Home /News /business /Mankind Pharma IPO: કોન્ડોમ અને પ્રેગ્નેન્સી કિટ બનાવતી કંપની મેનકાઇન્ડ ફાર્મા લાવશે આઈપીઓ

Mankind Pharma IPO: કોન્ડોમ અને પ્રેગ્નેન્સી કિટ બનાવતી કંપની મેનકાઇન્ડ ફાર્મા લાવશે આઈપીઓ

આઈપીઓ સમાચાર

Mankind Pharma IPO: કંપનીએ IPO માટે ડ્રાફ્ટ પેપર ફાઇલ કર્યા છે. કંપની પાસે હાલ સરપ્લસ કેશ છે અને હવે કંપની વધુ સારા માર્જિન માટે OTC પ્રોડક્ટ્સમાં વિસ્તરણ કરવા વિચારી રહી છે. માહિતી અનુસાર, IPO સંપૂર્ણ રીતે ઓફર ફોર સેલ હશે.

    નવી દિલ્હી. Upcoming IPO: મેનફોર્સ (Manforce) કોન્ડોમ અને પ્રેગ્નેન્સી કીટ પ્રેગા ન્યૂઝ (Prega News)નું વેચાણ કરતી જાયન્ટ ફાર્મા કંપની મેનકાઇન્ડ ફાર્મા (Mankind Pharma)એ IPO લોન્ચ કરવાની તૈયારી કરી છે. પ્રાઇવેટ ઇક્વિટી ફર્મ ક્રિસકેપિટલ (ChrysCapital)ની ઇન્વેસ્ટમેન્ટ ફર્મ મેનકાઇન્ડ ફાર્માએ માર્કેટ રેગ્યુલેટર સેબી પાસે ડ્રાફ્ટ પ્રોસ્પેક્ટસ ફાઇલ કર્યું છે. મીડિયા અહેવાલ અનુસાર કંપની અંદાજે IPO થકી 70 કરોડ ડોલર એટલે કે 5,587 કરોડ રૂપિયાથી વધુની રકમ એકત્ર કરી શકે છે. જો કંપની આ વેલ્યુએશન પર ભંડોળ એકઠું કરશે તો મેનફોર્સ કંપની ફાર્માસ્યુટિકલ સેક્ટરનો બીજો સૌથી મોટો આઈપીઓ હોઈ શકે છે. આ સેક્ટરના સૌથી મોટા IPOનો રેકોર્ડ ગ્લાન્ડ ફાર્માના નામે છે, જેણે નવેમ્બર, 2020માં 86.9 કરોડ ડોલર એકઠા કર્યા હતા.

    IPO સંપૂર્ણ OFS હશે


    એક સૂત્રએ મનીકંટ્રોલને જણાવ્યું કે કંપનીએ IPO માટે ડ્રાફ્ટ પેપર ફાઇલ કર્યા છે. કંપની પાસે હાલ સરપ્લસ કેશ છે અને હવે કંપની વધુ સારા માર્જિન માટે OTC પ્રોડક્ટ્સમાં વિસ્તરણ કરવા વિચારી રહી છે. માહિતી અનુસાર, IPO સંપૂર્ણ રીતે ઓફર ફોર સેલ હશે.

    કંપનીનું વધુ આકર્ષણનું કેન્દ્ર છે ભારતમાં કારોબાર


    અન્ય ફાર્મા કંપનીઓની સરખામણીમાં મેનકાઇન્ડ ફાર્માનો ભારતમાં સૌથી વધુ બિઝનેસ છે. બજારની સ્થિતિના આધારે તેનો IPO 70થી 80 કરોડ ડોલર અથવા તેનાથી પણ વધુ થઈ શકે છે.

    કંપની વિશે વિગતો


    મેનકાઇન્ડ ફાર્મા પ્રિસ્ક્રિપ્શન દવાઓ, OTC પ્રોડકટો અને પશુ ચિકિત્સા દવાઓનું ઉત્પાદન કરે છે. તેની ટોચની બ્રાન્ડ્સ વિશે વાત કરીએ તો પ્રેગા ન્યૂઝ, મેનફોર્સ, અનવોન્ટેડ-21, એકનેસ્ટાર, રિંગઆઉટ, ગેસ-ઓ-ફાસ્ટ અને કબ્જએન્ડ જેવી બ્રાન્ડ હેઠળ તેના ઉત્પાદનોનું વેચાણ કરે છે. કંપનીની વેબસાઈટ પર આપવામાં આવેલી વિગતો અનુસાર તે 14,000થી વધુ કર્મચારીઓને રોજગારી આપે છે અને તેનો બિઝનેસ અમેરિકા, શ્રીલંકા, કંબોડિયા, કેન્યા, કેમરૂન, મ્યાનમાર અને ફિલિપાઈન્સ સહિત 34 દેશોમાં છે.

    આ પણ વાંચો: હવે અદાણી કેપિટલ્સ લાવશે IPO, જાણો ક્યારે અને શું છે યોજના?

    નાણાંકીય પરિપ્રેશ્યમાં વાત કરીએ તો નાણાંકીય વર્ષ 2021માં કંપનીએ 6385 કરોડ રૂપિયાની આવક રળી હતી. સામે પક્ષે કંપનીએ નાણાંકીય વર્ષ 2020-21માં રૂ. 1293 કરોડનો ચોખ્ખો નફો (કર પછીનો નફો) મેળવ્યો હતો. કંપનીના પોંટા સાહિબ (હિમાચલ પ્રદેશ), સિક્કિમ, વિઝાગ અને રાજસ્થાન સહિત 21 સ્થળોએ પ્લાન્ટ છે.
    First published:

    Tags: IPO, Pharma, Share market, Stock market

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन