Multibagger Penny stock: ₹2.75થી ₹178.30, ટાટા જૂથની આ કંપનીએ 2021માં રોકાણકારોને કરી દીધા ન્યાલ!

નવી દિલ્હી. Multibagger stocks: કોરોના વાયરસના હાહાકાર વચ્ચે પણ 2021ના વર્ષમાં અનેક શેરે ખૂબ સારું એવું વળતર આપ્યું છે. 2021ના વર્ષના મલ્ટીબેગર સ્ટૉકની યાદી જોઈએ તો તે ખૂબ મોટી છે. આ વર્ષે મલ્ટીબેગર સ્ટૉકની યાદીમાં અમુક પેની સ્ટૉક્સ (Penny stocks) પણ સામેલ છે. ટાટા ટેલીસર્વિસિસ શેર (Tata Teleservices share) આવો જ એક મલ્ટીબેગર પેની સ્ટૉક (Multibagger penny stock) છે. આ વર્ષે અત્યારસુધી ટાટા ટેલિસર્વિસિસ શેર 2.75 રૂપિયાના સ્તરથી વધીને 178.30 રૂપિયાના સ્તર પર પહોંચ્યો છે. એટલે કે આ શેર એક જ વર્ષમાં આશરે 65 ગણો વધ્યો છે.

ટાટા ટેલિસર્વિસિસ શેરની કિંમત

>> છેલ્લા એક અઠવાડિયામાં આ મલ્ટીબેગર પેની સ્ટૉક 162 રૂપિયાથી વધીને 178.30 રૂપિયાના સ્તર પર પહોંચ્યો છે. આ દરમિયાન રોકાણકારોને આશરે 10 ટકા રિટર્ન મળ્યું છે.

>> છેલ્લા એક મહિનામાં ટાટા ટેલીસર્વિસિસ શેર 107.20 રૂપિયાના સ્તરથી વધીને 178.30 રૂપિયા પ્રતિ શેરના સ્તર પર પહોંચ્યો છે. આ દરમિયાન રોકાણકારોને 66 ટકા વળતર મળ્યું છે.

>> છેલ્લા છ મહિનાની વાત કરીએ તો આ શેર 40.50 રૂપિયા પ્રતિ શેરના સ્તરથી વધીને 178.30 રૂપિયા પ્રતિ શેરના સ્તર પર પહોંચ્યો છે. આ દરમિયાન રોકાણકારોને 340 ટકા વળતર મળ્યું છે.

>> છેલ્લા એક વર્ષની વાત કરીએ તો આ શેર 7.85 રૂપિયાના સ્તર પરથી વધીને 178.30 રૂપિયા પ્રતિ શેરના સ્તર પર પહોંચ્યો છે. આ દરમિયાન રોકાણકારોને 2200 ટકા વળતર મળ્યું છે.

>> 16 ઓક્ટોબર, 2020ના રોજ આ શેરની કિંમત 2.75 રૂપિયા હતી. ત્યાંથી આ શેર વધીને 178.30 રૂપિયાના સ્તર પર પહોંચ્યો છે. એટલે કે રોકાણકારોને આ દરમિયાન 6,400 ટકા વળતર મળ્યું છે. એવું કહી શકાય કે આશરે એક વર્ષમાં જ રોકાણકારો આ શેરમાં માલામાલ થઈ ગયા છે.

આ પણ વાંચો: 2021માં આ શેરમાં મળ્યું 5,000 ટકા રિટર્ન, જાણો આ શેર કેમ કરાવી રહ્યો છે શાનદાર કમાણી

રોકાણ પર અસર:

>> ટાટા ટેલિસર્વિસિસની પ્રાઇસ હિસ્ટ્રીને ધ્યાનમાં રાખીને જો રોકાણ પરની અસર તપાસીએ તો જો કોઈ રોકાણકારો એક અઠવાડિયા પહેલા આ શેરમાં 1 લાખ રૂપિયાનું રોકાણ કર્યું હોય તો આજે તે 1 લાખની કિંમત 1.10 લાખ રૂપિયા હોય.

>> આ જ રીતે એક મહિના પહેલા 1 લાખનું રોકાણ આજે 1.66 લાખ રૂપિયા બની ગયું હોય.

>> જો કોઈ રોકાણકારે છ મહિના પહેલા ટાટા ટેલિસર્વિસિસના શેરમાં 1 લાખ રૂપિયાનું રોાકણ કર્યું હોય તો આજે તે 1 લાખની કિંમત 4.40 લાખ રૂપિયા હોય.

આ પણ વાંચો: ટાટા મોટર્સના શેર પર બજાર નિષ્ણાતો Bullish, જાણો કેટલો ટાર્ગેટ આપ્યો

>> આવી જ રીતે જો કોઈ રોકાણકારે એક વર્ષ પહેલા આ શેરમાં 1 લાખ રૂપિયાનું રોકાણ કર્યું હોય તો આજે તે 1 લાખ રૂપિયાની કિંમત 23 લાખ રૂપિયા હોય.

>> 16 ઓક્ટોબર, 2020ના રોજ જો કોઈ રોકાણકારે 2.75 રૂપિયા પ્રતિ શેરના ભાવે આ શેરમાં 1 લાખ રૂપિયાનું રોકાણ કર્યું હોય તો આજે તેનું રોકાણ આશરે 65 લાખ રૂપિયા બની ગયું હોય.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Investment, Multibagger Stock, Share market, Stock tips, Tata group