પેની સ્ટોકે 2 વર્ષમાં આપ્યું છપ્પરફાડ રિટર્ન, 30 હજારનું રોકાણ કરનાર આસાનીથી ખરીદી શકે ગાડી-બંગલો

શેરબજારમાં ક્યારે કયો શેર કોઈને અમીર બનાવશે અને ક્યારે કોઈને જોરદાર ફટકો પાડશે, કંઈ કહી શકાય નહીં. શેરબજારમાં કેટલાક એવા શેરો છે, જેણે રોકાણકારોને આટલો મોટો નફો આપ્યો છે, જેને સાંભળીને તમને લાગશે કે કાશ આ સ્ટોક પણ આપણા પોર્ટફોલિયોમાં હોત. જંગી નફો આપનારા શેરોમાં રાજ રેયોન ઇન્ડસ્ટ્રીઝના શેરનું નામ પણ સામેલ છે. 2 વર્ષ પહેલા રાજ રેયોન ઈન્ડસ્ટ્રીઝના 5 શેર 1 રૂપિયામાં આવતા હતા. પરંતુ, હવે આ મલ્ટિબેગર શેરની કિંમત વધીને રૂ.67.45 થઈ ગઈ છે. આ રીતે બે વર્ષમાં આ સ્ટોકમાં રોકાણકારોને 33625 ટકા વળતર આપવામાં આવ્યું છે.

2 વર્ષ પહેલા, જેમણે આ શેરમાં પૈસા રોક્યા હતા તેઓ આજે ન્યાલ થયા છે. જે રોકાણકારે બે વર્ષ પહેલા રાજ રેયોનમાં માત્ર 30,000 રૂપિયાનું રોકાણ કર્યું હતું તેઓ આજે કરોડપતિ બની ગયા છે. આ મલ્ટીબેગર સ્ટોકે છેલ્લા એક વર્ષમાં 3,891 ટકાનું વળતર આપ્યું છે. વર્ષ 2023માં અત્યાર સુધીમાં આ શેરે રોકાણકારોને લગભગ 84 ટકા નફો આપ્યો છે.

આ પણ વાંચો: PAN-Aadhar: આ લોકો માટે પાન-આધાર લિંક કરવું ખુબજ જરૂરી, જો નહીં કરો તો થઇ શકે છે મોટું નુકશાન

5 વર્ષમાં 16,862 ટકાનો ઉછાળો

પાંચ વર્ષ પહેલા જે રોકાણકારોએ રાજ રેયોનના શેરમાં નાણાં રોક્યા હતા તેઓ આજે પણ ભારે નફો કરી રહ્યા છે. આ સમયગાળા દરમિયાન મલ્ટિબેગર પેની સ્ટોકમાં 16,862 ટકાનો વધારો થયો છે. પાંચ વર્ષ પહેલા શેરનો ભાવ 40 પૈસા હતો. જોકે, આ શેર 1 મહિનામાં 15 ટકા ઘટ્યો છે.

1 લાખ 2 વર્ષમાં 33 કરોડ થઈ ગયા

જે રોકાણકારે બે વર્ષ પહેલાં રાજ રેયોનના શેરમાં રૂ.1 લાખનું રોકાણ કર્યું હતું અને પોતાનું રોકાણ જાળવી રાખ્યું હતું, તેની કિંમત હાલમાં રૂ.33,725,000ની સપાટીએ હશે. 2 વર્ષ પહેલા તેને 20 પૈસા પ્રતિ શેરના ભાવે 1 લાખ રૂપિયામાં 5 લાખ શેર મળ્યા હતા. આજે એક શેરની કિંમત રૂ.67.45 છે. તેવી જ રીતે, જો કોઈ રોકાણકારે બે વર્ષ પહેલા આ શેરમાં 30,000 રૂપિયાનું રોકાણ કર્યું હોય તો તે આજે કરોડપતિ બની ગયા હશે. આજે તેને 30 હજારમાંથી 10,117,500 રૂપિયા મળી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Multibagger stocks, Share bazar, Stock market