LICની વીમાધારકોને ઓફર! મોટા ડિસ્કાઉન્ટ સાથે ફરી શરુ કરો બંધ પોલિસી

LIC revival offer: વીમાધારકો માટે અલગ-અલગ યોજનાઓ માટે અલગ-અલગ પ્રીમિયમ હોય છે. જે સંબંધિત યોજના હેઠળ આપવામાં આવેલા વિકલ્પો અનુસાર ગ્રાહક દ્વારા ચૂકવવામાં આવી શકે છે. પરંતુ કેટલીકવાર, આપેલ સમયમર્યાદામાં પ્રીમિયમની ચુકવણી ન થવાને કારણે પોલિસી સમાપ્ત થઈ શકે છે. પોલિસીધારક વ્યાજ સાથે પ્રીમિયમ ચૂકવીને પોલિસીને પુનર્જીવિત કરી શકે છે. LIC એ ગ્રાહકો માટે 2023 માટે લેપ્સ્ડ પોલિસી રિવાઇવલ સ્કીમની જાહેરાત કરી છે.

લેટ ફી ચાર્જ પર 30% સુધીની છૂટ

LIC લેપ્સ પોલિસી રિવાઇવલ સ્કીમમાં, વીમા કંપની પોલિસીધારકોને લેટ ફી પર 30% સુધીનું ડિસ્કાઉન્ટ આપવામાં આવે છે. ડિસ્કાઉન્ટની ટકાવારી પોલિસીના પ્રકાર અને દરેક ગ્રાહકના LIC પ્રીમિયમ ચુકવણી શુલ્કની મર્યાદા પર આધારિત છે. આ યોજના જાન્યુઆરી 2021માં શરૂ કરવામાં આવી હતી.

આ પણ વાંચો:Hot Stocks: બ્રોકરેજ હાઉસે કહ્યું ટૂંકાગાળામાં આ 3 કંપનીઓ આપી શકે છે 11 ટકા રીટર્ન, ચૂકી ન જતાં

LICએ એક ટ્વિટમાં જણાવ્યું છે કે તમારી લેપ્સ થયેલી LIC પોલિસીને ડિસ્કાઉન્ટેડ લેટ ફી સાથે રિવાઇવ કરી શકાય છે. LIC આવા વીમા ધારકોને આ તક હાલમાં આપી રહી છે. LICએ આ માટે 1 ફેબ્રુઆરી 2023 થી 24 માર્ચ 2023 સુધીનો સમયગાળો આપ્યો છે.

LIC કેટલી છૂટ આપી રહી છે

LIC રૂ.1 લાખ સુધીના કુલ પ્રીમિયમ પર લેટ ફીમાં 25% છૂટ આપી રહી છે, જેમાં છૂટની મહત્તમ મર્યાદા રૂ.2500 છે. જ્યારે રૂ.100001 થી રૂ.300000 સુધીના કુલ મળવાપાત્ર પ્રીમિયમ પર 25 ટકાની છૂટ આપવામાં આવી રહી છે. LICને 3 લાખથી વધુના પ્રાપ્ય પ્રીમિયમ પર 30 ટકા રિબેટ સાથે રૂ.3500 સુધીની છૂટ આપવામાં આવી રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business news, LIC, LIC Latest update, LIC News