ્ટૉક અંગે વાત કરતા ચોઇસ બ્રોકિંગના સુમીત બગડિયાએ જણાવ્યું કે, "આ શેરમાં 780 રૂપિયા ઉપર ફ્રેશ બ્રેકઆઉટ જોવા મળી શકે છે. નીચેની બાજુએ આ શેર માટે 650 રૂપિયાનો સપોર્ટ છે. આ શેરમાં ઘટાડા પર ખરીદીની રણનીતિ અપનાવી શકાય. કારણ કે અત્યારસુધી તેજી પછી આ શેરમાં નફા વસૂલી સ્વાભાવિક વાત છે. લાંબો સમય ટકી રહેવા માંગતો રોકાણકારો શેર 650 રૂપિયા આસપાસ જવા પર અથવા 780 રૂપિયા ઉપર ખરીદી કરી શકે છે."

(ખાસ નોંધ: શેર બજારમાં રોકાણ જોખમોને આધિન છે. ઉપર આપવામાં આવેલી ટીપ્સ જે તે બ્રોકરેજ હાઉસની છે. ન્યૂઝ18 ગુજરાતી તરફથી શેરની ખરીદીની કોઈ સલાહ આપવામાં આવતી નથી.)

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Investment, Multibagger Stock, Share market, Stock tips