LICની બેસ્ટ પૉલિસી, ઇન્શ્યોરન્સની સાથે મળી રહી છે, રૂપિયા એક કરોડની ગેરંટી

ન્યૂઝ 18 ગુજરાતી: LIC તમામ વર્ગને ધ્યાનમાં રાખીને પૉલિસી તૈયાર કરે છે. આવી જ એક પૉલિસી છે જીવન શિરોમણિ. આ પૉલિસી સુરક્ષાની સાથે બચતની પણ ખાતરી આપે છે.
આ પૉલિસી નૉન લિંક્ડ પ્લાન છે, જેમાં ઓછામાં ઓછા રૂપિયા એક કરોડની ગેરંટી મળે છે. સમ એશ્યોર્ડ એ ધનરાશિ છે, જે વીમાં કંપનીઓ દ્વારા ગ્રાહકોને ચોક્કસપણે આપવામાં આવે છે.

LIC પાસે તમારા જીવનને સુરક્ષિત કરવા માટે અનેક સારી પૉલિસી છે. આ પૉલિસી વિશે બહુ ઓછા લોકો જાણે છે. અમે આપને LICની આ પ્રકારની એક પૉલિસી વિશે માહિતી આપી રહ્યા છીએ જે સુરક્ષાની સાથે બચતની પણ ખાતરી આપે છે. એલઆઈસીની જીવન શિરોમણિ યોજના (ટેબલ નંબર 847) એલઆઈસી દ્વારા વર્ષ 2017માં 19મી ડિસેમ્બરના રોજ શરૂ કરવામાં આવી હતી.

આ યોજના નૉન-લિંક્ડ, મર્યાદિત પ્રીમિયમ પેમેન્ટ મની બેન્ક યોજના છે.
આ યોજના બજારની સાથે જોડાયેલા લાભ ધરાવતી યોજના છે. આ યોજના એ લોકો માટે તૈયાર કરાયેલી છે જેમની નેટવર્થ ઉંચી છે. 3 વૈકલ્પિક રાઇડર્સ ધરાવતી આ યોજનામાં વીમા કવરનો પણ સમાવેશ થાય છે.

મૃત્યુ બાદ આર્થિક સહયોગ મળે છે

એલઆઈસીની જીવન શિરોમણિ યોજનાના ધારકની જો અચાનક મૃત્યુ થાય તો તેમના પરિજનનો આર્થિક સહયોગ મળે છે.
આ યોજનામાં વીમાધારક જીવિત હોય ત્યારે ચોક્કસ વળતર આપવામાં આવે છે. આ પૉલિસી જ્યારે મેચ્યોર થઈ જાય ત્યારે પણ ચોક્કસ રકમ આપવામાં આવે છે.

LIC’s Jeevan Shiromani, a premium policy that combines protection, savings, attractive returns and medical cover - with inbuilt benefit for 15 critical https://t.co/MwPTkCYFB7 Know more: https://t.co/RzWz12vE8Y pic.twitter.com/6ms4TiIrHu

— LIC India Forever (@LICIndiaForever) November 22, 2018

સરવાઇવલ બેનિફિટ
સરવાઇવલ બેનિફિટ એટલે કે પૉલિસી હોલ્ડર જીવિત હોય ત્યારે તેમને ચોક્કસ વળતર ચુકવવામાં આવે છે.

>> 14 વર્ષની પૉલિસીમાં 10માં અને 12માં વર્ષે સમ એશ્યોર્ડના 30-30 ટકા વળતર
>> 16 વર્ષની પૉલિસીમાં 12માં અને 14માં વર્ષે સમ એશ્યોર્ડના 35-35 ટકા વળતર
>> 18 વર્ષની પૉલિસીમાં 15માં અને 16માં વર્ષે સમ એશ્યોર્ડના 40-40 ટકા વળતર
>> 20 વર્ષની પૉલિસીમાં 16માં અને 18માં વર્ષે સમ એશ્યોર્ડના 45-45 ટકા વળતર

ઉંમર મર્યાદા
આ પૉલિસીમાં વિવિધ વય જુથમાં પૉલિસી મેચ્યોર થવાની મર્યાદા જુદી જુદી છે. 14 વર્ષની પૉલિસી માટે મેચ્યોરિટી 69માં વર્ષે થશે, 16 વર્ષની પૉલિસીની મેચ્યોરિટી 67માં વર્ષે થશે, 18 વર્ષની પૉલિસી 66માં વર્ષે મેચ્યોર થશે, 20 વર્ષની પૉલિસી 65માં વર્ષે મેચ્યોર થશે.
> પ્રિમિયમની ચુકવણી વાર્ષિક, છમાસિક, ત્રિમાસિક, રાખી શકાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Financial planning, Insurance, LIC, Money, ભારત