મારુતિ કાર ચલાવો છો તો તમારા માટે મોટા સમાચાર, કંપનીએ પરત મંગાવી 9125 ખામીયુક્ત કાર

Maruti Suzuki: મારુતિ સુઝુકી કંપનીએ માર્કેટ માંથી પોતાની અમુક કાર પરત લેવાનું નક્કી કર્યું છે. જેમાં કુલ 5 મોડેલની 9125 ગાડીઓ પરત લેશે. કંપની સિયાઝ સહિતના 5 મોડલમાં ટેક્નિકલ ખરાબીના કારણે પરત મંગાવી રહી છે. CNBC આવાઝ મુજબ આ એ મોડલ છે જે 2 થી 28 નવેમ્બર 2022 વચ્ચે તૈયાર કરવામાં આવ્યા હતા. કંપનીનું કહેવું છે કે સીટ બેલ્ટમાં ખરાબીને લીધે પરત મંગાવવામાં આવ્યા છે. આ અગાઉ મારુતિએ તેની કોમ્પેક્ટ કાર ઇગ્નિસને બ્રેક સિસ્ટમમાં ફેરફાર માટે પરત મંગાવી હતી, જેમાં અમુક ફેરફારો કરવામાં આવ્યા હતા.

આ પણ વાંચો:સરકાર ફર્ટિલાઇઝર સેકટરને આપી શકે છે ભેટ, MRP ને લઈને કરી શકે છે એલાન

કંપનીઓ કારમાં ચોક્કસ ખામીને કારણે નિશ્ચિત સમયગાળામાં તૈયાર થયેલ કારને પરત મંગાવતી હોય છે. જેમાં તે ગ્રાહકો પાસેથી કોઈ પણ જાતના રૂપિયા લીધા વગર સરખી કરી આપતી હોય છે. કંપનીના કહેવા મુજબ વર્કશોપ ગ્રાહકોનો સંપર્ક કરીને માહિતી આપશે.

ગ્રાહકો માટે જરૂરી કેમ?

જો તમારું વાહન, કાર કંપનીએ પરત મંગાવેલા મોડલની યાદીમાં આવે છે તો તેનો અર્થ એ છે કે તમારા વાહનના પાર્ટ્સ જેમ કે સીટ અથવા ટાયર વગેરેમાં કેટલીક ખામી જોવા મળી છે. આ ખામી તમારા માટે જોખમી સાબિત થઇ શકે છે. જો કોઈ કંપની ખામીયુક્ત વાહનો પરત મંગાવે છે તો એ તેની જવાબદારી રહે છે કે તે ફ્રી માં રીપેર કરી આપે.

આ પણ વાંચો:IPO News: પહેલીવાર કોઈ વાઈન કંપની લિસ્ટ થવા જઈ રહી, અત્યારથી જ રોકાણકારો ઉત્સાહમાં

કંપની ફ્રી કરી આપશે

કોઈ પણ કંપનીને જયારે એ વાતનો ખ્યાલ આવે છે કે વાહનમાં કોઈ ખામી રહી ગઈ છે તો તેને તરત જ પાંચ મંગાવી લેવામાં આવે છે. આવી કાર સલામતીના નિયમોને પરિપૂર્ણ નથી કરી સક્તિ અને વ્યક્તિ માટે જોખમરૂપ સાબિત થઇ શકે છે. જેમાં કંપની આ કારણે માર્કેટ માંથી પરત લેવડાવે છે અને ગ્રાહકોને ફ્રીમાં રીપેર કરી, ખામી મુક્ત બનાવી પરત કરી દે છે અથવા તો બદલી આપે છે. આ કામ કંપનીની જવાબદારીમાં પણ આવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Maruti, Maruti Suzuki Cars, Used cars