LPG Gas Cylinder: ગેસ સિલિન્ડર પર 700 રૂપિયા ડિસ્કાઉન્ટ મેળવવાનો આજે છેલ્લો દિવસ

નવી દિલ્હી: ઓઇલ કંપનીઓએ એલપીજી ગેસ સિલિન્ડરની કિંમતમાં ફરી એકવાર વધારો કર્યો છે. જેના પગલે સબસિડીવાળા 14.2 કિલોગ્રામના ગેસ સિલિન્ડરની કિંમત 769 રૂપિયાથી વધીને 794 થઈ ગઈ છે. આ મહિને ગેસ સિલિન્ડરના ભાવમાં ત્રણ વખત વધારો કરવામાં આવ્યો છે. જોકે, એક ઑફર મારફતે તમે મોંઘો ગેસનો બાટલો ફક્ત 94 રૂપિયામાં ખરીદી શકો છો. તો જોઈએ શું છે આ ઑફર અને કેવી રીતે તેનો લાભ ઉઠાવી શકાય છે.

તમે પેટીએમ (Paytm)થી પોતાનો એલપીજી સિલિન્ડર (LPG cylinder) બુક કરીને 700 રૂપિયા સુધીનો કેશબેક મેળવી શકો છો. દેશના મોટાભાગના હિસ્સામાં જ્યાં એલપીજી સિલિન્ડર સબસિડી પછી બાદ 769થી 794 રૂપિયાની વચ્ચે છે, એવામાં પેટીએમ ખાસ કેશબેકનો ફાયદો ઉઠાવીને તમે તેને માત્ર 94 રૂપિયામાં ખરીદી શકો છો.

આ પણ વાંચો: અમદાવાદની યુવતીનો હસતા મોઢે આપઘાત! માતાપિતા સાથે અંતિમ વાતચીતનો ધ્રુજાવી દેતો ઓડિયો આવ્યો સામે

આવી રીતે ઉઠાવો ઑફરનો લાભ

Step-1: જો આપના ફોનના Paytm App નથી તો પહેલા તેને ડાઉનલોડ કરો.

Step-2: હવે ફોન પર પેટીએમ ખોલો.

Step-3: ત્યારબાદ 'recharge and pay bills' પર જાઓ.

Step-4: હવે 'book a cylinder' (બુક એ સિલિન્ડર) ઓપ્શન ખોલો.

Step-5: ભારત ગેસ, એચપી ગેસ કે ઇન્ડેન પૈકી પોતાના ગેસ પ્રોવાઇડરની પસંદગી કરો.

Step-6: રજિસ્ટર્ડ મોબાઇલ નંબર કે પોતાનો LPG ID નોંધાવો.

Step-7: ત્યારબાદ આપને પેમેન્ટ ઓપ્શન જોવા મળશે.

Step-8: હવે પેમેન્ટ કરતાં પહેલા ઑફર પર 'FIRSTLPG' પ્રોમો કોડ નાખો

આ પણ વાંચો: અજીબ ચોરી: ચોરોએ 90 લાખમાં મકાન ખરીદ્યું, ટનલ બનાવી બાજુના મકાનમાંથી 400 કિલો ચાંદી ચોરી લીધી!


28 ફેબ્રુઆરી 2021 સુધી વેલિડ છે ઑફર

700 રૂપિયા સુધીનું આ કેશબેક પેટીએમ એપના માધ્યમથી પહેલીવાર એલપીજી ગેસ સિલિન્ડર બુક કરાવનારા ગ્રાહકોને જ મળશે. ગ્રાહક Paytm LPG Cylinder Booking Cashbackનો લાભ 28 ફેબ્રુઆરી, 2021 સુધી જ લઈ શકે છે. આ ઑફર માટે પેટીએમએ અનેક ગેસ કંપનીઓ સાથે કરાર કર્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Diesel, Gas cylinder, LPG, Oil, Paytm, Petrol