Home /News /business /બિઝનેસ કરવો છે તો રુપિયા માટે હવે જરા પણ ચિંતા કરવાની જરુર નથી, SBIની આ યોજના હેઠળ 50 લાખ સુધીની લોન મળશે

બિઝનેસ કરવો છે તો રુપિયા માટે હવે જરા પણ ચિંતા કરવાની જરુર નથી, SBIની આ યોજના હેઠળ 50 લાખ સુધીની લોન મળશે

SBIની આ સ્કીમમાં 10-50 લાખ રૂપિયા સુધીની સરળ લોન લઈ શકાય છે.

SBI Scheme: સ્ટેટ બેંક ઓફ ઈન્ડિયા ઉત્પાદન, વેપાર અને સેવાઓ સંબંધિત નાના અને મધ્યમ વર્ગના વ્યવસાયને વધારવામાં મદદ કરે છે.

    SBI Scheme: સ્ટેટ બેંક ઓફ ઈન્ડિયા ઉત્પાદન, વેપાર અને સેવાઓ સંબંધિત નાના અને મધ્યમ વર્ગના વ્યવસાયને વધારવામાં મદદ કરે છે. SBI ની SME સ્માર્ટ સ્કોર લોન યોજના દ્વારા, MSME એકમો કોઈપણ ક્રેડિટ જરૂરિયાતને પહોંચી વળવા માટે ભંડોળ મેળવવા માટે સક્ષમ હશે. આ સ્કીમમાં 10-50 લાખ રૂપિયા સુધીની સરળ લોન લઈ શકાય છે.

    આ સ્કીમનો લાભ કોને મળશે


    SBIની વેબસાઈટ અનુસાર, SME સ્માર્ટ સ્કોર એ કેશ ક્રેડિટ/ટર્મ લોનની સુવિધા છે. MSME ક્ષેત્રની કોઈપણ જાહેર/ખાનગી લિમિટેડ કંપની, ભાગીદારી પેઢી અથવા વ્યક્તિ આ લોન સુવિધા માટે અરજી કરી શકે છે. આ લોન કાર્યકારી મૂડીની જરૂરિયાત માટે અથવા સ્થિર સંપત્તિ ખરીદવા માટે ઉપલબ્ધ છે. SME સ્માર્ટ સ્કોર હેઠળ, ઉત્પાદન, વેપાર અથવા સેવા એકમો માટે લઘુત્તમ રૂ.10 લાખ અને મહત્તમ રૂ.50 લાખની લોન મેળવી શકાય છે. આમાં વર્કિંગ કેપિટલ માટે માર્જિન 20% અને ટર્મ લોન માટે 33% છે. SBIની વેબસાઈટ પર ઉપલબ્ધ માહિતી મુજબ, ચીફ પ્રમોટર/ચીફ એક્ઝિક્યુટિવ SME સ્માર્ટ સ્કોર વર્કિંગ કેપિટલ/ટર્મ લોન માટે અરજી કરી શકે છે. તેમની ઉંમર 18 વર્ષથી 65 વર્ષની વચ્ચે હોવી જોઈએ.

    આ પણ વાંચો:Exclusive: હવે વેચાશે MTNL અને BSNLની 3000 કરોડ રુપિયાની પ્રોપર્ટી

    EBLR સાથે જોડાયેલા વ્યાજ દરો


    SBI એ SME સ્માર્ટ સ્કોર લોનના વ્યાજ દરોને EBLR સાથે જોડ્યા છે. પાત્ર લોકોને તે ખૂબ જ સ્પર્ધાત્મક દરે મળશે. 15 ડિસેમ્બર 2022 થી SBIનું EBLR 8.90%+CRP+BSP છે. બેંક વ્યાજ દરોમાં ફેરફાર કરી શકે છે. લોન અરજી દરમિયાન તેના વિશેની વાસ્તવિક માહિતી મેળવી શકાય છે.



    SBIની વેબસાઈટ અનુસાર વર્કિંગ કેપિટલ લોનની દર બે વર્ષે સમીક્ષા કરવામાં આવશે. જ્યારે, ટર્મ લોન/ડ્રોપલાઇન OD માટે ફરી ચુકવણીનો સમયગાળો 7 વર્ષથી વધુ નહીં હોય. આ પછી, 6 મહિનાનો મોરેટોરિયમ મેળવી શકાય છે. તમામ પ્રકારની લોન માટે વાર્ષિક સમીક્ષા કરવામાં આવશે. આ યોજનામાં કોલેટરલ NIL છે. તમામ લોન CGTMSE હેઠળ આવરી લેવામાં આવશે. આ સાથે ગેરેંટી ફી લોન લેનારાઓને આપવાની રહેશે. આ લોનમાં ફી અને શુલ્ક લોનની રકમના 0.40% હોઈ શકે છે.
    Published by:Darshit Gangadia
    First published:

    Tags: Bank loan, Business loan, Business news, Personal loan, SBI bank

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन