નાણામંત્રી નિર્મલા સીતારમણને કેમ યાદ આવ્યા લિજ્જત પાપડ? આ વાત સાંભળી તમને પણ કંઈક કરવાનો જુસ્સો ચડશે

લગભગ દરેક ભારતીયે લિજ્જત પાપડનો સ્વાદ ચાખ્યો જ હશે. પરંતુ આ પાપડ કંપનીના ઈતિહાસ વિશે બહુ ઓછા લોકો જાણતા હશે. મહિલા ઉદ્યમીઓના સંઘર્ષ અને સશક્તિકરણનું આ એક ઉત્તમ ઉદાહરણ છે. નાણામંત્રી નિર્મલા સીતારમણે પોતે પરંપરાગત કારીગરોને સશક્ત બનાવવા લિજ્જત પાપડના વ્યવસાયનું ઉદાહરણ ટાંક્યું હતું અને કહ્યું હતું કે પીએમ વિકાસ યોજના દેશના ગ્રામીણ ભાગોમાં છે. જે મહિલાઓને નવું જીવન અને સહાયતા આપશે. નેટવર્ક18 ના મુખ્ય સંપાદક રાહુલ જોશી સાથેની એક વિશિષ્ટ મુલાકાતમાં, નાણાપ્રધાને લિજ્જત પાપડનું ઉદાહરણ સફળતાની કહાની તરીકે આપ્યું હતું. તેમણે કહ્યું કે દેશના અન્ય જૂથો પીએમ વિકાસની મદદથી આવી સફળતા મેળવી શકે છે.

નાણા પ્રધાન નિર્મલા સીતારમણે 1 ફેબ્રુઆરીએ સંસદમાં તેમના બજેટ ભાષણ દરમિયાન પીએમ વિકાસ (પ્રધાનમંત્રી વિશ્વકર્મા કૌશલ સન્માન) યોજનાની જાહેરાત કરી હતી. આ યોજના હેઠળ, કુશળ કારીગરો અને પરંપરાગત કારીગરોને અપસ્કિલિંગ, ટેક્નોલોજી, ક્રેડિટ અને અન્ય ઘણું કરવા સરકારી સહાય મળશે.

આ પણ વાંચો:Pension: નિવૃત સૈનિકો જેમને પેન્શન મળે છે તેમણે 20 ફેબ્રુઆરી સુધીમાં આટલું ખાસ કરી લેવું નહીંતર પેન્શન અટકી શકે

લિજ્જત પાપડની શરૂઆત કેવી રીતે અને ક્યાંથી થઈ?

લગ્ન અને તહેવારોથી માંડીને દેશના દરેક ઘરમાં લિજ્જત પાપડ ખાનારાઓ હાજર હોય છે. લિજ્જત પાપડની જાહેરાત પણ 90ના દાયકામાં કરરમ, કુર્રમ…કુર્રમ….ની પંચલાઇન સાથે ખૂબ પ્રખ્યાત થઈ હતી. લિજ્જત પાપડના સ્વાદની સાથે તેની વાતો પણ ખૂબ જ રસપ્રદ છે અને મહિલા સશક્તિકરણનું ઉત્તમ ઉદાહરણ છે. સાત મહિલા મિત્રો દ્વારા શરૂ કરાયેલ લિજ્જત પાપડની સફળતા દેશની મહિલા સાહસિકો માટે મોટી પ્રેરણા છે. આ કંપની સમગ્ર ભારતમાં 45,000 થી વધુ મહિલાઓને રોજગાર આપી રહી છે. ચાલો જાણીએ કે મુંબઈથી શરૂ થયેલી લિજ્જત પાપડની સફર કેવી રીતે સફળ બની.

1959માં 80 રૂપિયાથી બિઝનેસ શરૂ કર્યો

મુંબઈની રહેવાસી જસવંતી જમનાદાસે 1959માં તેના 6 મહિલા મિત્રો સાથે મળીને પ્રથમ વખત લિજ્જત પાપડની શરૂઆત કરી હતી. આ તે સમયગાળો હતો જ્યારે મહિલાઓને ધંધા કે નોકરી માટે બહુ સ્વતંત્રતા નહોતી મળતી. પણ જસવંતી જમનાદાસે હિંમત ભેગી કરી લિજ્જત પાપડનો પાયો નાખ્યો. ખાસ વાત એ છે કે આ બિઝનેસ શરૂ કરવાનો હેતુ પૈસા કમાવવાનો નહોતો. પરંતુ આ સાતેય મહિલાઓ આ દ્વારા પોતાના પરિવારના ખર્ચમાં ફાળો આપવા માંગતી હતી.

આ પણ વાંચો:એક-બે નહીં પૂરા 10 એવા શેર્સ જેમાં 60 ટકા સુધી રિટર્ન માટે બ્રોકરેજ હાઉસોને વિશ્વાસ

જસવંતી જમનાદાસ પોપટે પાર્વતીબેન, ઉજમબેન, બાનુબેન તન્ના, લાગુબેન, જયાબેને સાથે મળીને નક્કી કર્યું કે તેઓ પાપડ બનાવવાનું શરૂ કરશે. તેની સાથે બીજી મહિલાઓ પણ હતી, જેને પાપડ વેચવાની જવાબદારી સોંપવામાં આવી હતી.

પહેલા 4 પેકેટ વેચ્યા અને આજે કરોડો પેકેટની માંગ

80 રૂપિયાની લોન લઈને મહિલાઓએ પાપડ બનાવવાનું મશીન ખરીદ્યું અને પાપડ બનાવવા માટે જરૂરી સામગ્રી પણ ખરીદી. શરૂઆતમાં મહિલાઓ પાપડના ચાર પેકેટ બનાવીને વેપારીને વેચતી હતી. આ પછી પાપડની માંગ વધી અને મહિલાઓએ દિવસ-રાત કામ કર્યું. આ પછી વેચાણ દિવસેને દિવસે વધતું ગયું.

મોટી સંખ્યામાં મહિલાઓને રોજગારી આપી

આ પછી લિજ્જત પાપડ થોડા જ સમયમાં સહકારી વ્યવસ્થા બની ગઈ. જેમાં 18 વર્ષથી ઉપરની જરૂરિયાતમંદ મહિલાઓનો સમાવેશ કરીને તેમને રોજગારી આપવામાં આવી હતી. તેમજ લિજ્જત પાપડના બિઝનેસમાંથી મહિલાઓએ એક વર્ષમાં 6196 રૂપિયાની કમાણી કરી હતી અને આજે કંપનીનું ટર્નઓવર 1600 કરોડનું છે.



જસવંતી જમનાદાસ, જેમણે લિજ્જત પાપડની સ્થાપના કરીને મહિલા સશક્તિકરણના ક્ષેત્રે દાખલો બેસાડ્યો છે. તેમને પદ્મશ્રીથી સન્માનિત કરવામાં આવ્યા છે. લિજ્જત પાપડને 2002માં ઈકોનોમિક ટાઈમ્સ બિઝનેસ વુમન ઓફ ધ યર એવોર્ડ, 2003માં દેશનો સર્વશ્રેષ્ઠ કુટીર ઉદ્યોગ એવોર્ડ સહિત અનેક પુરસ્કારો આપવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, Success story