આ SME સ્ટૉકે ચાર મહિનામાં જ રોકાણકારોના 1 લાખ રૂપિયાના 12 લાખ બનાવી દીધા

પ્રતીકાત્મક તસવીર.

EKI Energy Servicesનો સ્ટૉક છેલ્લા પાંચ ટ્રેડિંગ સેશનમાં જ 1,501.80 રૂપિયાથી વધીને 1,738.40 રૂપિયા પર પહોંચી ગયો છે.

  • Share this:
    મુંબઈ: શેર બજારમાં તેજી ચાલી રહી છે. સેન્સેક્સ (Sensex) 54 હજાર અને નિફ્ટી (Nifty) 16 હજારને પાર થઈ ગયા છે. જેમાં સ્મૉલ કેપ ઇન્ડેક્સ (Small cap index) પર નવી ઊંચાઈ પર પહોંચ્યો છે. આ સાથે જ અમુક સ્ટૉક્સે છેલ્લા થોડા મહિનાઓમાં રોકાણકારોને 100 ટકાથી વધારે વળતર આપ્યું છે. BSE SME એક્સચેન્જ પર નોંધાયેલા સ્ટૉક્સ પણ સારું પ્રદર્શન કરી રહ્યા છે. આમાંથી અમુક સ્ટૉક્સે તો ખૂબ ઊંચુ વળતર આપ્યું છે.

    આ સ્ટૉક્સમાં એક શેર EKI Energy Services છે. આ કંપનીનું લિસ્ટિંગ એપ્રિલની શરૂઆતમાં BSE SME એક્સચેન્જ પર થયું હતું. જેણે ચાર મહિનાના સમયગાળામાં શેર ધારકોને 1,082 ટકાથી વધારે વળતર આપ્યું છે.

    આ SME સ્ટૉક લિસ્ટિંગના દિવસે 147 રૂપિયા પર બંધ રહ્યો હતો. બુધવારે તેની કિંમત 1,738.40 રૂપિયા હતી. એટલે કે ટૂંકા ગાળામાં જ આ શેર 1082.59 ટકા વધ્યો છે.

    આ પણ વાંચો:  ફાયદો જ ફાયદો: આ પાંચ ખાનગી બેંક બચત ખાતા પર આપે છે સૌથી વધારે વ્યાજ

    EKI Energy Servicesના સ્ટૉકમાં મંગળવારે પાંચ ટકાની અપર સર્કિટ લાગી હતી. છેલ્લા પાંચ ટ્રેડિંગ સેશનમાં આ શેર 1501.80 રૂપિયાથી લઈને 1738.40 રૂપિયા પર પહોંચી ગયો હતો. એટલે કે છેલ્લા પાંચ જ ટ્રેડિંગ સેશનમાં રોકાણકારોને 15.75 ટકા વળતર મળ્યું છે.

    આ પણ વાંચો: દેવયાની ઇન્ટરનેશનલનો IPO ખુલ્યો, ખોટમાં ચાલતી કંપનીનો IPO ભરવો કે નહીં? જાણો નિષ્ણાતોનો અભિપ્રાય

    છેલ્લા એક મહિનામાં આ શેરની કિંમત 732.65 રૂપિયાથી વધીને 1738.40 રૂપિયા થઈ ગઈ છે. એટલે કે આ સમયગાળા દરમિયાન આશરે કિંમતમાં 140 ટકાનો વધારો થયો છે.

    આ પણ વાંચો: Rolex Rings IPO: શેરની ફાળવણી આજે, તમને શેર લાગ્યા કે નહીં તે આ રીતે ચકાશો

    જો કોઈ રોકાણકારે આ સ્ટૉકમાં લિસ્ટિંગના દિવસે એક લાખ રૂપિયાનું રોકાણ કર્યું હોય તો છેલ્લા ચાર મહિનામાં તેની કિંમત વધીને11.82 લાખ રૂપિયા થઈ ગઈ હોત. એટલે કે રોકાણકાર ચાર જ મહિનામાં માલામાલ થઈ જતો.

    આ પણ વાંચો: શું તમે જાણો છો દેશના યુવાનો સૌથી વધારે શેમાં રોકાણ કરે છે? જાણો રોકાણ અને ટ્રેડિંગ પેટર્ન

    જોકે, જો આઈપીઓમાં લાગેલા શેર જો કોઈ રોકાણકારે રાખ્યા હોય તો તેના 1,22,400 રૂપિયાના રોકાણની આજની તારીખમાં કિંમત 20.86 લાખ રૂપિયા થઈ જતી. આ આઈપીઓની કિંમત 100-102 રૂપિયા પ્રતિ ઇક્વિટી શેર હતી.
    Published by:Vinod Zankhaliya
    First published: